កម្ពុជា ត្រូវការអ្នកវិនិយោគទុនជប៉ុន ដែលជាអ្នកនិយោគទុនយូរអង្វែង គោរពសិទ្ធិមនុស្ស

ដោយ៖វីរជន

លោកប្រធាន សម រង្ស៊ី និងលោកអនុប្រធាន កឹម សុខា ​ក្នុងដំណើរបំពេញបេសកកម្មការងារផ្លូវ ការនៅប្រទេសជប៉ុន ថ្ងៃទី១២ វិច្ឆិកា បានជួបប្រជុំជាមួយលោក អាយប៊ី​ នាយកគណៈ​កម្មការ​កិច្ច​សហប្រតិបត្តិការពាណិជ្ជកម្ម ជប៉ុន-មេគង្គ នៃសភាពាណិជ្ជកម្ម និងឧស្សាហកម្ម ​ដែលជា​តំ​ណាង​អ្នកវិនិយោទុនរបស់ជប៉ុន ។ 

ក្នុងជំនួបនោះ លោកអនុប្រធាន កឹម សុខា​ បានលើកឡើងថា យើងត្រូវការអ្នកវិនិយោគទុន​ជប៉ុន ដែលជាអ្នកវិនិយោគទុនយូរអង្វែង គោរពសិទ្ធិមនុស្ស ។ ដូច្នេះ នៅពេលគណបក្ស​សង្គ្រោះ​ជាតិ ​ដឹកនាំប្រទេស យើងនឹងរៀបចំបរិយាកាសឲ្យបានល្អ ដើម្បីអ្នកវិនិយោគទុនជប៉ុន អាចមករកស៊ី បង្កើតការងារជូនដល់យុវជន និងប្រជាពលរដ្ឋខ្មែរ ។ បរិយាកាសល្អនោះគឺ​យើង​ធ្វើ​ការកែទម្រង់​ប្រព័ន្ធតុលាការ ទប់ស្កាត់អំពើពុករលួយ និងការិយាធិបតេយ្យជាដើម ។ នេះបើ​តាមប្រព័ន្ធទំនាក់ទំនងសង្គម Facbook របស់លោកអនុប្រធាន កឹម សុខា បង្ហាញជាសាធារណៈ ។

ប្រទេសកម្ពុជា ក្រោមការដឹកនាំដោយគណបក្សប្រជាជន ដែលមានលោក ហ៊ុន សែន ជានា​យករដ្ឋមន្រ្តី ពោរពេញទៅដោយអំពើពុករលួយ ការិយាធិបតេយ្យ តាំងពីថ្នាក់លើដល់ក្រោម រីក​ដូច​ផ្សិត ដែលធ្វើអោយវិនិយោគទុកល្អៗ ងាកចេញពីប្រទេសកម្ពុជា ឈោងចាប់ប្រទេសដទៃ ជា​ដៃ​គូរ គ្មានអំពើពុករលួយដូចកម្ពុជានោះ​ ។

ជាលទ្ធផល ដែលអវិជ្ជាមាន គឺពលរដ្ឋជាអ្នករងគ្រោះ ដោយការគ្មានការងារធ្វើ ហើយត្រូវបង្ខំ ចិត្ត​ចំណាកស្រុក ចេញទៅរកការងារនៅក្រៅប្រទេស ទាំងប្រថុយប្រថាន ដែលជាកំសោយក្នុង​ការ​ដឹកនាំរបស់រដ្ឋាភិបាលលោក ហ៊ុន សែន ។

រដ្ឋាភិបាល ដឹកនាំដោយគណបក្សសង្គ្រោះជាតិ និងបញ្ចប់បញ្ហាទាំងនេះ ដូចការលើក​ឡើង​របស់​លោក​អនុប្រធាន កឹម សុខា​ ក្នុងជំនួបជាមួយលោក អាយប៊ី​ នាយកគណៈ​កម្មការ​កិច្ច​សហ​ប្រតិ​បត្តិ​ការពាណិជ្ជកម្មជប៉ុន-មេគង្គ នៃសភាពាណិជ្ជកម្ម និងឧស្សាហកម្ម ​ដែលជា​តំ​ណាង​អ្នកវិនិយោទុនរបស់ជប៉ុន ពេលនោះហើយ កម្ពុជាសំបូរការងារសម្រាប់ពលរដ្ឋខ្លួន វិនិ​យោគ​ទុន​ល្អ​ៗបន្តមកវិនោយោគនៅកម្ពុជា ព្រោះតែកម្ពុជា គ្មានអំពើពុករលួយ ការិយាធិបតេយ្យ ក្រោម​ការ​ដឹកនាំរបស់គណបក្សសង្គ្រោះជាតិ ៕