លោក ឃិន ខឿន អះអាងជាតំណាងប្រជាពលរដ្ឋបានឲ្យដឹងតាមទូរស័ព្ទថាតុលាការបានកោះហៅតំណាងពួកគាត់ចំនួន៦នាក់ឲ្យចូលមកបំភ្លឺតាមពាក្យបណ្ដឹងរបស់ឈ្មោះ ទ្រី ឡោ បានប្ដឹងចោទពួកគាត់ពីបទឈូសឆាយ កាប់បំផ្លាញ និងដីដែលជាកម្មសិទ្ធិរបស់គេ ។
លោក ឃិន ខឿនបន្ដថា ប្រជាពលរដ្ឋ៤០ គ្រួសារផ្សេងទៀតបានមានជម្លោះដីធ្លីជាមួយលោក គ្រី ឡោ ដែលបានចេញមុខមកអះអាងថា ជាម្ចាស់ដីទំហំ៣៨ហិតាស្ថិតនៅឃុំកំពង់ស្វាយ ស្រុកកៀនស្វាយ ថាខ្លួនបានទិញដីពីប្រជាពលរដ្ឋ ។ ភ្លាមៗនោះដែរអ្នករាយការណ៍ព័ត៌មានវរជនខ្មែរមិនអាចធ្វើការទំនាក់ទំនងសុំការបំភ្លឺពីលោក គ្រី ឡោ ជាដើមចោទបាននោះទេ។
លោក ម៉ែន មករាមន្ដ្រីសម្របសម្រួលអង្គការអាដហុក ប្រចាំខេត្ដកណ្ដាល បានឲ្យដឹងថា រឿងទំនាស់ដីធ្លីនេះអាជ្ញាធរស្រុកធ្លាប់បានកោះហៅភាគីទាំងពីរ ទៅធ្វើការសម្របសម្រួលគ្នាម្ដងរួចមកហើយតែវាមិនត្រូវគ្នាហេតុនេះហើយទើបស្រុកបញ្ជូនទៅខេត្ដ ។ លោកឲ្យដឹងបន្ដទៀតថា លោកគ្រីឡោ ដែលបានអះអាងថា ខ្លួនជាម្ចាស់កម្មសិទ្ធិដីធ្លីនោះ នៅពេលនេះមិនទាន់បានបង្ហាញឯកសារដែលពាក់ព័ន្ធនានាដែលបញ្ជាក់ថា ជាម្ចាស់ដីនៅឡើយទេ ។
ប្រជាពលរដ្ឋទាំងអស់បានឲ្យដឹងគ្រប់ៗគ្នាថា ទំនាស់ដីធ្លីនេះបានកើតឡើងតាំងពីឆ្នាំ១៩៩៥ រហូតមកដល់ខែកក្កដា ឆ្នាំ២០០៧ មកដល់ថ្ងៃទី២៨ ខែតុលា ឆ្នាំ២០១១ នេះទើបតុលាការបានចេញដីការកោះហៅតំណាងពលរដ្ឋចំនួន៦នាក់ឲ្យចូលមកបំភ្លឺថ្ងៃសុក្រនេះ ៕
ពីគេហទំព័រ៖ វរជនខ្មែរ
No comments:
Post a Comment
yes