មជ្ឈមណ្ឌលជាតិ យុវជនខេត្តសៀមរាប អតីតទីតាំងលោកមេទ័ព ដាប ឈួន ត្រូវបានប្រធានមន្ទីក្រសួងអប់រំ យុវជន និងកីឡា ខេត្តសៀមរាប យកទៅលក់ឲ្យឈ្មួញ

សព្វថ្ងៃនេះមិនថាដីនៅទីកន្លែងណានោះទេ អោយតែត្រូវបាន់ មានតម្លៃខ្ពស់គឺ​គិច​មិនផុតទៅ​និងការ​លក់ទៅឲ្យឈ្មួញនោះឡើយ ដើម្បីបានប្រាក់ដាក់ក្នុងហោប៉ាវ ដោយមិនគិតពីទុក្ខលំបាក

របស់អ្នកដ៏ទៃ និងមិនគិតថាដីនោះជាដីប្រវត្តិសាស្រ្ត អ្វីឡើយ ។

ជាក់ស្តែងដីមួយកន្លែងដែលជា​​​អតីត​​ទី​តាំងលោក​​​មេ​ទ័ព​​ ដាប​ ឈួនម្ជុល​ពេជ្រ​​​ ដែលស្ថិតនៅក្នុង​

ខេត្តសៀមរាប ក្រោម​​ការ​គ្រប់​គ្រង​​របស់​រដ្ឋ​​ពី​ចុង​ទស​វត្ស​​ទី​​៥០​​​មក​​ ​​​បច្ចុ​​ប្ប​​ន្ន​​មាន​​​ឈ្មោះ​​​ថា​ «មជ្ឈមណ្ឌល​​​យុវជន​​​ខេត្ត​សៀម​រាប​​​»​ ត្រូវបានក្រសួងអប់រំ យុវជន និងកីឡា ខេត្តសៀមរាប

បានយកទៅលក់ឲ្យក្រុមហ៊ុន ជា & អ ដែលមានថៅកែជា​ឧត្ត​ម​​សេនីយ៍​​​ ។

នៅក្នុងលិខិតចំហរមួយផ្ញើរជូនមកអ្នកតំណាងរាស្រ្តគណបក្ស សម រង្ស៊ី និងក្រុមប្រឹក្សា

ខេត្តសៀមរាប របស់គណបក្ស សម រង្ស៊ី ឲ្យជួយអន្តរាគមន៏នោះ​មានខ្លឹមសារថា ក្រសួងអប់រំយុវ

ជននិងកីឡា  កន្លងមកបានលើកសំណើសុំនាយករដ្ឋមន្រ្តីដោះដូរដី១កន្លែងដែលចប្ចុប្បន្ន

ជាមជ្ឍមណ្ឌលយុវជន ខេត្តសៀមរាប ហើយថ្មីៗនេះក្រុមឈ្មួញបាននិងកំពុងរៀបចំលក់ដីនេះ

បន្តទៀតយ៉ាងស្ងាត់បំផុត នៅពេលដែលសកម្ម​ភាពយុវជន សាលាសិល្បៈក៏ដូចទីតាំងអ្នក​ចាស់ក្នុងដីនេះកំពុងដំណើរការ ។  បើយោងតាមឯកសារលក់គឺបានបំភ័ន្តលោកនាយករដ្ឋមន្រ្តី

ថា« មានអាគារចាស់ទ្រុឌទ្រោមមិនដំណើរការ» ដោយក្រសួងមិនបានជំរាបទៅលោកនាយក

រដ្ឋមន្រ្តី ហ៊ុន សែន ថា ជាដី និងអាគារលោក ដាប ឈួន ម្ជុលពេជ្រ នោះឡើយដែលដីប្រវត្តិ

សាស្រ្តនេះមានទំហ៊ំ ១៥,៣៣៤ ម៉ែត្រការ៉េ លក់ឲ្យទៅឈ្មួញប្រហែល ៥០ ម៉ឺនដុល្លា ចំណែក

ឈ្មួញលក់ចេញវិញ ១ម៉ែត្រការ៉េ ៥០០ដុល្លា គឺជាង ៧​លាន​ដុល្លា ។ ហើយការលក់នេះ បានធ្វើឲ្យមានការប៉ះពាលខ្លាំងណាស់ទៅដល់ ទីតាំងបោះជំរំយុវជនទូទាំងប្រទេស ប៉ះពាល់

