ស្ត្រីសង្ស័យឈ្មោះ ថៃ មុំ អាយុ ៥៤ឆ្នាំ ដែលត្រូវឃាត់ខ្លួន ជាមួយថ្នាំញៀន ៧.០៧០ គ្រាប់ កាលពីវេលាម៉ោង ១១ ថ្ងៃត្រង់ ថ្ងៃទី២៧ ខែកក្កដា ឆ្នាំ២០១២ នៅចំណុចក្នុងសណ្ឋាគារស៊ីនឃីម ស្ថិតក្នុងភូមិដូង ឃុំបឹងរាំង ស្រុកកំរៀង ខេត្តបាត់ដំបង
ភ្នំពេញ: នៅក្នុងតំបន់ ជាពិសេសនៅក្នុងមហាអនុតំបន់ទន្លេមេគង្គ ក្រុមឧក្រិដ្ឋជនគ្រឿងញៀនមានអង្គការចាត់តាំង នៅក្នុងតំបន់ត្រីកោណមាស បាននិងកំពុងបង្កើនសកម្មភាពដាំដុះដំណាំគ្រឿងញៀនធម្មជាតិ និងផលិតគ្រឿងញៀនសំយោគ ATS ហើយធ្វើសកម្មភាពចរាចរដឹកជញ្ជូន ទៅកាន់បណ្តាប្រទេសនានានៅក្នុងតំបន់ រួមទាំងបណ្តាប្រទេសជិតខាងតំបន់ត្រីកោណមាស ជាអាទិ៍ ប្រទេសថៃ ឡាវ កម្ពុជា និងវៀតណាមទៀតផង។
នេះបើយោងតាមរបាយការណ៍ ស្តីពីលទ្ធផលការងារត្រួតពិនិត្យគ្រឿងញៀន ត្រីមាសទី១ ឆ្នាំ២០១២ និងទិសដៅការងារត្រីមាសទី២ ឆ្នាំ២០១២ របស់លោកឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន។
លោកឧបនាយករដ្ឋមន្ត្រី កែ គឹមយ៉ាន បានលើកឡើងនៅក្នុងរបាយការណ៍ថា នៅកម្ពុជា ទោះបីមិនទាន់មានការដឹកជញ្ជូនគ្រឿងញៀនឆ្លងកាត់ទ្រង់ទ្រាយធំ ពីតំបន់អឌ្ឍច័ន្ទមាសចូលមកកម្ពុជា ដូចការដឹកជញ្ជូនគ្រឿងញៀនពីតំបន់អឌ្ឍច័ន្ទមាស ឆ្ពោះទៅកាន់ទ្វីបអឺរ៉ុប ទ្វីបអាមេរិក និងទ្វីបដទៃទៀត ប៉ុន្តែពួកឧក្រិដ្ឋជនគ្រឿងញៀន មានការចាត់តាំងជាលក្ខណៈអន្តរជាតិ នៅតែបន្តប្រើប្រាស់ក្រុមស៊ីឈ្នួល ឲ្យនាំគ្រឿងញៀនឆ្លងកាត់បណ្តាប្រទេសនានា ចូលមកកម្ពុជា។
នេះបើយោងតាមរបាយការណ៍ ស្តីពីលទ្ធផលការងារត្រួតពិនិត្យគ្រឿងញៀន ត្រីមាសទី១ ឆ្នាំ២០១២ និងទិសដៅការងារត្រីមាសទី២ ឆ្នាំ២០១២ របស់លោកឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន។
លោកឧបនាយករដ្ឋមន្ត្រី កែ គឹមយ៉ាន បានលើកឡើងនៅក្នុងរបាយការណ៍ថា នៅកម្ពុជា ទោះបីមិនទាន់មានការដឹកជញ្ជូនគ្រឿងញៀនឆ្លងកាត់ទ្រង់ទ្រាយធំ ពីតំបន់អឌ្ឍច័ន្ទមាសចូលមកកម្ពុជា ដូចការដឹកជញ្ជូនគ្រឿងញៀនពីតំបន់អឌ្ឍច័ន្ទមាស ឆ្ពោះទៅកាន់ទ្វីបអឺរ៉ុប ទ្វីបអាមេរិក និងទ្វីបដទៃទៀត ប៉ុន្តែពួកឧក្រិដ្ឋជនគ្រឿងញៀន មានការចាត់តាំងជាលក្ខណៈអន្តរជាតិ នៅតែបន្តប្រើប្រាស់ក្រុមស៊ីឈ្នួល ឲ្យនាំគ្រឿងញៀនឆ្លងកាត់បណ្តាប្រទេសនានា ចូលមកកម្ពុជា។
ជាក់ស្តែង ក្នុងត្រីមាសទី១ ឆ្នាំ២០១២នេះ ស្ត្រីជនជាតិថៃម្នាក់បាននាំគ្រឿងញៀនប្រភេទកូកាអ៊ីន ពីប្រទេសប្រស៊ីលតាមជើងយន្តហោះ ឆ្ពោះមកអាកាសយានដ្ឋានអន្តរជាតិភ្នំពេញ ហើយបន្តដំណើរតាមរថយន្ត ឆ្ពោះទៅកាន់ច្រកទ្វារអន្ររជាតិប៉ោយប៉ែត ដោយបានឆ្លងផុតចំណុចព្រំដែនកម្ពុជា ចូលដល់ចំណុចព្រំដែនថៃ ក៏ត្រូវសមត្ថកិច្ចថៃចាប់បានតែម្តង។
