ញាត់ទារកទៅ​ក្នុងថង់បា្លស្ទិកដាក់ក្នុងបន្ទប់ទឹកចោល ហើយប្រាប់ម្ដាយគេថាស្លាប់

 

តាមប្រពភព័ត៌មានប្រទេសចិន ភាពភ្ញាក់ផ្អើលមួយកើតមានឡើង នៅក្នុងប្រទេសចិនក្នុងតំបន់ Nanhai ក្នុងមន្ទីរពេទ្យកាកបាទក្រហមមួយ ដែលមាននារីម្នាក់ឈ្មោះ Liu Dongmei បានឆ្លង ទនេ្លនៅ ទីនោះ ក្រោមជំនួយពីគិលានុដ្ឋាយិកាពីររូប។ ប្រហែលជាជាង ១ ម៉ោងកន្លះ គិលានុដ្ឋាយិកា បាន ប្រាប់ទៅ កាន់គ្រួសារអ្នកឆ្លងទន្លេថា នាងបានកើតបានកូនស្រីមួយ តែបានស្លាប់បាត់ទៅហើយ និង បានយកទារកនោះទៅ​ញាត់ក្នុងថង់បា្លស្ទិកដាក់ ក្នុងបន្ទប់ទឹកចោល។ ក្រុមគ្រួសាររបស់នាង បានប្រញាប់ប្រញាល់ ទៅកាន់បន្ទប់ទឹក តែអ្វីដែលគេបានឃើញក្នុងថង់បា្លស្ទិកគឺ ទារកនោះកំពុង កម្រើក និងជាក្មេងប្រុសថែមទៀតផង។ បន្ទាប់ពី ក្រុមគ្រួសាររបស់នាងដឹងថាទារកនៅរស់ ពួកគេបាន យកទារកនោះទៅសម្អាត និងធ្វើការព្យាបាល។


គ្រួសាររបស់នាងមានការខឹងសម្បាជាខ្លាំង និងបានសួរគិលានុដ្ឋាយិកា អំពីបញ្ហានេះ តែពួកគេ មិន អើពើ ហើយធ្វើដូចជាគ្មានរឿងអ្វីកើតឡើងទៅវិញ។

ហេតុអ្វីបានជា គិលានុដ្ឋាយិកា ធ្វើដូច្នេះចំពោះម្តាយ កូន និង គ្រួសារម្តាយ?​ តើនេះអាចជាការ ច្រណែន ដែលនារីជាម្តាយបានបង្កើតបានកូនប្រុសមួយ? ប្រទេសចិនមានច្បាប់ដែលគ្រួសារមួយ អាចមានកូនតែមួយទេ ហើយសង្គមចិនមិនចង់បានកូនស្រីទេដោយសារកូនស្រីមិនអាច បន្តនាម ត្រកូលគ្រួសារ។ កាលដែលកើតបានកូនប្រុសយ៉ាងនេះ អាចធ្វើឲ្យគិលានុដ្ឋាយិកាច្រណែន។