មេដឹកនាំកូរ៉េខាងជើង គីម ជុងអ៊ុន តាមដានមើលក្បួនព្យុហយាត្រាយោធា ក្នុងខួបកំណើតទី១០០ របស់ជីតាលោកនៅទីលានគីម អ៊ីលស៊ុង។ Reuters
ក្រុងសេអ៊ូលៈ កូរ៉េខាងជើងដែលមានការខឹងសម្បាកាលពីថ្ងៃពុធ បាននិយាយថា ខ្លួនបានត្រៀម ជាស្រេចដើម្បីសងសឹកចំពោះការថ្កោលទោសពីអន្តរជាតិជុំវិញការ បាញ់រ៉ុក្កែតរបស់ខ្លួនដែលបរាជ័យ ដោយបង្កើនលទ្ធភាពដែលរដ្ឋឯកោ នឹងជំរុញឲ្យមានការធ្វើតេស្តអាវុធនុយក្លេអ៊ែរលើកទីបី។
កូរ៉េខាងជើង ក៏បានលុបចោលកិច្ចព្រមព្រៀងមួយដើម្បីអនុញ្ញាតឲ្យក្រុមអធិការកិច្ចមកពីទីភ្នាក់ងារថាមពលអាតូមិកអន្តរជាតិ (IA EA)ត្រឡប់មកវិញផងដែរ។ រឿងនោះ បានកើតមានឡើង បន្ទាប់ពីការសម្រេចចិត្តមួយរបស់អាមេរិក ជាការឆ្លើយតបនឹងការបាញ់គ្រាប់រ៉ុក្កែតដែលខ្លួននិយាយថា ជាការធ្វើតេស្តមីស៊ីលចម្ងាយឆ្ងាយដែលគេក្លែងបន្លំ ធ្វើឲ្យខូចកិច្ចព្រមព្រៀងមួយកាលពីដើមឆ្នាំនេះដើម្បីផ្តល់ ជំនួយស្បៀងអាហារ។
ក្រុងព្យុងយ៉ាង បានហៅវិធានការអាមេរិកនេះថាជាទង្វើអរិភាព និងបាននិយាយថា ខ្លួនលែងជាប់កាតព្វកិច្ចជាមួយកិច្ចព្រមព្រៀងថ្ងៃទី២៩ កុម្ភៈ ជាមួយក្រុងវ៉ាស៊ីនតោនទៀតហើយ ដោយបំផ្លាញក្តីសង្ឃឹមថា មេដឹកនាំថ្មី លោក គីម ជុងអ៊ុន នឹងបន្ទន់គោលនយោបាយបរទេស ដែលផ្អែកលើការគំរាមកំហែងពីគ្រាប់បែកបរមាណូមានជាច្រើនឆ្នាំ មកហើយ ដើម្បីធ្វើការជំរុញសម្បទានចេញពីមហាអំណាចក្នុងតំបន់។
ដោយមិនបញ្ជាក់ថា តើចំណាត់ការអ្វីខ្លះដែលខ្លួនអាចនឹងចាត់ទីភ្នាក់ងារសារព័ត៌មានមជ្ឈិមផ្លូវការ(KCNA)បានរាយការណ៍ថា៖«យើងអាចមានលទ្ធភាពចាត់វិធានការសងសឹកចាំបាច់ ដោយគ្មានកិច្ចព្រមព្រៀងឡើយ»។
អង្គការឃ្លាំមើលនុយក្លេអ៊ែរអ.ស.ប. ដែលមានមូលដ្ឋាននៅ ក្រុងវីយែន បាននិយាយកាលពីថ្ងៃអង្គារថា ពេលនេះខ្លួនទំនងជាមិនបំពេញទស្សនកិច្ចទៅកូរ៉េខាងជើង ទេ បន្ទាប់់ពីក្រុងព្យុងយ៉ាង បានប្រកាសថា ខ្លួនលែងជាប់កាតព្វកិច្ចជាមួយកិច្ចព្រមព្រៀងមួយជាមួយអាមេរិក ជាថ្នូរនឹងការផ្អាកការធ្វើតេស្តមីស៊ីល និងនុយក្លេអ៊ែរ។
ទីភ្នាក់ងារ IAEA បានចាប់ផ្តើមចរចាជាមួយកូរ៉េខាងជើងកាលពីខែមុនជុំវិញលទ្ធភាពទស្សនកិច្ចមួយទៅរដ្ឋឯកោនោះ ប៉ុន្តែបាននិយាយកាលពីដើមខែមេសាថា ខ្លួន ត្រូវការព័ត៌មានបន្ថែម មុនពេលទទួលយកការអញ្ជើញមួយពីក្រុងព្យុងយ៉ាង បីឆ្នាំបន្ទាប់ពីក្រុមអធិការកិច្ចរបស់ភ្នាក់ងារនេះ ត្រូវបានគេបណ្តេញចេញ។
អ្នកនាំពាក្យ IAEA លោកស្រី ជីល ទូឌ័រ បានថ្លែងថា៖ «បើពិនិត្យអំពីការប្រកាសនេះ យើង គិតថា វាមិនទំនងទេដែលទីភ្នាក់ងារនឹងបញ្ជូនគណៈប្រតិភូមួយក្រុមទៅ កូរ៉េខាងជើង»៕
No comments:
Post a Comment
yes