ដល់អង្គការ អ៊ីតាលី ជួយសង្គ្រោះកុមារ ដែលកំពុងតែបង្រៀន​សិ​ល្បះ សិស្សក្រីក្រ ក្មេងកំព្រា ក្មេងមិនចូលសាលាជាដើម ដែលពួកគេមិនតិចជាង៣០០នាក់ទេ ដែលមានអាយុចាប់ពី៧ឆ្នាំ

 ទៅដល់១៥ឆ្នាំ ក៏ដូចជាការប៉ះពាល់ទៅដល់ទីផ្សារលក់ផលិតផលខ្មែរ របស់ស្រ្តីក្រីក្រ និងជន

ពីការ ថែមទៀតផង ។ ហើយប្រសិនបើមានការចង់អភិវឌ្ឍន៏ហេតុអ្វីក៏មិនលើកគំរោងស្នើសុំ

ទៅលោក ហ៊ុន សែន ឬក៏ម្ចាសជំនួយឲ្យធ្វើអាគារបន្ថែមក្នុងទីតាំងដីទំនេរដ៏ធំនេះទៅ បែជាយក

ដីប្រវត្តិសាស្រ្តនេះទៅលក់ឲ្យឈ្មួញបានតម្លៃត្រឹមតែ ៥០ម៉ឺន​ដុល្លា បែបនេះទៅវិញ ។

ទាក់ទងទៅនិងបញ្ហាខាងលើនេះផងដែរលោក សុខ គឹមសេង សមាជិកក្រុមប្រឹក្សាគណបក្ស

សម រង្ស៊ី ខេត្តសៀមរាបបានឲ្យដឹងថា ទាំងប្រជាពលរដ្ឋនិស្សតបញ្ញាវ័នគឺមានការសោកស្តាយ

បំផុតដែលបេតិកភណ្ឌ័ជាតិ និងសំណង់ចាស់ៗមួយចំនួននៅក្នុងខេត្តមួយនេះត្រូវបានលក់ទៅ

ឲ្យឈ្មួញដែលមានដូចជា សាលាខេត្តសៀមរាប តុលាការខេត្តសៀមរាប និងព័ន្ធធនាគារជាដើម

។ ជាមួយគ្នានោះលោក សុខ គីមសេង ក៏បានឲ្យដឹងបន្តរទៀតផងដែរថា « យើងសង្ឃឹមថា​សំណង់អគារផ្ទះរបស់លោកមេទ័ព ដាប ឈួន ម្ជុលពេជ្រ មួយនេះនិងអាចសល់ដើម្បីទុកជា

កេរ្តិ៏ឲ្យប្រជាពលរដ្ឋខ្មែរបានស្គាល់ ក៏បុន្តែជាការសោកស្តាយនិងហួសចិត្តព្រោះទីតាំងរបស់លោក

មេទ័ព​ ដាប ឈួន ម្ជុលពេជ្រ ត្រូវបានក្រសួងអប់រំ យុវជន និងកីឡា ខេត្តសៀមរាបបានយក​ទៅ​

លក់​ឲ្យក្រុមហ៊ុន ជា & អ ដែលមានថៅកែជា​ឧត្ត​ម​​សេនីយ៍​​​បាត់ទៅហើយ » ។ លោក សុខ គីមសេង បានបន្តរទៀតផងដែរថា លោកយល់ថាការលក់នេះគឺជាអំពើពុករលួយ នៅក្នុងលេស

