Friday, November 4, 2011
សមត្ថកិច្ចចម្រុះឡោមព័ទ្ធភូមិគ្រឹះទីប្រឹក្សាថ្នាក់ដឹកនាំសង្ស័យមានលាក់ឈើគ្រញូង
នៅវេលាម៉ោង៤និង៤០នាទីរសៀលថ្ងៃទី៣ ខែវិច្ឆិកា ឆ្នាំ២០១១ សមត្ថកិច្ចចម្រុះដែលដឹកនាំដោយលោកគឺ ប៊ុនរ៉ា ព្រះរាជអាជ្ញារងអមសាលាដំបូងរាជធានីភ្នំពេញ បានដឹកនាំកម្លាំង ចុះឆែកឆេរទីតាំងភូមិគ្រឹះមួយកន្លែង ដែលសង្ស័យថាមានលាក់ទុកឈើគ្រញូងខុសច្បាប់។
សមត្ថកិច្ចបានបង្ហើបប្រាប់ថា ម្ចាស់ភូមិគ្រឹះមានឈ្មោះគឺ ប៊ុនរ៉ា ជាទីប្រឹក្សាថ្នាក់ដឹកនាំ មានទីតាំងស្ថិតនៅតាមបណ្ដោយផ្លូវបេតុង ភូមិត្រពាំងឈូក សង្កាត់ទឹកថ្លា ខណ្ឌសែនសុខ។
ប្រភពបានឲ្យដឹងទៀតថា ក្នុងគម្រោងប្រតិបត្តិការបង្រ្កាបនោះ សមត្ថកិច្ចបានឃ្លាំមើល និងសង្ស័យថាទីតាំងនោះមានបង្កប់លាក់ឈើគ្រញូងខុសច្បាប់ ស្រាប់តែពេលចេញប្រតិបត្តិការឃើញ មានម៉ូតូមួយគ្រឿងឈប់នៅខាងមុខផ្ទះនិងមានឈើគ្រញូង២ដុំនៅលើម៉ូតូនោះផងដែរ។ ប៉ុន្តែម្ចាស់ម៉ូតូបានរត់គេចខ្លួនបាត់។
នៅម៉ោង៥រសៀលថ្ងៃទី៣ វិច្ឆិកា នេះមិនទាន់មានព័ត៌មានលម្អិតពាក់ព័ន្ធនឹងការឆែកឆេរទីតាំងភូមិគ្រឹះនោះនៅឡើយទេ ដោយសមត្ថកិច្ចបានហាមអ្នកកាសែតមិនឲ្យចូលក្នុងបរិវេណនោះ៕
ពីគេហទំព័រ៖ កម្ពុជាថ្មី
Subscribe to:
Post Comments (Atom)
No comments:
Post a Comment
yes