តុលាការក្រុងភ្នំពេញផ្តន្ទាទោសជនជាតិថៃចំនួន៥នាក់
ឲ្យជាប់ពន្ធនាគារ៩ខែ តែព្យួរទោស
បន្ទាប់ពីបើកសវនាការពេញមួយល្ងាចមកតុលាការក្រុងភ្នំពេញបានសម្រេចឱ្យជនជាតិថៃចំនួន៥នាក់មានទោសជាប់ពន្ធនាគារចំនួន៩ខែគិតចាប់
ពីថ្ងៃចាប់ខ្លួន តែទោសនោះត្រូវបានព្យួរ ដោយត្រូវពិន័យជាប្រាក់ម្នាក់ៗមួយ
លានរៀលដែលមានន័យថា ជនជាតិថៃទាំងនោះនឹងត្រូវរួចខ្លួនវិញ។
សូមជុំរាបថាការកាត់ទោសនេះគឺដោយយោងតាមមាត្រា២៩នៃច្បាប់អន្តោប្រវេសន៍ និងមាត្រា៤៧៣នៃក្រមព្រហ្មទណ្ឌ។ ជនជាតិថៃចំនួន៥នាក់
នោះមានឈ្មោះដូច ជា៖
១ផានិច វីគីតសេត ជាសមាជិកសភា
២ណារឿម មុលជិតវ៉ារ៉ាតាណា
៣គុជ ពុនថនជូសាណាសេរី
៤ សែម ឌីនឡឺតប៊ូឆានិង
៥តាយ ណែមួងម៉ាកចន
ចំណែកវីរៈ ស៊ុមខ្វាមឃីត និង រ៉ាត់ទ្រីប៉ៃ ពូតាណាប៉ៃប៊ូន ដែលតុលាការចោទបន្ថែមពីបទប៉ុនប៉ងប្រមូលព័ត៌មានដែលអាច នាំឱ្យអន្តរាយដល់ការការពារជាតិនោះនៅតែបន្តជាប់ចោទ ដដែលហើយនឹងត្រូវគេលើក
យក មកបើកសវនាការនៅថ្ងៃទី១កុម្ភៈខាងមុខ។គួរបញ្ជាក់ផងដែរថាសវនាការជនជាតិថៃទាំង៧ខាងលើនេះគឺត្រូវគេគ្រោងនឹងបើកធ្វើនៅថ្ងៃទី១កុម្ភៈខាងមុខប៉ុន្តែ កាលបរិច្ឆេទត្រូវបានផ្លាស់ប្តូរមកថ្ងៃទី២១មករាវិញដោយសារមានសំណូមពរ យ៉ាងទទូចរបស់តំណាងជនជាប់ចោទ និងស្ថានទូតថៃ។ ជនជាតិថៃទាំង៧នាក់ដែលក្នុងនោះមានតំណាងរាស្ត្រក្រុងបាងកកម្នាក់ ផងដែរនោះត្រូវបានអាជ្ញាធរខ្មែរចាប់ខ្លួនកាលពីថ្ងៃទី២៩ធ្នូឆ្នាំ២០១០ ខណៈដែលពួកគេដើរចូលក្នុងទឹកដីខ្មែរដោយខុសច្បាប់ក្នុងភូមិសាស្ត្រ ចំណុចគីឡូម៉ែត លេខ២៦ក្នុងខេត្តបន្ទាយមានជ័យ។គួររំលឹកផងដែរថា ពួកគេ ត្រូវបានតុលាការសាលាដំបូងរាជធានីភ្នំពេញចោទប្រកាន់ពីបទឆ្លងដែល ខុសច្បាប់ និងចូលក្នុងតំបន់យោធាក្នុងបំណងទុច្ចរិត។ ប៉ុន្តែ ជនជាតិថៃ២នាក់ ក្នុងចំណោម៧នាក់ត្រូវបានតុលាការចោទបន្ថែម ពីបទប៉ុនប៉ងប្រមូលព័ត៌មាន ដែលអាចធ្វើឱ្យអន្តរាយដល់ការការ
ពារជាតិ។សូមបញ្ជាក់ថា រហូតមកទល់ពេលនេះ មានជនជាតិថៃតែម្នាក់ប៉ុណ្ណោះដែលបន្តស្ថិតនៅក្នុងពន្ធនាគារព្រៃ សគឺវីរៈ ស៊ុមខ្វាមឃីត។ ចំណែកឯ រ៉ាត់ទ្រីប៉ៃ ពូតាណាប៉ៃប៊ូន ត្រូវបានសាលាឧទ្ធរណ៍ដោះលែងឲ្យនៅក្រៅឃុំតាំងពីថ្ងៃទី១៨មករាមកម្លេះ ៕
No comments:
Post a Comment
yes