នៃការដោះដូរទ្រព្យសម្បត្តិជាតិ ហើយលោកនិងតស៊ូមតិចំពោះបញ្ហាក្នុងការលក់ទីតាំងអាគារ

លោកមេទ័ព ដាប ឈួន ម្ជុកពេជ្រ នៅក្នុងខេត្តសៀមរាបនេះ ហើយលោក ក៏ដូចជាអ្នកតំណាង

រាស្រ្តគណបក្សសម រង្ស៊ី ត្រៀមធ្វើលិខិតទៅអង្គភាពប្រឆាំងអំពើពុករលួយ ដោយសូមអោយ

លោក ឱម យិនទៀង ប្រធានអង្គភាពប្រឆាំងអំពើពុករលួយ​ចុះសង្កេតការពាក់ព័ន្ធទៅនិងបញ្ហា

ខាងលើនេះ ដោយលោកបានបញ្ជាក់ថានេះជារឿងអំពើពុករលួយធំណាស់ ។ ហើយលោក

ក៏បានបញ្ជាក់ជាចុងក្រោយផងដែរថា នៅមានសំណង់ជាច្រើនទៀតនៅក្នុងខេត្តសៀមរាប

ដែលរដ្ឋនិងអាជ្ញាធរខេត្តមួយនេះត្រៀមទៅនិងការលក់ដូរប​ន្តរទៀត ។

សូមជំរាបផងដែរថា មគ្គុទេស៏ទេសចរណ៏ យុវជនខ្មែរ គ្រូបង្រៀន គ្រូសិល្បៈ និងបងប្អូនប្រជា​ពលរដ្ឋ នៅក្នុងខេត្តសៀមរាប ក៏ដូចជាខេត្តមួយចំនួនដែលបានដឹងព្ញ មានការហួសចិត្ត សោក

ស្តាយ និងព្រួយបារម្ភណាស់ ចំពោះការលក់ដីប្រវត្តិសាស្រ្ត១កន្លែងនេះ ដែលនិងធ្វើឲ្យ​បាត់ដាន

បាត់ភស្តុតាងប្រវត្តិសាស្រ្តលោកមេទ័ព ដាប ឈួន ក្នុងខេត្តសៀមរាប ដែលអ្នកណាក៏ចង់ដឹង និងចង់ស្គាលគ្រប់ៗគ្នា « ប្រវត្តិសាស្រ្តគឺជារបស់់យើងទាំងអស់គ្នា មិនមែនជារបស់អ្នកណាម្នាក់​

នោះទេ » ។

ចំពោះបញ្ហានេះ អ្នកវិភាគបានធ្វើការវាយតម្លៃថា នេះគឺជាកំហុសទាំងស្រុករបស់លោក ហ៊ុន សែន ដែលមុននិងស៊ីញ៉េ ឬបោះត្រា យល់ព្រមអោយវិនិយោគ ឬ អោយលក់អាគារមួយចំនួន

នៅទូទាំងប្រទេសមិនបានចាត់មន្រ្តីក្រោមឱវាទ ធ្វើការចុះសើបអង្កេត ថាតើទីតាំងនោះជាទីតាំង

កំពុងដំណើរការឬមួយយ៉ាងណា ហើយមួយវិញទៀតថាតើទីតាំងនោះជាទីតាំងធម្មតាឬជាទីតាំង

ប្រវត្តិសាស្រ្ត ។ ដូចនេះនៅពេលក្រោយ មុ​ននិងស៊ីញ៉េលើឯកសារអ្វីមួយនោះលោកនាយករដ្ឋ

មន្រ្តី ហ៊ុន សែន គួរតែអង្កេតនិងតាមដានឲ្យបានច្បាស់លាស់ជាមុនសិន កុំចេះតែទុកចិត្តមន្រ្តី

