លោកស្រី មូ សុខហួរ សមាជិកសភាមកពីគណបក្សប្រឆាំងដ៏ធំបំផុតនៅប្រទេសកម្ពុជា នៅថ្ងៃព្រហស្បតិ៍នេះ បានចុះទៅរំដោះពលករជាង ៣០នាក់ នៅក្នុងមណ្ឌលជ្រើសរើសពលករមួយកន្លែង នៅខណ្ឌឫស្សីកែវ ដោយគ្មានកិច្ចសហការជាមួយអាជ្ញាធរឡើយ បន្ទាប់ពីលោកស្រីបានរៀបចំសន្និសីទកាសែតមួយ ដែលនិយាយថា បទបញ្ជារបស់ប្រមុខរដ្ឋាភិបាល មិនត្រូវបានគេអនុវត្ត។
នៅក្នុងសន្និសីទកាសែតមានរយៈពេលជិត ១ម៉ោង នៅការិយាល័យរបស់លោកស្រីនៅឯវិមានរដ្ឋសភាជាតិ នៅថ្ងៃព្រហស្បតិ៍នេះ លោកស្រី មួ សុខហួរ បានថ្លែងថា បទបញ្ជារបស់លោកនាយករដ្ឋមន្ត្រី បានចេញកាលពីថ្ងៃទី១៥ ខែតុលា ដោយបានបញ្ជាឲ្យបណ្ដាក្រុមហ៊ុនជ្រើសរើសពលករនានា ឲ្យបានបញ្ឈប់បញ្ជូនពលករទៅបម្រើតាមផ្ទះនៅប្រទេសម៉ាឡេស៊ីនោះ មិនត្រូវបានគេអនុវត្តឲ្យបានត្រឹមត្រូវឡើយ។ លោកស្រីបញ្ជាក់ថា ក្រសួងការងារ បណ្ដុះបណ្ដាលវិជ្ជាជីវៈ និងក្រសួងមហាផ្ទៃ ត្រូវតែទទួលខុសត្រូវចំពោះការបញ្ជូនពលករទាំងនោះ។
លោកស្រីថ្លែងថា៖ «ចំពោះខ្ញុំ យល់ថា បទបញ្ជានេះ មានន័យពេលលេញ ដែលយើងត្រូវតែអនុវត្តវាឲ្យបានត្រឹមត្រូវ ពីព្រោះ បទបញ្ជានោះចេញដោយនាយករដ្ឋមន្ត្រី»។
ពីគេហទំព័រ៖ ភ្នំពេញប៉ុស្តិ៏
No comments:
Post a Comment
yes