បក្សប្រឆាំងប្រាប់ទូតអង់គ្លេសពីបញ្ហាប្រជាធិបតេយ្យ
និងសិទ្ធិមនុស្សនៅកម្ពុជា
លោក យឹម សុវណ្ណ អ្នកនាំពាក្យគណបក្សសមរង្ស៊ីក្រុមមន្រ្ដីគណបក្សសមរង្ស៊ីនៅព្រឹកថ្ងៃទី១៨ ឧសភា នេះ បានជួបជាមួយក្រុមមន្រ្ដីស្ថានទូតប្រទេសអង់គ្លេសនៅទីស្នាក់ការធំ របស់ខ្លួនឯសង្កាត់ទន្លេបាសាក់ខណ្ឌចំការមន ដែលជំនួបនោះបានផ្ដោតសំខាន់លើបញ្ហាប្រជាធិប តេយ្យនិងការរំលោភ សិទ្ធិមនុស្សដែលកំពុងកើតមាននៅក្នុងប្រទេសកម្ពុជា។
លោក យឹម សុវណ្ណ អ្នកនាំពាក្យគណបក្សសមរង្ស៊ីបានថ្លែងប្រាប់ក្រុមអ្នករាយការណ៍ ព័ត៌មានថា គណបក្សសមរង្ស៊ីបានប្រាប់ស្ថានទូតអង់គ្លេសពីបញ្ហាមួយចំនួនដូច ជា អតុល្យភាពអំណាចនៅក្នុងរដ្ឋសភាដែលសម្លេងពីបក្សប្រឆាំងពុំត្រូវបាន បក្សកាន់អំណាចយកចិត្ដទុកដាក់ ការរំលោភបំពានលើសិទ្ធិមនុស្សនៅតែបន្ដកើតមានក្នុងកម្រិត ធ្ងន់ធ្ងរ។ ហើយបានទាមទារឲ្យដាក់ការជម្រុញទៅរដ្ឋាភិបាលខ្មែរឲ្យពង្រឹងផ្នែក ទាំងនេះឡើងវិញ។ ជាមួយគ្នាក្រុមមន្រ្ដីគណបក្សប្រឆាំងក៏បានស្នើសុំឲ្យទូតអង់គ្លេស ជួយអន្តរាគមន៍ផងដែរដើម្បីឲ្យលោក សម រង្ស៊ី មេដឹកនាំរបស់គេដែលរងការធ្វើទុក្ខបុកម្នេញពីបក្សកាន់អំណាច ហើយបច្ចុប្បន្នកំពុងរស់នៅក្រៅប្រទេសនោះបានវិលត្រឡប់ចូលស្រុក វិញ៕
ពីគេហទំព័រ ៖ សារព័ត៌មានសេរី
No comments:
Post a Comment
yes