ហ៊ុន ម៉ានីត កូនប្រុសសំណប់ចិត្ត ហ៊ុន សែន
ភ្នំពេញ: “ដំណើរវិវត្តន៍របស់ប្រទេសកម្ពុជា ឆ្ពោះទៅកាន់ប្រធានអាស៊ានឆ្នាំ២០១២” គឺជាប្រធានបទដែលលោក ហ៊ុន ម៉ានី អនុប្រធានសមាគមយុវជនកម្ពុជា ត្រូវបានអញ្ជើញជាវាគ្មិន ដើម្បីថ្លែងទៅកាន់និស្សិតប្រមាណ ៣០០នាក់ នៃសាកលវិទ្យាល័យកម្ពុជា នាព្រឹកថ្ងៃទី២៨ ខែកក្កដា ឆ្នាំ២០១២។
លោកបណ្ឌិត អ៊ី រតនា តំណាងសកលវិទ្យាធិការ នៃសាកលវិទ្យាល័យកម្ពុជា មានប្រសាសន៍ថា ស្ថេរភាពនយោបាយនៅក្នុងប្រទេស មានសារៈសំខាន់ខ្លាំងណាស់ ដោយហេតុថា បើប្រទេសយើងគ្មានសុខសន្តិភាព យើងប្រាកដជាមិនមានអ្វីឡើយនាថ្ងៃនេះ។ ជាក់ស្តែង ស្ថេរភាពនយោបាយ បានធ្វើឲ្យថ្នាក់ដឹកនាំសាកលវិទ្យាល័យមានការទុកចិត្ត បណ្តាក់ទុនបង្កើតសាកលវិទ្យាល័យ ដែលដំបូងឡើងសាកលវិទ្យាល័យកម្ពុជាបោះជំហានត្រឹមជួលអគារគេ ប៉ុន្តែដោយឃើញសក្តានុពលរបស់ប្រទេសយើង ដែលកំពុងតែមានសុខសន្តិភាព និងការអភិវឌ្ឍ ក៏បានឈានទៅការកសាងអគាររបស់ខ្លួនឯង។
នាឱកាសនោះ លោក ហ៊ុន ម៉ានី បានថ្លែងទៅកាន់និស្សិតថា ទំរាំតែប្រទេសកម្ពុជាបានឡើងធ្វើជាប្រធានកិច្ចប្រជុំកំពូលអាស៊ាន ក្នុងឆ្នាំ២០១២ ដែលថ្នាក់ដឹកនាំប្រទេសមហាអំណាចជាច្រើននឹងចូលរួមនោះ គឺយើងបានឆ្លងកាត់នូវការប្រឹងប្រែងយ៉ាងខ្លាំង ទាំងការរំដោះជាតិ ការការពារជាតិ ការផ្សះផ្សាជាតិ ការអភិវឌ្ឍ និងការកសាងធនធានមនុស្ស។ នេះជាសក្ខីកម្មមួយ ដែលអាចសរបញ្ជាក់ឲ្យឃើញថា ប្រទេសកម្ពុជាពិតជាមានសន្តិភាព ស្ថេរភាពនយោបាយ និងសេរីភាពពេញលេញ។
លោកបណ្ឌិត អ៊ី រតនា តំណាងសកលវិទ្យាធិការ នៃសាកលវិទ្យាល័យកម្ពុជា មានប្រសាសន៍ថា ស្ថេរភាពនយោបាយនៅក្នុងប្រទេស មានសារៈសំខាន់ខ្លាំងណាស់ ដោយហេតុថា បើប្រទេសយើងគ្មានសុខសន្តិភាព យើងប្រាកដជាមិនមានអ្វីឡើយនាថ្ងៃនេះ។ ជាក់ស្តែង ស្ថេរភាពនយោបាយ បានធ្វើឲ្យថ្នាក់ដឹកនាំសាកលវិទ្យាល័យមានការទុកចិត្ត បណ្តាក់ទុនបង្កើតសាកលវិទ្យាល័យ ដែលដំបូងឡើងសាកលវិទ្យាល័យកម្ពុជាបោះជំហានត្រឹមជួលអគារគេ ប៉ុន្តែដោយឃើញសក្តានុពលរបស់ប្រទេសយើង ដែលកំពុងតែមានសុខសន្តិភាព និងការអភិវឌ្ឍ ក៏បានឈានទៅការកសាងអគាររបស់ខ្លួនឯង។
