បុគ្គលិកសណ្ឋាគារ អង្គរវីឡា និងវីឡាអង្គររីសត ធ្វើកូដកម្មនៅថ្ងៃ៥ តុលា ទាម ទារចូលធ្វើការវិញ

 ក្រុមកម្មករប្រមាណជាជិត១០០នាក់ ដែលបំរើការងារនៅក្នុងសណ្ឋាគារ អង្គរវីឡា និងវីឡាអង្គរ

រីសត ស្ថិតក្នុងខេត្តសៀមរាប គ្រោងនិងធ្វើការប្រមូលផ្តុំគ្នានៅថ្ងៃទី០៥ តុលា ស្អែកនេះដើម្បីធ្វើ

កូដកម្មនៅមុខសណ្ឋាគារ វីឡាអង្គររីសត ទាមទារអោយថៅកែទទួលយកពួកគេអោយចូលធ្វើការ

វិញ។

 លោក ម៉ម រិទ្ធី អនុប្រធានសហព័ន្ធសហជីកម្មករនិយោជិកវិស័យទេសចរណ៍និងសេវាកម្មកម្ពុជា

បានអោយដឹងថា ការធ្វើកូដកម្មនៅថ្ងៃទី០៥ តុលា ដើម្បីតវ៉ាទាមទារឲ្យថៅកែសណ្ឋាគារ យកកម្មករ

ដែលជាសមាជិកសហជីពចំនួន៦៧នាក់ចូលបំរើការងារវិញ បន្ទាប់ពីពួកគាត់ត្រូវបានថៅកែបញ្ឈប់

ពីការងារកាលពីថ្ងៃទី៣០សីហា មកដល់ថ្ងៃទី០៤ កញ្ញា ឆ្នាំ២០១១ កន្លងមកនេះ។ ដោយការបញ្ឈប់

កម្មករបំរើការនៅក្នុងសណ្ឋាគារ អង្គរវីឡា និងសណ្ឋាគារ វិឡាអង្គររីសត មិនមានហេតុផលច្បាស់

លាស់ ប៉ុន្តែចំនុចដែលសំខាន់ប៉ុនប៉ងដាក់ថ្នាំបំពុល ។

 លោក ម៉ម រិទ្ធី បានបន្តថា ចំពោះករណីនេះខាងលោកធា្លប់បានប្តឹងទៅមន្ទីរការងារ ហើយមន្ទីរ

ការងារក៍បានបញ្ឆូនសំណុំរឿងមកក្រុមប្រឹក្សាអាជ្ញាកណ្តាល ដោយក្រុមប្រឹក្សាអាជ្ញាកណ្តាលបាន

ចេញសេចក្តីបង្គាប់ឲ្យថៅកែយកម្មករចូលធ្វើការវិញ ប៉ុន្តែខាងថៅកែសណ្ឋាគារបានដាក់ពាក្យប្តឹង

ជំទាស់ទៅនិងសេចក្តីសម្រេចរបស់ក្រុមប្រឹក្សាអាជ្ញាកណ្តាល។

 សូមជម្រាបថា កម្មករនៅសណ្ឋាគារ អង្គរវីឡា និងវីឡាអង្គររីសត ចំនួន៦៧នាក់ត្រូវបានថៅកែ

បញ្ឈប់ពីការងារកាលពិថ្ងៃទី៣០ សីហា និងថ្ងៃទី០៤ កញ្ញា ឆ្នាំ២០១១ កន្លងមកនេះ៕