ខិតខូចរបៀបនេះអោយសោះ ។

គួរជំរាបផងដែរថា បើយោងតាមលិខិតដែលដាក់មកអ្នកតំណាងរាស្រ្តរបស់គណបក្ស សម រង្ស៊ី និងក្រុមប្រឹក្សាខេត្តរបស់គណបក្ស សម រង្ស៊ី ដើម្បីឲ្យជួយអន្តរាគមន៏នោះបានបង្ហាញ​​ថា ក្រសួង​​​អប់​រំ​​យុវ​ជន​​ និង​កី​ឡា​​​ តាម​​លិខិត​​​លេខ​៤០៧​​ អ.យ.ក.ស​ទរ ចុះ​ថ្ងៃទី​​​២ កុម្ភៈ​​ ឆ្នាំ​២០០៩ បាន​សុំ​ទៅ​​​ប្រធាន​​គណៈ​​កម្ម​ការ​​​​រៀប​ចំ​​​មណ្ឌល​​រដ្ឋបាល​​ប្រមូល​​​ផ្តុំ​​ខេត្ត​​សៀម​រាប​ ដើម្បី​​បញ្ចូល​​ទី​តាំង​​ដី​មជ្ឈ​មណ្ឌល​​​ជាតិយុវ​ជន​​កម្ពុជាទៅ​ក្នុ​ង​​​គម្រោង​​សាង​​សង់​​​នៅ​ក្នុង​មជ្ឈ​មណ្ឌល​​រដ្ឋ​​បាល​ប្រមូល​ផ្តុំ​​ ដែល​ខេត្ត​សៀម​រាប​​កំពុង​តែ​​សាង​សង់​​​នៅ​លើ​​ទី​វាល​​រហោ​ស្ថាន​​ដាច់​ស្រ​យាល​មួយ​ចម្ងាយ​​ជាង​​២០គីឡូម៉ែត្រ​ពី​​ក្រុង​​សៀម​រាប ។ នៅ​ក្នុង​​​លិខិត​​ស្នើ​សុំ​​នោះ រដ្ឋ​មន្ត្រី​​ក្រសួង​​​អប់​រំ​យុវ​ជន​​ និង​កីឡា បានរៀបរាប់ទៀត​​​ថា «ក្រសួង​​អប់​រំ​​យុវ​ជន​ និង​កីឡា​មាន​អគារ​​​​មជ្ឈ​មណ្ឌល​​​យុវ​ជន​ស្ថិ​ត​នៅ​​ខេត្ត​សៀម​រាប​ ដែល​មាន​ដី​ទំ​ហំ​១៥.៣៣៤​ម៉ែត្រ​ការ៉េ ដែល​​មាន​អគារ​​​​សា​ង​សង់​​​យូរ​​មក​ហើយ​ មាន​លក្ខ​ណៈ​​ចាស់​​ទ្រុឌ​ទ្រោម​​ ពុំ​មាន​កន្លែង​​សម​ស្រប​​សម្រាប់​ឱ្យ​​យុវ​​ជន​​ស្នាក់​នៅ​​ និង​រៀន​សូត្រ​​ ជាពិសេសខ្វះខាតថវិការដើម្បីធ្វើការអភិវឌ្ឍន៏មជ្ឍ​មណ្ឌលនេះឲ្យមានលក្ខណៈសមស្រប។

