លទ្ធផលអំពីការស្រាវជ្រាវ និងបង្ក្រាបករណី
សាមិត្ត វីរៈ និង ពើយ ប៉ែល
ដោយ អនុវត្តតាមបទបញ្ជារបស់ ឯកឧត្តម នាយឧត្តមសេនីយ៏ សៅ សុខា អគ្គមេបញ្ជាការរង នៃ កងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេសកាលពីថ្ងៃទី១០ និងថ្ងៃទី១២ ខែមករា ឆ្នាំ២០១១ សមត្ថកិច្ចកងរាជអាវុធហត្ថដឹកនាំដោយ លោកឧត្តមសេនីយ ហុង វីណុល នាយស្នងការពត័មាន និងសន្តិសុខ កងរាជអាវុធហត្ថលើផ្ទៃប្រទេសដោយមានការចូលរួមពីព្រះរាជអាជ្ញា យោធាផងបានចុះធ្វើការឃាត់ខ្លួន និងឆែកឆេរ លំនៅដ្ឋានរបស់ឈ្មោះ សាមិត្ត វីរៈ (ហៅ រ៉ា អតីតឈ្មោះ ពេជ្រ ធឿន) និង ឈ្មោះ រុន សារ៉ាត់ នៅផ្ទះលេខG139 ផ្លូវលូប្រាំ ភូមិដំណាក់ធំ៣ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ និងបានធ្វើការឃាត់ខ្លួនឆែកឆេរលំនៅ ដ្ឋានឈ្មោះ ពើយ ប៉ែល នៅភូមិខ្នារង្វាស ឃុំឃុនរាម ស្រុកបន្ទាយស្រី ខេត្តសៀមរាប (តំបន់ទួលគ្រួស) ។
លោកឧត្តមសេនីយ ហុង វីណុល បានបង្ហាញអំពីលទ្ធផលប្រតិបត្តិការស្រាវជ្រាវថាបានធ្វើការឃាត់ ខ្លួនជនសង្ស័យចំនួន៥នាក់រួមមាន៖
១.ឈ្មោះ សាមិត្ត វីរៈ(ហៅរ៉ា អតីតឈ្មោះ ពេជ្រ ធឿន) ភេទប្រុស អាយុ ៤៨ ឆ្នាំ ជនជាតិ ខ្មែរសញ្ជាតិខ្មែរនាយករងនាយកដ្ឋានផលិតសម្ភារៈយោធានៃអគ្គនាយ កដ្ឋានសម្ភារៈបច្ចេកទេសក្រសួងការពារជាតិ ទីកន្លែងកំណើត ភូមិបាកិល ឃុំបែកថ្លាង ស្រុកឧត្តុង្គ ខេត្តកំពង់ស្ពឺ ទីលំនៅបច្ចុប្បន្នផ្ទះលេខ G139 ផ្លូវលូប្រាំ ភូមិដំណាក់ធំ៣ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ ។
២.ឈ្មោះ រុន សារ៉ាត់ ភេទប្រុស អាយុ ៣២ឆ្នាំ ជនជាតិខ្មែរ សញ្ជាតិខ្មែរ មុខរបរបម្រើ ការងារនៅនាយកដ្ឋានផលិតសម្ភារៈយោធា (បើកបរឱ្យឈ្មោះ សាមិត្ត វិរៈ) ទីលំនៅផ្ទះលេខ ៩៨ ភូមិ២ សង្កាត់ជ្រោយចង្វារ ខណ្ឌឬស្សីកែវ រាជធានីភ្នំពេញ ។
៣.ឈ្មោះ ពើយ ប៉ែល ភេទប្រុស អាយុ ៥៣ឆ្នាំ ជនជាតិខ្មែរ សញ្ជាតិខ្មែរ មុខរបរជំនួយការការិយាល័យបច្ចេកទេស នាយកដ្ឋានផលិតសម្ភារៈយោធា ទីលំនៅភូមិខ្នារង្វាស ឃុំឃុនរាម ស្រុកបន្ទាយស្រី ខេត្តសៀមរាប ។
៤.ឈ្មោះ អ៊ឹម ឆាយ ភេទប្រុស អាយុ ៦២ឆ្នាំ ជនជាតិខ្មែរ សញ្ជាតិខ្មែរ មុខរបរ អនុប្រធានភូមិ ទីលំនៅ ភូមិបុស្សតាផង់ ឃុំត្រពាំងក្រញូង ស្រុកត្រាំកក់ ខេត្តតាកែវ ។
៥.ឈ្មោះ ជា តុល ភេទប្រុស អាយុ ៤៩ឆ្នាំ ជនជាតិខ្មែរ សញ្ជាតិខ្មែរ មុខរបរយោធា កងពលតូចលេខ៣១ ទីលំនៅ ភូមិបុស្សតាផង់ ឃុំត្រពាំងក្រញូង ស្រុកត្រាំកក់ ខេត្តតាកែវ ។ វត្ថុតាងដែលត្រូវបានរកឃើញនិងបានធ្វើការដកហូតពីផ្ទះ និងជនសង្ស័យខាងលើរួមមាន៖
