មានព័ត៌មានជាច្រើនតែងតែអង្រួនអារម្មរណ៍តារាចម្រៀងល្បីឈ្មោះ ប្រចាំផលិតកម្មសាន់ដេពីរឿងមានប្រពន្ធ មានកូនតែព័ត៌មានទាំងនេះត្រូវបានបដិសេធដោយលោក ខេមរៈ ភារុណ ជាបងប្រុសបង្កើតជាអ្នកនិពន្ធប្រចាំត្រកូលផងដែរ របស់តារាចម្រៀងខេមរៈ សិរីមន្ត។ ប៉ុន្ដែទោះបីជាព័ត៌មាននេះនៅតែដក់ជាប់និងចង់ដឹងពីសំណាក់ទស្សនិកជនក្ដីវរជនខ្មែរទើបតែទទួលបានរូបថតរបស់លោក ខេមរៈ សិរីមន្ដថតជាមួយក្មេងស្រីម្នាក់តាមរយៈអ៊ីម៉ែលកាលពីម្សិល មិញដែលម្ចាស់អ៊ីម៉ែលនោះអះអាងថា ជាកូនស្រីរបស់ខេមរៈ សិរីមន្ដថតនៅក្នុងកម្មវិធីថតបទចម្រៀងខារ៉ាអូខេ ជាមួយនឹងតារាចម្រៀង សុខ ពិសី ។ រូបថតនេះបានបង្ហាញពីភាពស្និទ្ធស្នាលយ៉ាងខ្លាំងជាមួយនឹងក្មេងស្រីម្នាក់នេះ។ ហើយ ខេមរៈ សិរីមន្ដមិនថតជាមួយ ប្រពន្ធទេ ព្រោះខ្លាចបែកការណ៍ចំពោះមុខទស្សនិកជនរាប់រយនាក់ដែលកំពុងតែ ចោលភ្នែកមើលសកម្មភាព របស់តារាចម្រៀងរូបនេះ ។
ការអះអាងតាមសារ អេឡិចត្រូនិចមួយនេះគឺម្ចាស់ដើមមិនបានបញ្ជាក់អំពីឈ្មោះរបស់ក្មេងស្រីនេះទេ ហើយក៏មិននិយាយអ្វីឲ្យបាន ច្រើននោះដែរ តែម្ចាស់អ៊ីម៉ែលបានបញ្ជាក់ថា “ក្មេងស្រីដែលថតរូបជាមួយ ខេមរៈ សិរីមន្ដនេះពិតជាកូនស្រីរបស់គាត់ មែន ហើយសិរីមន្ដបានរៀបការជាមួយនារីម្នាក់នោះ ប្រមាណជា៤-៥ឆ្នាំមកហើយ តែគាត់ធ្វើការលាក់លៀមបាន ជិតល្អណាស់”។រឿងនេះក៏ ព្រោះតែខ្លាចគេដឹងនាំឲ្យបាត់បង់ប្រជាប្រិយភាព ដោយសារតែសព្វថ្ងៃនេះតារាចម្រៀងខេមរៈ សិរីមន្ដកំ ពុងតែជោគជ័យលើវិថីសិល្បៈទាំងក្នុងនិងក្រៅប្រទេស។ បើនិយាយអំពីការគាំទ្រពីក្រុមយុវវ័យវិញ គឺមានកំណើន លើសលប់ជាងតារាចម្រៀងប្រចាំផលិតកម្មហង្សមាសទៀតផងគឺលោក ព្រាប សុវត្ថិ។ ដូច្នេះហើយការលាក់ប្រវត្ដិ បែបសម្ងាត់នេះអាចជំរុញ ឱ្យប្រជាប្រិយភាពរបស់តារាចម្រៀងរូបនេះកាន់តែទទួលបានការគាំទ្រមិនចេះរីងស្ងួត ។
បើសម្លឹងទៅកាន់រូបថតក្មេងស្រីម្នាក់នោះគឺនាង ប្រហែលជាមានអាយុប្រមាណ ០៤ឆ្នាំ ហើយអាចប្រៀបធៀបទៅនឹង ពិធីរៀបមង្គលការរបស់លោក ខេមរៈ សិរីមន្ដនោះ វាសមល្មមនឹងពេលវេលាដែលសិរីមន្ដបានចាប់ដៃជាមួយ គូស្នេហ៍ប្រាកដមែន ។ រូបថតទាំងពីរសន្លឹកដែលវរជនខ្មែរទទួលបាននេះ ជាសក្ខីភាពសម្រាប់បង្ហាញទស្សនិកជនយកទៅ ពិចារណា ។ ព្រោះថា កម្រមានអ្នកសិល្បៈណាម្នាក់ហ៊ានថតជាមួយ កុមារណាស់ ដោយសារតែអាចប៉ះពាល់ដល់ ការរិះគន់ ឬមានការយល់ច្រឡំពីបណ្ដាអ្នកគាំទ្រ ឬ ទស្សនិកជនមួយចំនួន ។ ប៉ុន្ដែរូបថតដែលវរជនខ្មែរទទួលបាននេះ ម្ចាស់ដើមនិយាយថា ទំរាំបានរូបថតនេះវាមានការពិបាកបន្ដិច ។
ប៉ុន្ដែម្ចាស់សារអេឡិចត្រូនិចនេះបានបញ្ជាក់ថា កូនស្រីនេះពិតជាកូនរបស់ខេមរៈ សិរីមន្ដពិតប្រាកដមែន តិច ច្រឡំថា ជាកូនរបស់ សុខ ពិសីគឺមិនមែនទេ ។ ទោះបីជាធ្លាយនូវរឿងរ៉ាវដែលខេមរៈ សិរីមន្ដមានប្រពន្ធកូននេះក៏លោក ខេមរៈ ភារុណដែលជាបងប្រុសបង្កើត ហើយជាអ្នកនិពន្ធបទចម្រៀងប្រចាំត្រកូលខេមរៈបានបដិសេធ ថា ព័ត៌មាននេះមិនមែនជាការពិតនោះទេ សិរីមន្ដនៅកំលោះហើយក៏មិនទាន់មានគូស្នេហ៍ស្អីដែរ វាមិនពិតទេ ។
លោក ខេមរៈ ភារុណ តែងតែអះអាងជានិច្ចជុំវិញព័ត៌មាននេះ។ ពេលលោកចេញមុខបកស្រាយម្ដងៗ ហាក់បីដូចបង្ហាញនូវកំហឹងជ្រួលឈាម មិនដឹងជាយ៉ាងម៉េចនោះឡើយ ព្រោះថា ទស្សនិកជនមួយចំនួនចង់ដឹងអំពី រឿងនេះ ប៉ុន្ដែលោក ភារុណបែរជាមានកំហឹងចំពោះអ្នកព័ត៌មានទៅវិញ ។ ទោះបីជាយ៉ាងណា ការអះអាងរបស់ ម្ចាស់សារអេឡិចត្រូនិចខាងលើនេះ វរជនខ្មែរមិនហ៊ានអះអាងថា ជាកូនរបស់សិរីមន្ដពិតប្រាកដ ឬយ៉ាងណានោះទេ គឺមានតែ លោកខេមរៈ សិរីមន្ដតែមា្នក់ប៉ុណ្ណោះទើបដឹងថា រូបថតក្មេងស្រីដែលថតជាមួយគាត់នោះជាអ្នកណា ព្រោះទស្សនិកជន កំពុងតែចង់ដឹងអំពីរឿងនេះ ៕
No comments:
Post a Comment
yes