អគ្គនាយកប៉ូលីសថៃចាស់និងត្រូវដកចេញ
ក្នុង៧ថ្ងៃ
ក្រុងបាងកកៈ យោងតាមឧបនាយករដ្ឋមន្រ្តី លោក ឆាឡឺម យូបំរុង ឲ្យដឹងថា អគ្គនាយកប៉ូលិស ជាតិថៃ លោក វីឈាន ប៉ូតេផូស្រី ទំនងជានឹងត្រូវដកហូតពីតំណែងរបស់លោកនៅក្នុងរយៈពេលមួយសប្ដាហ៍។
លោកអនុសេនីយ៍ឯកប៉ូលិស ឆាឡឺម ដែលកំពុងមើលការខុស ត្រូវប៉ូលិសភូមិន្ទថៃបាននិយាយថា លោកនឹងត្រូវធ្វើការវិនិច្ឆ័យឲ្យបានច្បាស់លាស់នៅក្នុងកម្លាំងនគរបាលជាតិដើម្បី «ដាក់មនុស្សល្អឲ្យត្រូវជំនាញល្អ»។
លោកបានថ្លែងថា៖ «ឧត្តមសេនីយ៍ វីឈាន ជាអគ្គស្នងការនគរបាលជាតិអស់រយៈពេលជិតមួយឆ្នាំហើយ។ ប៉ុន្តែឥឡូវនេះ មានកើតកន្លែងលេងល្បែងនៅទូទាំងប្រទេស»។
លោកឧត្តមសេនីយ៍វីឈាន ជាអគ្គនាយកនគរបាលជាតិតាំងពីថ្ងៃទី២កញ្ញា ២០១០មកម្ល៉េះ។អនុសេនីយ៍ឯក ឆាឡឺម បានបន្ថែមទៀតថា មានម៉ាស៊ីនភ្នាល់ការប្រណាំងសេះគ្រប់ទីកន្លែងក្នុងកាស៊ីណូ ហើយប៉ូលិសយកប្រាក់៥ពាន់បាតក្នុងម៉ាស៊ីនមួយគ្រឿង។ កន្លែងលេងល្បែងខ្លះយកឧបករណ៍កាស៊ីណូមកពីហុងកុង ម៉ាកាវ និង កូរ៉េខាងត្បូង រីឯប៉ូលិសវិញសប្បាយចិត្តនឹងទទួលយកសំណូកយ៉ាងច្រើន។ លោកបានចោទថា អ្នកដែលនៅក្នុងកម្លាំងប៉ូលិស ទើបដឹងយ៉ាងច្បាស់អំពីរឿងនេះ។
លោកអនុសេនីយ៍ឯក ឆាឡឺម បានបញ្ជាក់ថា លោកមិនបាននិយាយថា បញ្ហាល្បែងស៊ីសងកើតមានឡើងដោយសារតែការគ្រប់គ្រងមិនបានល្អរបស់លោកឧត្ដមសេនីយ៍ វីឈាន នោះទេ ប៉ុន្តែគេត្រូវទទួលខុសត្រូវចំពោះរឿងនេះ។
លោកបានបញ្ជាក់ថា៖ «វាមិនអាចទៅរួចទេ ដែលកាស៊ីណូធំមួយអាចបើកចំកណ្ដាលក្រុងបាងកក ហើយក្រុមមន្ត្រីនគរបាលឋានៈខ្ពស់ៗ មិនបានដឹងពីរឿងនេះ និងមិនបានយល់ព្រមឲ្យគេ បើកកាស៊ីណូនោះ»។
លោកបានបន្ថែមថា៖ «វាទំនងជា» មេប៉ូលិសថ្មីម្នាក់នេះ នឹងត្រូវពិនិត្យមើលរយៈពេល៧ថ្ងៃទៀត។ នាយនគរបាលជាន់ខ្ពស់ជាច្រើនសុទ្ធតែមានសមត្ថភាពជាអគ្គស្នងការបាន៕ PN
ពីគេហទំព័រ៖ ភ្នំពេញប៉ុស្តិ៏
No comments:
Post a Comment
yes