បន្ទាប់​មកលោក​​ ព្រុំ​ សុខា​ ប្រធាន​​គណៈ​កម្ម​ការ​​​រៀប​ចំ ​មណ្ឌល​​រដ្ឋ​​បាល​​ប្រមូល​ផ្តុំ​នៅ​ខេត្ត​​សៀម​រាប ដូច​ត្រូ​វ​ប៉ាន់​ បា​​ន​ធ្វើ​​លិខិត​​​មួយ​​​មិនចុះ​លេខ​​ ចុះ​ថ្ងៃទី​៨ កក្កដា ​ឆ្នាំ​២០០៩ ​សុំ​ទៅ​លោក​ឧប​នាយក​រដ្ឋ​មន្ត្រី​ ទទួល​បន្ទុក​​ទី​ស្តីការ​​គណៈ​រដ្ឋ​មន្ត្រី​​ ដោយ​សុំ​បញ្ចូល​ទី​តាំង​​​ដី​មជ្ឈ​មណ្ឌល​ជាតិ​យុវ​ជន​​កម្ពុជា​ ​ទៅ​​ក្នុង​​​​គម្រោង​សាង​​សង់​​មណ្ឌល​រដ្ឋ​បាល​​ប្រមូល​ផ្តុំ​​នៅ​ខេត្ត​​សៀម​រាប ។ តាម​​ឯក​សារ​​បង្ហាញ​​ថា លោក​​ប្រធាន​​គណៈ​​កម្ម​ការ​​​រៀប​ចំ​​មណ្ឌល​​រដ្ឋ​បាល​​ប្រមូល​ផ្តុំ​​ ក៏​ចេះ​​ខ្លាំង​​ណាស់​​ផងដែរ​ ដោយបាន​​យោង​លិខិត​​លេខ​៤០៧ អយក.ស.ទ.រ របស់​ក្រសួង​​​អប់​រំ​យុវ​ជន​​ និង​​កីឡា​ ដែល​​ជា​ម្ចាស់​​លើ​ដីលោក​​ដាប ឈួន នេះដោយ​រៀប​រាប់​​​ពី​អគារ​​​ចាស់​ទ្រុឌ​ទ្រោម​​....ពុំ​​មាន​កន្លែង​​សម​ស្រប​​ឱ្យ​យុវ​ជន​​ស្នាក់​នៅ​​​ និង​រៀន​សូត្រ​​​ទេ​ ​ជា​ពិសេស​​ខ្វះ​ថវិ​កា​​ដើម្បី​​​ធ្វើការ​​​អភិ​​វឌ្ឍ​​មណ្ឌល​នេះ​​ឱ្យ​​មាន​លក្ខ​ណៈ​​​​សម​ស្រប ។

នៅក្នុង​លិខិត​ស្មើ​សុំ​នេះ​ ក្រោយពី​​រៀប​រាប់​​​​របៀប​ក្រីក្រ​​ និង​កំសត់តោកយ៉ាក​រួចមក ក៏បាន​ចែង​​នៅ​ចុង​ក្រោយ​​ថា ​ចំពោះ​សំណើ​របស់​​ក្រសួង​​​អប់​រំ​​យុវ​ជន​ និង​កីឡា​ខាង​លើ​នេះ ​គណៈ​​កម្មការ​​​យល់​ឃើញ​​ថា គួរ​​​ឯក​ភាព​​តាម​ការ​ស្នើ​សុំ​​ ពី​ព្រោះ​​នៅ​ក្នុង​គម្រោង​​​​ប្លង់​រួម​​​កន្លង​​មក គណៈ​កម្ម​ការ​​​​បាន​ត្រៀម​​​រៀប​​ចំ​ដី​​ និង​គម្រោង​​​​សាង​សង់​​អគារ​​​ស្នាក់​នៅ​ និង​​ក្លឹប​យុវ​ជន​​​រួច​ហើយ​ដែរ ។ ហើយម្យ៉ាងវិញទៀតក្រុមហ៊ុន ជេ & អ អិមផត អិចផត & ខនស្ត្រាក់សិន បានស្ថាបនាសំណង់​

