លោក ញឹកប៊ុនឆៃ និងលោក សៀចេន ចាកគី ប្រធានគណៈ
ប្រតិភូក្រុងស៊ីអាន ខេត្តសានស៊ី ប្រទេសចិន ក្នុងកិច្ចប្រជុំ
កាលពីរសៀលថ្ងៃទី១៧ ខែតុលា ឆ្នាំ២០១១៕
( រូបថត៖ គណបក្សហ្វ៊ុនស៊ិនប៉ិច )
ក្នុងពិធីប្រកាសតែងតាំងជនជាតិចិន ជាទីប្រឹក្សា និងជំនួយការរបស់លោក ញឹក ប៊ុនឆៃ ក៏មានអ្នកវិនិយោគចិនចំនួន ១០ ក្រុមហ៊ុន សុទ្ធតែឋានៈ ជាអគ្គនាយក និងអគ្គនាយករង ចូលរួមផងដែរ។
លោក សៀចេន ចាកគី បានថ្លែងទៅកាន់ថ្នាក់ដឹកនាំគណបក្សហ្វ៊ុនស៊ិនប៉ិចថា ដំណើរទស្សនកិច្ចរបស់លោកនៅពេលនេះ គឺផ្តោតទៅលើចំណុចសំខាន់ៗមួយ
ចំនួន ដូចជា៖ ការចម្រាញ់ប្រេង និងឧស្ម័ន ហេដ្ឋារចនាសម្ព័ន្ធផ្លូវថ្នល់ ផ្លូវដែក ការធ្វើវារីអគ្គិសនី វិស័យទេសចរណ៍ និងរោងចក្រតម្លើងរថយន្ត។ល។
សូមបញ្ជាក់ថា ប្រតិភូដែលអញ្ជើញមកពេលនេះ គឺមានអ្នកវិនិយោគិនចិនចំនួន ១០ ក្រុមហ៊ុន សុទ្ធជាអគ្គនាយក និងអគ្គនាយករង ក្នុងគោលបំណងតែមួយដូចគ្នា។
លោក ញឹក ប៊ុនឆៃ ប្រធានប្រតិបត្តិបានលើកឡើងពីប្រវត្តិរវាងលោក និងលោក សៀចេន ចាកគី ពីអតីតកាល និងការដឹងគុណចំពោះលោក ធ្លាប់ជួយផ្តល់នូវការគាំទ្រទាំងស្មារតី និងសម្ភារៈដល់គណបក្សហ្វ៊ុនស៊ិនប៉ិចរយៈពេលកន្លងមក។
លោក ញឹក ប៊ុនឆៃ បានថ្លែងទៀតថា នៅពេលអនាគតសង្ឃឹមនឹងជឿជាក់ថា លោក សៀចេន ចាកគី នឹងបន្តជួយឧបត្ថម្ភគាំទ្រដល់គណបក្សហ្វ៊ុនស៊ីនប៉ិចបន្ថែមទៀត។
ជាមួយគ្នានោះគណបក្ស ហ្វ៊ុនស៊ិនប៉ិច ក៏បានចេញសេចក្តីសម្រេច ស្តីពីការតែងតាំងលោក សៀចេន ចាកគី និងលោក ភីរុមណាម ថាវ៉ន ជាទីប្រក្សា និងជាជំនួយការ របស់លោក ញឹក ប៊ុនឆៃ ប្រធានប្រតិបត្តិគណបក្សហ្វ៊ុនស៊ិនប៉ិច៕
BY:CEN
No comments:
Post a Comment
yes