ប្រជាពលរដ្ឋបឹងកក់ត្រូវប៉ូលីសបង្រ្កាបបាតុកម្ម
បំបែកមិនឲ្យដាក់លិខិតទៅទូតចិន
បំបែកមិនឲ្យដាក់លិខិតទៅទូតចិន
ក្រុមនគរបាលបង្រ្កាបបាតុកម្មរបស់ស្នងការរាជធានីភ្នំពេញបានធ្វើការបង្រ្កាបទៅលើប្រជាពលរដ្ឋតំបន់បឹងកក់នៅមុខស្ថានទូតចិនប្រចាំនៅកម្ពុជានៅព្រឹកថ្ងៃទី១៧ មករា ពេលដែលប្រជាពលរដ្ឋយកលិខិតស្នើសុំស្ថានទូតអោយជួយដោះស្រាយដល់ពួកគាត់។
ប្រជាពលរដ្ឋចំនួន៧ភូមិគឺភូមិ១ ៦ ២០ ២១ ២២ ២៣ និងភូមិ២៤ ដែលមាន
ប្រជាពលរដ្ឋចំនួន៣២០០គ្រួសារ រងផលប៉ះពាល់ក្នុងការអភិវឌ្ឍន៏របស់ក្រុមហ៊ុន ស៊ូកាគូអ៊ីន ។ ហើយប្រជាពលរដ្ឋនៅជុំវិញតំបន់បឹងកក់សូមអោយ
លោកឯកអគ្គរដ្ឋទូតចិនជួយអន្តរាគមន៏ទៅក្រុមហ៊ុនចិនឈ្មោះ erdos hongjun investMent co,ltd ដែលជាក្រុមហ៊ុនវិនិយោគដ៏ធំមួយរបស់ចិន បានព្រមព្រៀងបង្កើតជាក្រុមហ៊ុនចំរុះមួយឈ្មោះថា ស៊ូកាគូ អេដូស ហុងជុន ប្រូផើធី
ឌីវេឡបមេនដែលបានសហការចាប់ដៃជាមួយក្រុមហ៊ុន ស៊ូកាគូអ៊ីន លើគំរោងអភិវឌ្ឍន៏តំបន់បឹងកក់។
នៅក្នុងលិខិតរបស់ប្រជាពលរដ្ឋតំបន់បឹងកក់ដាក់ទៅឯកអគ្គរដ្ឋទូត
ចិននៅថ្ងៃទី១៧ មករា ទាមទារអោយក្រុមហ៊ុនដោះស្រាយពីរចំនុចដល់ពួកគាត់ក្នុងនោះមានដូចជា ៖
១ ដោះស្រាយតាមទំហំដីជាក់ស្តែងមួយម៉ែត្រការ៉េ១៥០០ដុល្លារ
២ ត្រូវផ្តល់ដី១៥ ហិកតា នៅតំបន់បឹងកក់អោយប្រជាពលរដ្ឋតំបន់បឹងកក់
អភិវឌ្ឍន៏ដោយខ្លួនឯង។
សូមជម្រាបថា ប្រជាពលរដ្ឋតំបន់បឹងកក់បានធ្វើការតវ៉ា ទាមទារជាច្រើនលើកច្រើនសារទៅស្ថាប័នដែលពាក់ព័ន្ធអោយជួយដោះស្រាយ
ដល់ពួកគាត់ ជាពិសេសពីនាយករដ្ឋមន្ត្រី ហ៊ុន សែន ប៉ុន្តែមិនទទួលបាន
លទ្ធផលអ្វីនោះទេ៕
No comments:
Post a Comment
yes