ការប្រជុំសមាជិកទូទៅ របស់សភាយុវពាណិជ្ជករអន្តរជាតិកម្ពុជា សាខាភ្នំពេញ នៅថ្ងៃទី ១០ ខែធ្នូ ឆ្នាំ ២០១១ នៅ T&C សាខាសម្តេចប៉ាន

 ការប្រជុំសមាជិកទូទៅនេះ គឺជាការរៀបចំកម្មវិធីប្រចាំឆ្នាំរបស់សភាយុវ ពាណិជ្ជករអន្តរ ជាតិ នៃ កម្ពុជា សាខាភ្នំពេញ សម្រាប់ឆ្នាំ ២០១២។ កម្មវិធីនេះ ត្រូវបានរៀប ចំឡើងក្នុងគោលបំណង ធ្វើ ការបង្ហាញពី គម្រោងអភិវឌ្ឍន៍ ដែលរៀបចំដោយសភាយុវ ពាណិជ្ជករអន្តរជាតិនៃកម្ពុជា សាខា ភ្នំពេញសម្រាប់ ឆ្នាំ ២០១២​ជាសាធារណះ ព្រមទាំង​ដើម្បីប្រមូលផ្តុំរាល់សមាជិក និងអ្នកដែល ពុំ ទាន់ជាសមាជិករបស់ JCI កម្ពុជា ដើម្បី​ធ្វើការ​ចែករំលែក រៀនពីគ្នាទៅវិញទៅមក ហើយនឹង បង្កើត ទំនាក់ទំនងជាមួយ និង សភាយុវ​ពាណិជ្ជករ។ កម្មវិធីនេះ នឹងត្រូវធ្វើឡើងនៅអាគារ T&C សាខា សម្តេចប៉ាន នៅថ្ងៃទី១០ ខែធ្នូ​ឆ្នាំ ២០១១ ចាប់ពីម៉ោង ៦ល្ងាច ដល់ម៉ោង ៩យប់។

កម្មវិធីនេះ នឹងមានអ្នកចូលរួមប្រហែលជា ១០០នាក់ ដែលរួមមានទាំងអគ្គនាយក​ នាយក គ្រប់គ្រង និងនិយោជិក និយោជក ដែលអញ្ជើញមកពីតាមបណ្តាល​ ក្រុមហ៊ុន​ពាណិជ្ជកម្ម​ជា ច្រើន នៅក្នុងប្រទេសកម្ពុជាផងដែរ។ ហើយកម្មវិធីនេះ នឹងផ្តល់ជូន​ឱកាស​ក្នុងការ​បង្កើតដៃគូពាណិជ្ជកម្ម និងចំណងមិត្តភាពសំរាប់អ្នក ចូលរួមផងដែរ។

សភាយុវពាណិជ្ជករអន្តរជាតិនៃកម្ពុជា សាខាភ្នំពេញ មានទស្សនៈវិស័យជំរុញ អោយយុវវ័យ ក្លាយជាប្រជាពលរដ្ឋដែលសកម្ម ក្លាយជាមេដឹកនាំគម្រូ និងបង្កើតការ ផ្លាស់ប្តូរជាវិជ្ជមានដល់សង្គម ជាតិផងដែរ។ សភាយុវពាណិជ្ជករអន្តរជាតិនៃកម្ពុជា សាខាភ្នំពេញ ត្រូវបានបង្កើតឡើងនៅក្នុងខែ មិនា ឆ្នាំ​២០១១ ហើយបច្ចុប្បន្ននេះ មានសមាជិកជាង ៦០ នាក់ ដែលជាអ្នកជំនាញខាង ផ្នែក ពាណិជ្ជកម្ម ទំនាក់ទំនង និងឧស្សាហកម្ម នានា ជាច្រើនផ្សេងទៀត។ 

 ការប្ររព្ធកម្មវិធីប្រជុំសមាជិកទូទៅ នៅក្នុងថ្ងៃ១០ ធ្នូ ឆ្នាំ​២០១១ នេះ ជាប្រជុំសំរាប់ឆ្នាំទី២ ហើយ ដែលសភាយុវពាណិជ្ជករ​អន្តរជាតិនៃកម្ពុជា សាខាភ្នំពេញ បានរៀបចំឡើង។