យោងតាមអាជ្ញាធរមូលដ្ឋានថា មនុស្ស២នាក់បានត្រូវស្លាប់ ហើយ២នាក់ទៀតត្រូវរបួសកាលពីថ្ងៃទី២១ តុលា កន្លងមកនេះក្នុងការធ្លាក់ឧទ្ធម្ភាគចក្រមួយគ្រឿងនៅភាគខាងត្បូងទីក្រុងម៉ិចស៊ីកូ។
រដ្ឋមន្ត្រីអភិវឌ្ឍន៍ក្រុងរបស់រដ្ឋម៉ិចស៊ីកូ លោកហ្វ័រណានដូ អាល់ប័រតូ ហ្គាស៊ីយ៉ា និងអ្នកបើកម្នាក់ត្រូវរបួសធ្ងន់ ហើយបញ្ជូនទៅកាន់មន្ទីរពេទ្យមួយ។ អ្នកបើកម្នាក់ទៀត និងជំនួយការរបស់រដ្ឋមន្ត្រីរូបនេះបានត្រូវស្លាប់។ ឧទ្ធម្ភាគចក្រនោះជារបស់ អាជ្ញាធរមូលដ្ឋាន។
អភិបាលរដ្ឋម៉ិចស៊ីកូ លោកអឺរូវីអែល អាវីឡា គូសបញ្ជាក់ថា រដ្ឋាភិបាលរបស់លោកនឹងចេញសងការខូចខាតទាំងឡាយដោយសារការធ្លាក់ឧទ្ធម្ភាគចក្រនោះលើផ្ទះរបស់ប្រជាជន។ លោកអាវីឡាឱ្យដឹងថា រដ្ឋម៉ិចស៊ីកូ នឹងរួមសហការជាមួយរដ្ឋាភិបាលសហព័ន្ធ និងអាជ្ញាធរក្រុងម៉ិចស៊ីកូ ដើម្បីកំណត់ពីមូលហេតុពិតប្រាកដនៃគ្រោះថ្នាក់នោះ៕
No comments:
Post a Comment
yes