ក្រសួងការបរទេសកម្ពុជាស្នើឲ្យមន្ត្រីខ្មែរ
ក្នុងខេត្តស្រះកែវធ្វើការរឿងទាហានថៃ
ចាប់ពលរដ្ឋខ្មែរ
ក្រសួង ការបរទេសកម្ពុជា បានស្នើទៅកាន់អង្គកុងស៊ុលខ្មែរ ក្នុងខេត្តស្រះកែវ បន្តការទាក់ទងជាមួយអាជ្ញាធរថៃ ពីរឿងដែលទាហានថៃ ចាប់ពលរដ្ឋខ្មែរចំនួន៤នាក់។
បើតាម ការឲ្យដឹងរបស់អ្នកនាំពាក្យក្រសួងការបរទេស និងសហប្រតិបត្តិការអន្តរជាតិ លោក កុយគួង បានឲ្យដឹងថា ក្រសួងការបរទេស បានទទួលដំណឹង ពីការចាប់ខ្លួនពលរដ្ឋខ្មែរចំនួន៤នាក់ និងម្នាក់ទៀតកំពុងបាត់ខ្លួននោះហើយហើយកំពុងធ្វើយ៉ាងណាឲ្យមន្ត្រីខ្មែរប្រចាំនៅខេត្តស្រះកែវ ធ្វើការចំពោះរឿងនេះ។
សូម ជម្រាបថា ទាហានខ្មែរនៅតាមព្រំដែន បានរាយការណ៍ថា មានពលរដ្ឋខ្មែរ ចំនួន៤នាក់ ត្រូវបានទាហានថៃចាប់ខ្លួន និងម្នាក់ទៀតកំពុងតែបាត់ខ្លួននៅឡើយ ខណៈដែលពួកគេទាំងនោះ បានលួចទៅអូសឈើគ្រញូងខុសច្បាប់ នៅតំបន់ព្រំដែនកម្ពុជាថៃ។ហេតុ ការណ៍នេះបានកើតឡើង កាលពីថ្ងៃទី១៨ ខែមករា នៅគ្រាអ្នកភូមិចំនួន៥នាក់ បានស៊ីឈ្មួលលួចឆ្លងព្រំដែនអូសឈើគ្រញូង នៅលើទឹកដីថៃ ត្រង់ភូមអូរត្រាវ ឃុំកន្ត្រាម ស្រុកសុនហាន ខេត្តស៊ីសាកេត ឈមនឹងចំនុចភូមិអូរស្វាយ ឃុំអូរស្វាយ ស្រុកត្រពាំងប្រសាទ ខេត្តឧត្តរមានជ័យ ហើយក៏ត្រូវទាហានថៃ បាញ់រះនៅក្នុងព្រៃតែម្តង។
សូមជុំរាបថាក្នុង ឧបទ្ទវហេតុនោះ ពលរដ្ឋខ្មែរចំនួន៤នាក់ត្រូវបានទាហានថៃចាប់ខ្លួន ហើយម្នាក់ទៀតកំពុងបាត់ខ្លួននៅឡើយ មិនទាន់ដឹងថា ស្លាប់រឺរស់យ៉ាងណានៅឡើយទេ?
No comments:
Post a Comment
yes