នាឱកាសនោះ លោក ហ៊ុន ម៉ានី បានថ្លែងទៅកាន់និស្សិតថា ទំរាំតែប្រទេសកម្ពុជាបានឡើងធ្វើជាប្រធានកិច្ចប្រជុំកំពូលអាស៊ាន ក្នុងឆ្នាំ២០១២ ដែលថ្នាក់ដឹកនាំប្រទេសមហាអំណាចជាច្រើននឹងចូលរួមនោះ គឺយើងបានឆ្លងកាត់នូវការប្រឹងប្រែងយ៉ាងខ្លាំង ទាំងការរំដោះជាតិ ការការពារជាតិ ការផ្សះផ្សាជាតិ ការអភិវឌ្ឍ និងការកសាងធនធានមនុស្ស។ នេះជាសក្ខីកម្មមួយ ដែលអាចសរបញ្ជាក់ឲ្យឃើញថា ប្រទេសកម្ពុជាពិតជាមានសន្តិភាព ស្ថេរភាពនយោបាយ និងសេរីភាពពេញលេញ។
លោកបានរម្លឹកថា បន្ទាប់ពីប្រទេសកម្ពុជាត្រូវបានរំដោះចេញពីរបប ប៉ុល ពត ដែលបានសម្លាប់ប្រជាជនអស់ជិតបីលាននាក់នោះ ប្រទេសនេះមិនទាន់មានសន្តិភាពពេញលេញនៅឡើយទេ។ ប្រទេសកម្ពុជាត្រូវទទួលរងទណ្ឌកម្មសេដ្ឋកិច្ច ពីសំណាក់បណ្តាប្រទេសនានា និងត្រូវបានគេដាក់ឲ្យនៅឯកកោ។
លោក ហ៊ុន ម៉ានី បានគូសបញ្ជាក់ថា ការអនុវត្តន៍គោលនយោបាយឈ្នះៗ របស់សម្តេច ហ៊ុន សែន ក្នុងឆ្នាំ១៩៩៨ ប្រទេសកម្ពុជាបានបង្រួបបង្រួមគ្នា ទៅជាប្រទេសមួយដែលគ្មានការបែងចែក។ ស្ថានភាពនេះ បានធ្វើឲ្យប្រទេសកម្ពុជាមានការរីកចម្រើនជាលំដាប់ និងត្រូវបានទទួលស្គាល់ដោយអន្តរជាតិ។ ជាក់ស្តែង មួយឆ្នាំក្រោយពីការទទួលបានសន្តិភាពពេញលេញមកនោះ ប្រទេសកម្ពុជាបានក្លាយជាសមាជិកនៃប្រទេសអាស៊ាន ដែលរួមមាន ១០ ប្រទេស និងបីឆ្នាំក្រោយមក គឺឆ្នាំ២០០២ កម្ពុជាបានទទួលភារកិច្ចដ៍ឧត្តុង្គឧត្តមជាប្រធានអាស៊ាន។ នាឆ្នាំនេះដែរ កម្ពុជាមានមោទនភាពម្តងទៀត ដោយយើងបានធ្វើជាប្រធានអាស៊ានជាថ្មី។
លោកបានបញ្ជាក់ផងដែរថា ការស្គាល់ពីប្រវត្តិសាស្ត្ររបស់ខ្លួន មោទនភាពនឹងអ្វីដែលខ្លួនមាន និងការស្គាល់ខ្លួនឯងច្បាស់ គឺជាគន្លឹះនៃភាពជោគជ័យ ដូចនេះប្អូនៗដែលជានិស្សិត និងជាថ្នាក់ដឹកនាំជំនាន់ក្រោយ ត្រូវសិក្សាពីកត្តាទាំងនេះឲ្យបានច្បាស់៕
No comments:
Post a Comment
yes