រដ្ឋមន្ដ្រីក្រសួងការបរទេស ម៉ាឡេស៊ី៖ ការសុំអភ័យទោសគួរតែត្រូវបានធ្វើឡើងជូនកម្ពុជា

​រដ្ឋមន្ដ្រីក្រសួងការបរទេស ម៉ាឡេស៊ី លោក ដាតុក ស៊េរីអានីហ្វា អាម៉ាន់ បានថ្លែងអះអាងនៅថ្ងៃចន្ទ ទី១៧ ខែតុលា ឆ្នាំ២០១១ថា ការសុំអភ័យទោស មួយ គួរតែត្រូវបានធ្វើឡើងជូនកម្ពុជា ប្រសិនបើ
ការចោទប្រកាន់ ទាក់ទងទៅនឹងការធ្វើបាប និងការបំពានណាមួយទៅលើ ពលករខ្មែរ បម្រើការងារ
នៅម៉ាឡេស៊ីពិតជា ត្រូវបានបង្ហាញភស្ដុតាងមែននោះ។

 

​លោករដ្ឋមន្ដ្រីការបរទេស ត្រូវបានកាសែត ឌឺស្ដារ ដកស្រង់សម្ដី ដែលបាននិយាយថា “ខ្ញុំត្រៀមខ្លួន

ធ្វើដំណើរមកកាន់... ទីក្រុងភ្នំពេញ ដើម្បីជួបសម ភាគីរបស់ខ្ញុំ (លោកឧបនាយករដ្ឋមន្ដ្រី ហោ ណាំហុង រដ្ឋមន្ដ្រីក្រសួងការបរទេស) ។ ខ្ញុំមិនចង់ឱ្យ កម្ពុជាកែប្រែការសម្រេចចិត្ដរបស់ខ្លួនឡើង

វិញនោះទេ ប៉ុន្ដែគ្រាន់តែចង់ជជែក អំពីបញ្ហានេះ។ ប្រសិនបើយើងធ្វើខុសមែន យើងនឹងសុំអភ័យ

ទោស​ពីប្រជាជាតិកម្ពុជា។ យើងមានសេចក្ដីក្លាហាន គ្រប់គ្រាន់ ដើម្បីធ្វើការកែតម្រូវនូវអ្វីក៏ដោយ ដែលជាកំហុសឆ្គង ហើយនិងមិនមែនជាទង្វើក្រអឺតក្រទមនោះ ទេ ” ។ លោកបន្ដថា លោកបាន​ពិនិត្យមើល បញ្ហានេះ ហើយបានស្នើឱ្យអគ្គលេខាធិការ ក្រសួងការបរទេសម៉ាឡេស៊ី លោក តាន់ ស្រ៊ី ម៉ូដ រ៉ាស៊ីអាប់ឌុលរ៉ាម៉ាន់ ដើម្បីជួបជាមួយនឹង ព្រះអង្គម្ចាស់ក្សត្រីយ៍ នរោត្ដម អរុណ រស្មី (ឯកអគ្គរាជទូតកម្ពុជាប្រចាំម៉ាឡេស៊ី ដើម្បីពិភាក្សាបញ្ហាលម្អិត)។

 

​អ្នកនាំពាក្យក្រសួងការបរទេសខ្មែរ លោក កុយ គួង បានថ្លែងឱ្យដឹងថា លោក បានដឹងពីព័ត៌មាន​នេះ ក៏ប៉ុន្ដែលោកមិនទាន់ បានទទួលព័ត៌មាន ពីការជូនដំណឹងជាផ្លូវការ របស់ក្រសួង​ការបរទេស​ម៉ាឡេស៊ី មកកាន់ ក្រសួងការបរទេសកម្ពុជានោះទេ ។ ដោយឡែកព្រះអនុជ នរោត្ដម អរុណរស្មី ឯកអគ្គ រាជទូតខ្មែរប្រចាំម៉ាឡេស៊ី ត្រូវបានកាសែត ឌឺស្ដារ ដកស្រង់សម្ដីថា ការហាមប្រាមមិន ឱ្យមានការបញ្ជូន ពលករខ្មែរទៅកាន់ ប្រទេស ម៉ាឡេស៊ី បានធ្វើឡើងក្រោយពី ស្ថានទូត​បញ្ជូនព័ត៌​មាន ទៅកាន់ទីក្រុង ភ្នំពេញ ។ ឯកអគ្គរាជទូតរូបនេះបានបន្ដ ទៀតថា ស្ថានទូតខ្មែរ​នៅម៉ាឡេស៊ី​បានទទួល ពាក្យបណ្ដឹងជាច្រើន អំពីការរំលោភបំពាន និងការចោទប្រកាន់នានា ដែលថាមានស្ដ្រី ខ្មែរបម្រើតាមផ្ទះចំនួន ៣នាក់ ស្លាប់ ក្នុង អំឡុងពេលតែ១សបា្ដហ៍។ គួរបញ្ជាក់ថា លោក ហ៊ុន សែន កាលពីថ្ងៃសុក្រ ទី១៤ ខែ តុលា ឆ្នាំ២០១១ បានប្រកាសលុបចោលការ បញ្ជូនពលករខ្មែរណាមួយ ទៅធ្វើការនៅ ប្រទេសម៉ាឡេស៊ី ក្រោយពីមានសេចក្ដីរាយ ការណ៍ជាច្រើន អំពីការធ្វើបាប​ពលករ​ខ្មែរ ទាំងនោះ។

​រដ្ឋមន្ដ្រីការបរទេសម៉ាឡេស៊ីក៏បានមាន ប្រសាសន៍ផងដែរ លោកនឹងពិគ្រោះជាមួយ រដ្ឋមន្ដ្រី​ក្រសួង​ធនធានមនុស្សម៉ាឡេស៊ី អំពី បញ្ហានេះ មុននឹងសម្រេចចាត់វិធានការសម ស្របណា​មួយជា​បន្ដបន្ទាប់ទៀត។ លោកក៏ នឹងកំណត់កាលបរិច្ឆេទ ដើម្បីជួបប្រជុំគណៈ កម្មការចម្រុះ កម្ពុជា-ម៉ាឡេស៊ីផងដែរ៕