ប្រធានអាជ្ញាធរជាតិប្រយុទ្ធប្រឆាំងគ្រឿងញៀន បានបញ្ជាក់ថា “តាមរយៈកិច្ចសហប្រតិបត្តិការ និងការផ្តល់ព័ត៌មានទៅវិញទៅមកជាមួយប្រទេសជិតខាង បានបង្ហាញថា មានឈ្មួញគ្រឿងញៀនក្នុងតំបន់មួយក្រុម ដែលមានមេខ្លោងជាជនជាតិថៃ បានប្រើប្រាស់ក្រុមឈ្មួញគ្រឿងញៀនជាជនជាតិឡាវ ឲ្យនាំគ្រឿងញៀនពីប្រទេសថៃ មកកាន់ប្រទេសឡាវ ហើយនាំបន្តពីប្រទេសឡាវតាមច្រកវ៉ើនខាំ ចូលមកខេត្តស្ទឹងត្រែង និងមួយចំនួនទៀត តាមបណ្តាខេត្តនៅភាគឦសានប្រទេស ទាំងផ្លូវគោក និងផ្លូវទឹក។ នៅពេលឆ្លងផុតតំបន់ព្រំដែនចូលដល់ក្នុងផ្ទៃប្រទេស គ្រឿងញៀនទាំងនោះត្រូវបានផ្គត់ផ្គង់តម្រូវការនៅក្នុងស្រុកមួយចំនួន និងមួយចំនួនទៀតត្រូវបាននាំបន្តទៅក្រៅប្រទេស”។
ក្រុមឈ្មួញភាគច្រើនបានប្តូររូបភាព ពីការនាំគ្រឿងញៀនដោយខ្លួនឯង ទៅជាវេចខ្ចប់បញ្ញើផ្ញើតាមរថយន្តឈ្នួល ផ្ញើតាមពលករ ដឹកជញ្ជូនទំនិញឆ្លងកាត់ព្រំដែន។ ជាទូទៅគ្រឿងញៀនដែលនាំមកពីតំបន់ត្រីកោណមាសគឺ ហេរ៉ូអ៊ីន មេតំហ្វេតាមីនគ្រាប់ (WY) និងមេតំហ្វេតាមីនក្រាមម្សៅ (ICE)។
លោកឧបនាយករដ្ឋមន្ត្រី កែ គឹមយ៉ាន បានបង្ហាញនៅក្នុងរបាយការណ៍ថា ការបង្ក្រាបបទល្មើសគ្រឿងញៀនត្រីមាសទី១ ឆ្នាំ២០១២ បង្ក្រាបបាន ២០២ ករណី លើ ១៩២ ករណី ប្រៀបធៀបត្រីមាសទី១ ឆ្នាំ២០១១ ថយចុះ ៥,២%, ឃាត់ខ្លួនជនសង្ស័យ ៤៣០ នាក់ លើ ៤៧៥ នាក់ ប្រៀបធៀបត្រីមាសទី១ ឆ្នាំ២០១១ ថយចុះ ៩,៤៧%។ ជនសង្ស័យទាំង ៤៣០ នាក់ មាន ៥ សញ្ជាតិ រួមមាន ខ្មែរ ៤១៨ នាក់ (ស្រី ៨២ នាក់), វៀតណាម ៩នាក់ (ស្រី ២ នាក់), ថៃ ២ នាក់ (ស្រីម្នាក់), ឡាវម្នាក់ (ប្រុស), បារាំងម្នាក់ (ប្រុស)។ ជនសង្ស័យទាំងអស់នេះ ត្រូវបានកសាងសំណុំរឿងបញ្ជូនទៅសាលាដំបូងរាជធានី-ខេត្ត ដើម្បីផ្តន្ទាទោសតាមច្បាប់។
វត្ថុតាងដែលចាប់យកមាន មេតំហ្វេតាមីន (WY) ២៧.៧៣៩ គ្រាប់ លើ ១៤៧.៤០៧ គ្រាប់ ប្រៀបធៀបត្រីមាសទី១ ឆ្នាំ២០១១ ថយចុះ ៨១,១៨%, មេតំហ្វេតាមីនក្រាមម្សៅ (ICE) ៧.២១៦ ក្រាម លើ ៦.៩៣២ ក្រាម ប្រៀបធៀបត្រីមាសទី១ ឆ្នាំ២០១១ កើនឡើង ៤,០៩% និងដើមកញ្ឆា ៣១៤ ដើម។
លោកឧបនាយករដ្ឋមន្ត្រីបានបញ្ជាក់ទៀតថា “ប៉ុន្តែទោះបីជាយ៉ាងណា យើងនៅតែប្រឈមបញ្ហាជាច្រើន ដូចជា បណ្តាខេត្តភាគឦសានប្រទេស នៅតែត្រូវបានចាត់ទុកជាខេត្តដែលមានលំហូរគ្រឿងញៀនគួរឲ្យកត់សម្គាល់នៅឡើយ។ ការរីករាលដាលនៃទីផ្សារ និងតម្រូវការគ្រឿងញៀនសំយោគ ATS នៅតែមានឥទ្ធិពលគ្របដណ្តប់ទៅលើរាជធានី-ខេត្តគោលដៅមួយចំនួន។ ក្រុមឧក្រិដ្ឋជនគ្រឿងញៀនមានការចាត់តាំង បាននិងកំពុងព្យាយាមប្រើប្រាស់កម្ពុជា ដែលអំណោយផលដល់ការលក់រាយ ការប្រើប្រាស់ នៅតំបន់គោលដៅនានាក្នុងប្រទេស”៕
No comments:
Post a Comment
yes