សាលាខេត្ត មន្ទីរនានាជុំវិញខេត្តសៀបរាប និងហេដ្ឋារចនាស័ម្ពន្ធផ្សេងទៀត ក្នុងមណ្ឌល

រដ្ឋបាលប្រមូលផ្តុំនៅខេត្តសៀមរាបនេះបានសម្រេចជាង ៦៦% ហើយផងដែរ ។

ជាមួយគ្នានោះ ក្រុម​​អ្នក​​សង្កេត​​ការណ៍​​យល់​ឃើញ​​​​ និង​សង្ស័យ​ថា ​រវាង​​​ក្រសួង​​​អប់​រំ​យុវ​ជន​ និង​កី​ឡា​​ និង​អ្នក​​ទទួល​បន្ទុក​​​​គណៈ​កម្ម​ការ​​​​មជ្ឈ​មណ្ឌល​​​រដ្ឋ​បាល​​ប្រមួល​ផ្តុំ​​ខេត្ត​​សៀម​រាប​​ បាន​ត្រូវ​​​​ដង​ត្រូវ​ផ្លែ​​គ្នា​ជា​មុន​​​រួច​​ហើយ​ ព្រោះទីតាំងដី​លោកមេទ័ព​ ដាប ឈួន ម្ជុលពេជ្រ ​​ជា​សម្បត្តិ​​មហា​សាល​​ដ៏​ពិ​សេស​មួយ​ ។

បើយោ​ង​តាម​ ស.ជ.ណ របស់​ទី​ស្តី​ការ​​គណៈ​រដ្ឋ​មន្ត្រី​​លេខ​១១៧១​ ស.ជ.ណ ចុះ​​​ថ្ងៃ​​ទី​១៥​ តុលា ឆ្នាំ​២០១០ ជម្រាប​ទៅ​រដ្ឋ​មន្ត្រី​​ក្រសួង​​​ផែន​ការ​​ រដ្ឋ​មន្ត្រី​​ក្រសួង​អប់​រំ​យុវ​ជន​ និង​កីឡា​ និង​រដ្ឋ​មន្ត្រី​ក្រសួង​​​ប្រៃ​ស​ណីយ៍​ និង​​ទូ​រ​គមនា​គមន៍ ចែង​​​ថា ចំពោះ​​ករណី​​ស្នើ​សុំ​​ធ្វើ​​អនុ​​​​ប​យោ​គ​លើ​ដី​ និង​​​អគារ​​​ចំនួន​​៣​​ក្នុង​ក្រុង​​​សៀម​រាប​ រាជ​រដ្ឋា​​ភិ​បាល​​​​បាន​សម្រេច​​​ឱ្យ​មន្ទីរ​​​​ទាំង​​៣​ធ្វើការ​​ផ្ទេរ​​ទៅ​កាន់​​​បុ​រី​រដ្ឋ​​​បាល​​ប្រមូល​​ផ្តុំ​​ ។

នៅ​ក្នុង​​ ស.ជ.ណ ​ដដែល​​​ចែង​​ថា ​ការ​​​វាយ​តម្លៃ​​ទ្រព្យ​សម្បត្តិ​​រដ្ឋ​​​​​នៃ​​មន្ទីរ​ទាំង​​​៣​​ ដែល​ក្នុង​​នោះ​​​​មាន​​មជ្ឈ​មណ្ឌល​​ជាតិយុវ​ជន​​​​កម្ពុជា​​ផង​ដែរ និង​ថ្នូរ​​​ដែល​ក្រុម​ហ៊ុន​​​​ត្រូវ​សាង​សង់​​​ បាន​​​ប​ង់​ចូល​ថវិ​កា​រដ្ឋ​​ ដែល​បាន​អនុ​​វត្ត​​​ដោយ​​គណៈ​កម្ម​ការ​​រៀប​ចំ​បុរី​រដ្ឋ​​បាល​​សៀម​រាប​ ដែល​មា​ន​លោក​​​​​​​ព្រំ សុខា​ ជា​ប្រធាន​ ​​រួម​​ជា​មួយ​​ថៅ​កែ​​ឯក​ជន​​​​​ទទួល​បន្ទុក​​ម៉ៅការ​​​សាង​សង់​​នេះ​​មានបញ្ហាគួរ​ឱ្យ​​កត់​សម្គាល់​​​ជាង​គេ​ ។ ទ្រព្យ​សម្បត្តិ​នៃ​មន្ទីរ​ទាំង​​​៣​នោះ​មាន​​ មន្ទីរ​​ប្រៃស​​ណីយ៍​ និង​ទូរ​​គមនា​គម​ន៍​​​ មន្ទីរ​​ផែន​ការ​​ និង​​មជ្ឈ​មណ្ឌល​​ជាតិយុវ​ជន​​កម្ពុជា​ ត្រូវ​​បាន​​វាយ​តម្លៃ​​​សរុប​ ២.០៧៧.៤៧០​​​ដុល្លារ​​​អា​មេ​រិក​ ។ ចំណែក​​​ទ្រព្យ​សម្បតិ្ត​​ក្រុម​ហ៊ុន​​សាង​សង់​​​ឈ្មោះ ជេ & អ អិម​ផត​ អិច​​ផត​ ​ដែល​ត្រូវ​​​ដោះ​ដូរ​​​មាន​តម្លៃ​​ ១.៩៧៦.៥៥៨ ដុល្លារ​​​អា​មេ​រិក ។ ដូច្នេះ​​ក្រុម​ហ៊ុន​ទុក​ខ្លះ​​សម្រាប់​​​បង់​ចូល​​​ថវិកា​រដ្ឋ​​នូវ​​ប្រាក់​​លំអៀង​​ចំនួន​ជាង​​១០​ម៉ឺន​ដុល្លារ​ ។

