លោក ស៊ូយ៉ា : “កិច្ចខិតខំប្រឹងប្រែងរួមគ្នាមួយដោយគណបក្សកាន់អំណាច និងគណបក្សប្រឆាំងឈានទៅកាន់ផ្សះផ្សាគ្នាមួយ”

​អ្នករាយការណ៍ពិសេសរបស់អង្គការសហប្រជាជាតិទទួលបន្ទុកសិទ្ធិមនុស្សប្រចាំកម្ពុជាលោក ស៊ូយ៉ា ស៊ូប៊ែឌី បានលើកឡើងថា លោកដឹងអំពីស្ថានភាពរបស់គណបក្សនយោបាយគណបក្ស សម រង្ស៊ី។ ដោយលោកយល់ឃើញថា“កិច្ចខិតខំប្រឹងប្រែងរួមគ្នាមួយដោយគណបក្សកាន់អំណាច 

និងគណបក្សប្រឆាំងឈានទៅកាន់ផ្សះផ្សាគ្នាមួយគឺជាអត្ថប្រយោជន៍នៃលទ្ធិប្រជាធិបតេយ្យ

នីយកម្មមួយដែលកាន់តែខ្លាំងនិងស៊ីជម្រៅជាងនេះថែមទៀតនៅក្នុងប្រទេស”។ ការថ្លែងបែបនេះ

របស់អ្នករាយការពិសេសអង្គការសហប្រជាជាតិទទួលបន្ទុកសិទ្ធិមនុស្សនៅក្នុងសន្និសីទកាសែត

នៅរសៀលថ្ងៃទី០៩ ធ្នូ នៅទីស្នាក់ការឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស

ប្រចាំកម្ពុជា។ទាក់ទងទៅនិងកិច្ចខិតខំប្រឹងប្រែងរួមគ្នារវាងគណបក្សកាន់អំណាច និងគណបក្ស 

សម រង្ស៊ី ត្រូវបានលោក ស៊ូយ៉ា បន្តថា ចំពោះទស្សនៈរបស់លោកនៅក្នុងដំណើរការលទ្ធិប្រជាធិ

បតេយ្យដែលរឹងមាំស៊ីជម្រៅនៅក្នុងប្រទេសមួយគឹថាកិច្ចខិតខំប្រឹងប្រែងនេះជាក់ជាក់ថានិង

អាចឈានទៅរកដំណើរការមួយដែលបានល្អប្រសើរ ហើយនិងអាចធ្វើទៅបាន។ ហើយចំពោះរឿង

នេះលោកបានធ្វើការតាមដានអំពីបញ្ហានេះ។

​អ្នករាយការណ៍ពិសេសរូបនោះបានបន្តថា បញ្ហារឿងគណបក្សនយោបាយ គណបក្សនយោបាយ

តែងតែមានគំនិតផ្សេងៗគ្នាដាច់ដោយឡែកពីគ្នា ហើយបញ្ហាទាក់ទងការផ្សះផ្សាជាតិនេះអាចឈាន

ទៅអោយមានការដំណើរលទ្ធិប្រជាធិបតេយ្យមួយអាចដំណើរទោបានយ៉ាងត្រឹមត្រូវយ៉ាងរលូន ហើយអាចជាប្រទេសមួយឈានទៅរកនីតិរដ្ឋ ហើយនិងការគោរពគ្នាទៅវិញទៅមក។ជាប្រការដែល

សំខាន់មិនថាគណបក្សណាទេគឺទាំងគណបក្សកំពុងតែកាន់អំណាច និងគណបក្ស សម រង្ស៊ី បើ

សិនជាមានការរួបរួមគ្នាដើម្បីធ្វើការដើម្បីផលប្រយោជន៍ប្រទេសជាតិនោះគឺជាប្រការមួយដែល

សំខាន់បំផុត។ ដោយួលោកបានបន្ថែមថា បើសិនជាគណបក្សផ្សេងៗរួបរួមគ្នានិងអាចរៀបចំដំណើ

រការអោយរៀបចំការបោះឆ្នោតបានទៅដោយស្រួល។ ឃើញថាមានប្រជាពលរដ្ឋជាច្រើនប្រាកដ

ជាចេញមកចូលរួមបោះឆ្នោតយ៉ាងច្រើន ហើយការបោះឆ្នោតបានច្រើនវាមានអត្ថប្រយោជន៍ល្អ

សម្រាប់គណបក្សទាំងអស់ ហើយវានាំមកប្រទេសជាតិមានការរីកចំរើន មានការកសាងប្រទេស

ជាតិ។

ចំពោះការលាឈប់ពីតំណែងរបស់សមាជិកសភានៃគណបក្ស សម រង្ស៊ី មួយចំនួននោះ

លោក ស៊ូយ៉ា ស៊ូប៊ែឌី បានបញ្ជាក់ថា នេះគឺជាការវិវត្តន៍មួយថ្មីហើយលោកនិងបន្តពិនិត្យអោយបាន

ល្អិតល្អន់បន្តទៀតអំពីបញ្ហានេះ។ ហើយបញ្ហានយោបាយនេះទុកអោយអ្នកនយោបាយដោះស្រាយ

ដោយខ្លួនឯងចុះពីព្រោះវាស្ថិតនៅក្រៅអាណត្តិរបស់លោកហើយអាណត្តិរបស់លោកមើលតែពី

បញ្ហាទាក់ទងទៅនិងសន្ធមនុស្សតែប៉ុណ្ណោះ។

ចំណែកលោក ទិត្យ សុធា អនុប្រធាននិងជាអ្នកនាំពាក្យអង្គភាពព័ត៍មានប្រតិកម្មរហ័សនៃទីស្តីការ

គណរដ្ឋមន្ត្រីបានឲ្យដឹងថា ការលើកឡើងរបស់លោកស៊ូយ៉ា ស៊ូប៊ែឌី ជុំវិញការអោយគណបក្ស

ប្រឆាំងរួបរួមគ្នាជាសម្លេងតែមួយមិនមែនក្នុងទិសដៅដើម្បីបង្កើតភាពផ្ទុយពីច្បាប់នោះទេ គឺជាការ

បង្ហាញនូវការប្រកួតប្រជែងគ្នានៅលើទីលានប្រជាធិបតេយ្យហើយបង្ហាញថាកម្ពុជាបាននិងកំពុង

បើកទូលាយអំពីសិទ្ធិសេរីភាពនៅក្នុងការប្រកួតប្រជែង។ ដូច្នេះការលើកឡើងរបស់លោក ស៊ូយ៉ា

បង្ហាញពីការយកចិត្តទុកដាក់ខ្ពស់របស់រាជរដ្ឋាភិបាលនៅក្នុងការបើកទូលាយសិទ្ធិសេរីភាពនៅ

ក្នុងការប្រកួតប្រជែងគ្នា។

លោក ទិត្យ ​សុធា បានអះអាងថា គណបក្ស ប្រជាជនកម្ពុជា មិនមានការ​ព្រួយបារម្ភជុំវិញការរួបរួម

គ្នាដើម្បីនិងប្រជែងសម្លេងឆ្នោត និងដើម្បីជួយជាតិ ជួយដោះស្រាយបញ្ហាប្រជាពលរដ្ឋនោះទេ។

 ដូច្នេះនេះគឺការការបញ្ចេញទស្សនៈរបស់អ្នករាយការពិសេស៕