១-អាវុធ ចំនួន ២៩ដើម -AK47 ចំនួនៈ ១៥ដើម-M18 ចំនួនៈ២ដើម-M16 ចំនួនៈ ១ដើម-ម៉ាត់ទី្រយ៉ែតចំនួនៈ ១ដើម-CKCចំនួន: ១ដើម-k៥៤ ចំនួនៈ ៣ដើម-K៥៩ ចំនួនៈ ២ដើម-CF98ចំនួនៈ ១ដើម-អ៊ែកស្តាល់ចំនួនៈ១ដើម-ប្រាហាចំនួនៈ១ដើម-កាំភ្លើងខ្យល់បាញ់សត្វចំនួនៈ១ដើម(ក្នុងនោះប្រគល់ដោយស្ម័គ្រចិត្តចំនួន៩ដើម មានAK47ចំនួន ៥ដើម K54ចំនួន២ដើម និងK59 ចំនួន ២ដើម)
២-គ្រាប់រួមចំនួនៈ ៣៣៣២គ្រាប់-AK47 ចំនួនៈ ២២២៨គ្រាប់-M18 ចំនួនៈ ៤៦គ្រាប់-M16 ចំនួនៈ ៨៧២គ្រាប់-ម៉ាត់ទី្រយ៉ែតចំនួនៈ ៧០គ្រាប់-CKCចំនួនៈ ៦គ្រាប់-k៥៤ ចំនួនៈ ២០គ្រាប់-k៥៩ចំនួនៈ ៤គ្រាប់-CF98 ចំនួនៈ ៣០គ្រាប់- អ៊ែកស្តាល់ចំនួនៈ ៩គ្រាប់-ប្រាហាចំនួនៈ ៤៤គ្រាប់-គ្រាប់បែកចំនួនៈ ៣គ្រាប់ (ក្នុងនោះប្រគល់ដោយស្ម័គ្រចិត្តចំនួន ៩៩គ្រាប់ មានAK47ចំនួន៨២គ្រាប់K54ចំនួន ១៣គ្រាប់ និងK59 ចំនួន៤គ្រាប់)
៣-បង់ ចំនួនៈ ៦៥ បង់-AK47 ចំនួនៈ ៣៣បង់-M16ចំនួនៈ ២២បង់-ម៉ាត់ទី្រយ៉ែតចំនួនៈ ៣បង់ -K៥៤ចំនួនៈ ៣បង់-K៥៩ ចំនួនៈ ២បង់-CF98 ចំនួនៈ ២បង់-អ៊ែកស្តាល់ចំនួនៈ ១បង់-ប្រាហា ចំនួនៈ ១បង់ (ក្នុងនោះប្រគល់ដោយស្ម័គ្រចិត្តចំនួន ១២បង់ មានAK47ចំនួន៨បង់ K54ចំនួន ២បង់ និងK59 ចំនួន២បង់)
៤-ទុសៀចំនួនៈ ៤ ៥-ឯកសណ្ឋានកងទ័ពចំនួនៈ៤៧កំប្លេ (ពាក់ផ្កាយបីចំនួន៣កំប្លេ) និងសម្ភារៈយោធាមួយចំនួន។
៥-រូបិយប័ណ្ណខុសប្រក្រតីមួយចំនួន, ម៉ាស៊ីនរាប់លុយ១គ្រឿង,ម៉ាស៊ីនពិនិត្យលុយ១គ្រឿង, កិច្ចសន្យាស្តីពីការផ្លាស់ប្តូររូបិយប័ណ្ណចំនួនៈ ១ ច្បាប់=៧ សន្លឹក និង រូបថតគំរូរូបិយប័ណ្ណ ចំនួនៈ២២ សន្លឹក ។
៦.សម្ភារៈផ្សេងៗមាន៖- រថយន្តចំនួនៈ ២ គ្រឿង (ស្លាកលេខខ.ម១.២-១៦៦៦, ខម១.២-៣៣៥៥)- អត្តសញ្ញាណប័ណ្ណស៊ីវិល ចំនួនៈ ៣៧ សន្លឹក - បណ្ណ័សំគាល់យានយន្ត ចំនួនៈ ៦ សន្លឹក- រូបថតឈើក្រញូង ចំនួនៈ ២០ សន្លឹក- ឯកសារដីនៅទួលគ្រួស ខេត្តសៀមរាបមួយចំនួន - អត្តសញ្ញាណប័ណ្ណសមាជិកគណបក្ស ចំនួន ២សន្លឹក (ចក្រពង្សប្រលឹងខ្មែរនិងសម រង្ស៊ី) តាមការស្រាវជ្រាវ, ស្តាប់ចម្លើយ, វត្ថុតាងដែលប្រមូលបាន និងសាក្សី លោកឧត្តមសេនីយ ហុង វីណុល បានបញ្ជាក់ថាឈ្មោះ សាមិត្ត វីរៈ និងឈ្មោះ ពើយ ប៉ែល ពិតជាមានចេតនាទុច្ចរិត ហើយបានប្រព្រឹត្តនូវអំពើល្មើស សន្និធិអាវុធគ្រឿងផ្ទុះ និង គ្រាប់រំសេវគ្មានការអនុញ្ញាត, ក្លែងបន្លំឯកសារសាធារណៈ, ក្លែងបន្លំឋានន្តរសក្តិ, បង្កើតកម្លាំងប្រដាប់អាវុធខុសច្បាប់, រក្សាទុក និងធ្វើចរាចររូបិយប័ណ្ណមិនប្រក្រតី, កាប់ទន្រ្ទានយកដីព្រៃ និងជួញដូរឈើខុសច្បាប់ដែលធ្វើឱ្យប៉ះពាល់ដល់សណ្តាប់ធ្នាប់សង្គម និងសន្តិសុខ ជាតិ។ បច្ចុប្បន្នជនល្មើស និងវត្ថុតាងត្រូវបានបញ្ជូនទៅតុលាការយោធាដើម្បីធ្វើការចោទ ប្រកាន់តាមផ្លូវច្បាប់ហើយ ។
No comments:
Post a Comment
yes