មេធាវីគណបក្សប្រឆាំង សម រង្ស៊ី ត្រូវបានគណៈមេធាវីផ្តល់មេធាវីចំនួន៧រូបសម្រាប់ការពារក្តីនៅតុលាការខេត្តកណ្តាល

 ភ្នំពេញ៖ លោក​យឹម​ សារី​អ្នកនាំពាក្យគណៈមេធាវីនៃព្រះរាជាណាចក្រកម្ពុជាបានមាន​ប្រសាសន៍​ ថា​គណៈមេធាវីបានសម្រេចតែងតាំងមេធាវីចំនួន៧រូបសម្រាប់ជួយការពារក្តីឲ្យលោក ជួង ជូងី នៅក្នុង​សវនាការសាលាដំបូងខេត្តកណ្តាលនាពេលខាងមុខនេះ។

លោក យឹម សារី បានបញ្ជាក់ទៀតថាចំពោះករណីលោកជួងជូងីត្រូវបានគណៈ​មេធាវីយកចិត្តទុក​ដាក់​គាត់ខ្លាំង​ណាស់ដើម្បីការពារផលប្រយោជន៍របស់គាត់ក្នុងនាមជាអ្នកអនុវត្តវិជ្ជាជីវៈ​មេធាវី ពីព្រោះ​មក​ដល់ពេលនេះគណមេធាវីមិនទាន់ដាក់ទណ្ឌកម្មគាត់ក្នុងប្រការណាមួយនៅឡើយទេ។

លោកយឹមសារីបានបញ្ជាក់ឈ្មោះមេធាវី៧នាក់ដែលគណៈមេធាវីចាត់តាំងការពារក្តីជូនលោកជួងជូងីរួមមានគឺៈ១.លោកពុទ្ធធាវី/២.​លោកឡោសុធី​/៣.លោកលីវសុវណ្ណា​/៤.លោករស់ម៉ានិន​/៥.លោក ផនបញ្ញា​/៦.​លោកយឹមសារីនិងទី៧មិនចាំឈ្មោះ។

            សូមបញ្ជាក់ថាលោកមេធាវីជួងជូងីនិងលោកចាន់ចេងអ្នកតំណាងរាស្ត្រគណបក្សប្រឆាំងត្រូវបានលោកចៅក្រមស៊ើបសួរស៊ីនវីរៈនៃតុលាការខេត្តកណ្តាលសម្រេចចោទប្រកាន់ពីបទពាក់ព័ន្ធនិង
ការចូលរួមផ្តល់មធ្យោបាយឲ្យជនពាប់ចោទឈ្មោះមាស់ប៉េងរត់គេចខ្លួននាពេលថ្មីៗនេះពេលបញ្ជូនទៅដល់ពន្ធនាគារខេត្តកណ្តាលនោះ៕