ក្រុមអ្នកតំណាងរាស្រ្តគណបក្ស សម រង្ស៊ី ស្នើសុំអោយ
ក្រុមអ្នកតំណាងរាស្រ្តគណបក្សសម រង្ស៊ីចំនួន១៧រូបបានធ្វើលិខិតជូន លោកហេងសំរិនប្រធានរដ្ឋសភាកាលពីថ្ងៃទី០១ខែមេសាសូមប្រកាស ផ្តល់អភ័យឯកសិទ្ធសភាជូនលោកស្រីមូរសុខហួរវិញនិងសុំឲ្យមាន ការគោរពសិទ្ធិតំណាងរាស្រ្តឲ្យបានត្រឹមត្រូវ។
នៅក្នុងលិខិតអ្នកតំណាងរាស្រ្តគណបក្សសមរង្ស៊ីទាំង១៧រូបបានចោទ ប្រកាន់ទៅ លើគណៈកម្មការអចិន្រ្តៃរដ្ឋសភានីតិកាលទី៤ដែលគ្រប់គ្រងដោយគនបក្សប្រជាជនកម្ពុជាតែម្នាក់ឯងបានក្លាយទៅជាស្ថាប័នប្រ កាន់បក្សប្រើអំណាចខ្វះការទទួលខុសត្រូវនិងពុំបានគោរពឆន្ទះ ប្រជាពលរដ្ឋដោយធ្វើការព្យួរនិងដកអភ័យឯកសិទ្ធិសភាពីអ្នក តំណាងរាស្រ្តគណបក្សផ្សេងដោយស្រួលនិងគ្មានមូលដ្ឋានដោយគ្រាន់ តែមានរឿងបន្តិចបន្តួច។
អ្នកតំណាងរាស្រ្តគណបក្សប្រឆាំងសមរង្ស៊ីបានចោទទៀតថារដ្ឋសភា ត្រូវបាននិងកំពុងប្រើប្រាស់ជាឧបករណ៏របស់ស្ថាប័ននីតិប្រតិបត្តិសំរាប់ ផ្តល់អំណាចឥតគណនានិងគ្រប់បែបយ៉ាងអោយរាជរដ្ឋាភិបាលក្នុងការ ប្រព្រឹត្តគ្មានលក្ខ័ណ្ឌនិងគ្មានការត្រួតពិនិត្យនូវសកម្មភាពទាំងឡាយ៕
No comments:
Post a Comment
yes