ជាមួយគ្នានោះ ក្រុម​អ្នក​​សង្កេត​ការណ៍​ពិ​និត្យ​ឃើញថា ​ទ្រព្យ​សម្បត្តិ​​នៃ​មន្ទីរ​​ទាំង​៣ខាង​លើ​​នេះ មាន​​តម្លៃ​ត្រឹម​តែ​​​ជាង​ ២លាន​ដុល្លារ​​​ប៉ុណ្ណោះ ដែល​ប្រការ​​​នេះ​ហើយ ​​ធ្វើ​ឱ្យ​មជ្ឈ​​ដ្ឋាន​​នានា​សង្ស័យ​​​​​​ថា​​មាន​​បង្កប់​​ទៅ​ដោយ​​​អំ​ពើ​​ពុក​រលួយ​​ធំធេង​​​ណាស់ ​ធ្វើ​ឱ្យ​មាន​ការ​​ពិចារ​ណា​​ឥត​ឈប់​ឈរ​ ។

គួរ​​​កត់​សម្គាល់​ផងដែរ​ថា ក្នុង​​​ចំណោម​មន្ទីរ​​​​ទាំង​​៣​ខាង​លើ​​នេះ​ មិន​​បាច់​និយាយ​​វែង​​ឆ្ងាយ​​ទេ ​គេ​យក​តែ​​ទី​តាំង​​​អតីត​​ដី​លោកមេទ័ព ដាប ឈួន​ ម្ជុល​ពេជ្រ ​ដែល​មាន​​ផ្ទៃ​ដី​​ទំហំ ១៥.៣៣៤ ម៉ែត្រ​​កា​រ៉េ ​​នៅ​កណ្តាល​​ក្រុង​សៀម​រាប​​​មក​ពិ​ចារ​​ណា​​​ ប្រាកដ​​​​ជា​រក​ឃើញ​​នូវ​​​ភាព​មិន​​ប្រ​ក្រ​តី​​នោះ​មិនខាន​ឡើយ​​ ។

