តារាចម្រៀង សុខ ស្រីនាង បានអះអាងប្រាប់ភ្នំពេញ ប៉ុស្តិ៍ថា ចំណងស្នេហ៍រវាងនាង និងស្វាមី ស៊ីសុវត្ថិ ដែលក៏ជាអ្នកចម្រៀងផងដែរនោះ បានឈានដល់ផ្លូវបំបែកហើយ ១៨ខែក្រោយពីអ្នកទាំងពីរបានចូលរោងការយ៉ាងអធិកអធម។
តារាចម្រៀង សុខ ស្រីនាង បានឲ្យដឹងថា ចំណងស្នេហ៍របស់នាង និងស្វាមី មិនអាចដូចដើមបានឡើយ ព្រោះពួកគេទាំងពីរមិនអាចរស់នៅចុះសម្រុងនឹងគ្នាដូចមុនឡើយ។
អតីតតារាចម្រៀងរបស់ផលិតកម្ម KH ទាំងពីររូបនេះ ធ្លាប់បានអះអាងដូចគ្នានៅមុនពេលសម្រេចចិត្តចូលរោងការថា ពួកគេទាំងពីរស្រឡាញ់គ្នាខ្លាំងណាស់ស្ទើរតែបាត់មុខគ្នាមិនបាន។
សុខ ស្រីនាង បាននិយាយថា ពួកគេទាំងពីរធ្លាប់មានបញ្ហានឹងគ្នាជាច្រើនលើកមកហើយ នាពេលរស់នៅជាមួយគ្នា តែដោយសារមានការសម្របសម្រួលពីឪពុកម្ដាយ ពួកគេអាចរស់នៅជាមួយគ្នាបានមួយរយៈ។ពីគេហទំព័រ៖ ភ្នំពេញប៉ុស្តិ៏
No comments:
Post a Comment
yes