ប្រទេស60ជួបប្រជុំគ្នានៅក្រុងប៉ារីសកំណត់
ពីជោគជ័យខាងយោធាបញ្ចប់របបលោកកាដាហ្វី
សហគមន៍អន្តរជាតិជួបប្រជុំគ្នានៅក្រុងប៉ារីសនាថ្ងៃទី១ កញ្ញា នៅជុំវិញប្រទេសបារាំង និងអង់គ្លេសពិភាក្សាពីការឆ្លងកាត់ប្រជាធិបតេយ្យរបស់លីប៊ីសេរី ខណៈសល់តែការប្រយុទ្ធចុងក្រោយនានារវាងពួកឧទ្ទាម និងកងកម្លាំងនៅស្មោះត្រង់នឹងលោកកាដាហ្វី ចុងក្រោយទាំងឡាយ។
នៅវិមានប្រធានាធិបតី លោកនីកូឡាស់ សាកូហ្សី ប្រធានាធិបតីបារាំង រួមជាមួយនាយករដ្ឋមន្ត្រីអង់គ្លេស លោកដាវីដ កាមឺរ៉ូន ត្រូវជួបជាមួយបណ្តាតំណាងរបស់ប្រទេសចំនួន៦០ ជាមួយនឹងចេតនាបញ្ជាក់ពីជ័យជំនះខាងយោធាដែលបានបញ្ចប់របបលោកកាដាហ្វី ។
ចូលរួមក្នុងសន្និសីទនេះ ក្រៅពីប្រទេស៣០ ជាសមាជិកក្រុមប្រទេសប្រាស្រ័យទាក់ទង ដែលគាំទ្រដល់ការវាយប្រហារតាមអាកាសប្រឆាំងលីប៊ី ក៏មានតំណាងប្រទេសដែលមិនគាំទ្រ ហើយប្រឆាំងនឹងអន្តរាគមន៍យោធារបស់អូតង់នៅលីប៊ីផងដែរ។ អគ្គលេខាធិការរបស់សម្ព័ន្ធអារ៉ាប់ និងអគ្គលេខាធិការ អ.ស.ប ក៏ចូលរួមក្នុងសន្និសីទនោះដែរ ។ ខាងអាមេរិកចូលរួមដោយរដ្ឋមន្ត្រីការបរទេសលោកស្រី ហ៊ីលឡារី គ្លីនតុន។
ប្រទេសអង់គ្លេសសម្រេចបញ្ចេញប្រាក់១,៦ពាន់លានដុល្លារ ជាទ្រព្យសម្បត្តិរបស់លីប៊ីដែលផ្អឹបទុកឱ្យដល់រដ្ឋអំណាចថ្មី ហើយបារាំងស្នើបញ្ចេញទ្រព្យសម្បត្តិលីប៊ីចំនួន១,៥ពាន់លានអឺរ៉ូ។ វិមានប្រធានាធិបតីបារាំងអះអាងថា ទ្រព្យសម្បត្តិរបស់លីប៊ីដែលផ្អឹបទុកនៅបារាំងមានប្រមាណជា៧,៦ពាន់លានអឺរ៉ូ ៕
ពីគេហទំព័រ៖ កោះសន្តិភាព
No comments:
Post a Comment
yes