មេដឹកនាំគណបក្សប្រឆាំងក្នុងប្រទេសកម្ពុជា បានកំណត់ពេលពិភាក្សាដើម្បីរកវិធីច្របាច់បញ្ចូលគ្នាជាថ្មី នៅក្នុងទីក្រុងម៉ានីល ប្រទេស ហ្វីលីណពីន នាពាក់កណ្ដាលខែកក្កដាក្រោយនេះ ។
លោក កឹម សុខា និង លោក សម រង្ស៊ី អំឡុងការរកវិធីច្របាច់ បញ្ចូលគ្នា កាលពីពេល កន្លងទៅ
លោក យឹម សុវណ្ណ អ្នកនាំពាក្យគណបក្សសម រង្ស៊ីបានថ្លែងប្រាប់ក្រុមអ្នកកាសែតកាលពីម្សិលមិញថា ថ្នាក់ដឹកនាំ គណបក្សសមរង្ស៊ី និងថ្នាក់ដឹកនាំ គណបក្សសិទ្ធិមនុស្សនឹងជួបប្រជុំគ្នាក្នុងទីក្រុងម៉ានីល នាថ្ងៃទី១៦និង១៧កក្កដា ដើម្បីពិភាក្សាជាផ្លូវការថា តើគេអាច ឬ មិនអាចបង្រួបបង្រួមកម្លាំងគ្នាឲ្យទៅជាកម្លាំងនយោបាយតែមួយ ដើម្បីការប្រកួតប្រជែងបោះឆ្នោតជាតិឆ្នាំក្រោយ។
គណបក្សប្រឆាំងទាំងពីរបានបង្ហាញនិន្នាការទៅរកការច្របាច់បញ្ចូលគ្នា តាំងតែពីឆ្នាំ២០០៧ដើម្បីអ្វីដែលគេអះអាងថា ដើម្បីការផ្លាសប្ដូររបបគ្រប់គ្រងអំណាចនៅកម្ពុជា ។តែផែនការនេះ ត្រូវទទួលបរាជ័យជាបន្តបន្ទាប់ ៕
No comments:
Post a Comment
yes