បច្ចុប្បន្ន​​​អតីត​​ទីតាំង​​​ដី​លោកមេទ័ព ដាប ឈួន ម្ជុលពេជ្រ​​ ត្រូវ​​​បានម្ចាស់​​ក្រោយ​​​ដែល​​គេ​និយាយ​ថា​​ ជា​ឧត្ត​ម​​សេនីយ៍​​​ម្នាក់​​​ និង​​ជាថៅ​កែ​​​ក្រុម​ហ៊ុន​ ជេ & អ ដែល​សាង​សង់​​​មជ្ឈ​មណ្ឌល​​រដ្ឋ​បាល​​​ប្រមូល​ផ្តុំ​​​នោះ​​បាន​វាយ​​តម្លៃ​លក់​​​​ក្នុង​​១ម៉ែត្រ​កា​រ៉េ​៥០០​ដុល្លារ​​ ។ បើ​​ដូច្នេះ​​​​​មែននោះ​ ដីដាប ឈួន ម្ជុលពេជ្រ ដែល​​បញ្ញ​វ័ន​​ខេត្ត​សៀម​រាប​​ឱ្យ​ឈ្មោះថា ​ជា​ទី​​តាំង​​​ប្រវត្តិ​សាស្ត្រ​​នោះ អាច​​លក់​បាន​​ជាង​​៧លាន​ដុល្លារ​​ទៅ​ហើយ ។​ ជាមួយគ្នានោះមានអ្នកខ្សឹបខ្សាវនិយាយ​ថា ​ចុះ​អ្នក​​​ណាអី​ក៏​​អន់​ម៉្លេះ​​

វា​យ​តម្លៃ​​​ទី​តាំងដីលោកមេទ័ព ​​ដាប ឈួន ពេជ្រ របស់​រដ្ឋ​​​ប្រ​ហាក់​ប្រហែល​​​កន្លះ​​លាន​ដុល្លារ​​បែបនេះ​​ ។​

តាម​ការ​កត់​សម្គាល់​​សកម្ម​ភាព​​ដោះ​ដូរ​​​ខាង​លើ​​នេះ ហាក់​ដូច​​ជា​​ស្ងប់​ស្ងាត់​​ល្អ​​ណាស់​​ ទើប​តែ​មាន​ប្រតិ​កម្ម​​​ដោយ​​​សារ​តែ​​​​ថៅកែ​ថ្មី​​ពពាយ​​នាយ​​លក់​​​ដីលោកមេទ័ព ​ដាប ឈួនម្ជុលពេជ្រ ក្នុង​តម្លៃ​៥០០​ដុល្លារក្នុង​​​មួយ​ម៉ែត្រ​​កា​រ៉េ នាពេល​ថ្មី​​ៗ​នេះ​តែ​ប៉ុណ្ណោះ និង​កំពុង​​តែមានភាពវឹកវក់​​ពេញ​មជ្ឈ​​មណ្ឌល​​ដោយ​សារ​​​យុវ​ជន​​រាប់​រយ​នាក់​ និង​អ្នក​គ្រប់​គ្រង​​មិន​សប្យាយ​​ចិត្ត​ ។

សូមជំរាបថា ​នៅពេលដែលគណបក្ស សម រង្ស៊ី បានទទួលសម្លេងគ្រប់គ្រងអំណាចហើយនោះ

គណបក្ស និងបោសសំអាតឲ្យអស់នូវមន្រ្តី ពុករលួយ ខិលខូច លួចជាតិ បំផ្លាញជាតិ លក់ទ្រព្យ

សម្បត្តិជាតិ ដែលជាមរតក ដ៏មានតម្លៃមហាសាលមិនអាចកាត់ថ្លៃបាន ហើយគណបក្សនិងរៀប

ចំប្រព័ន្ធគ្រប់គ្រង​គ្រប់ស្ថាប័ន្តមន្ទីរ ឲ្យមានភាពល្អប្រសើរឡើងវិញ មិនឲ្យមានបញ្ហានេះកើតឡើង

ជាថ្មីម្តងទៀត ដូចជាការគ្រប់គ្រងប្រទេសនាពេលបច្ចុប្បន្ននេះរបស់លោកនាយករដ្ឋមន្រ្តី ហ៊ុន សែន នោះឡើយ ។ ដូចនេះមានតែគណបក្ស សម រង្ស៊ី មួយគត់ដែលជាក្តីសង្ឃឹមរបស់ប្រជា​ពលរដ្ឋខ្មែរ ៕