លោក ខៀវ កាញារីទ្ធ អ្នកនាំពាក្យរដ្ឋាភិបាល ហ៊ុន សែន
ភ្នំពេញ: មន្ត្រីជានខ្ពស់រាជរដ្ឋាភិបាលបានបញ្ជាក់ជាថ្មីម្តងទៀតថា សហរដ្ឋអាមេរិកពុំមានឥទ្ធពលអ្វីដាក់ការគាបសង្កត់មកលើកម្ពុជា ក្នុងការអនុញ្ញាតឲ្យលោក សម រង្ស៊ី មេគណបក្សប្រឆាំង ដែលជាប់ឈ្មោះជាទណ្ឌិត តាមអំណាចសាលដីកាស្ថាពររបស់តុលាការកំពូលនោះ ចូលមកស្រុកវិញ ដោយគ្មានការអនុវត្តន៍តាមច្បាប់នោះទេ។
លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន និងជាអ្នកនាំពាក្យរាជរដ្ឋាភិបាល បានមានប្រសាសន៍កាលពីរសៀលថ្ងៃទី២៧ ខែកក្កដា ឆ្នាំ២០១២ យ៉ាងនេះថា នៅពេលដែលលោកស្រី ហ៊ីលឡារី គ្លីនតុន រដ្ឋមន្ត្រីក្រសួងការបរទេសអាមរិក មកកម្ពុជា (ដើម្បីចូលរួមកិច្ចប្រជុំកំពូលរដ្ឋមន្ត្រីការបរទេសអាស៊ន បូកអាមេរិក កូរ៉េ ចិន សបា្តហ៍មុននោះ) គឺលោកស្រីបានប្រកាសផ្តល់ជំនួយថ្មីបន្ថែមទៀតដល់កម្ពុជា និងបានបង្កើនកិច្ចសហប្រតិបត្តិការថែមទៀតជាមួយកម្ពុជា។
លោករដ្ឋមន្ត្រីបានមានប្រសាសន៍បន្តទៀតថា "ប៉ុន្តែមិនមែនដោយសារបញ្ហាហ្នឹង ចំពោះយើងវាអត់សំខាន់ ទៅរកអ្នកណាៗមិនសំខាន់ទេ ហើយយើងអត់ត្រូវការអាមេរិក ឬចិន ឬអី មកនិយាយបញ្ហានេះទេ បើគេចង់និយាយ គឺត្រូវទៅនិយាយជាមួយតុលាការ"។
លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន និងជាអ្នកនាំពាក្យរាជរដ្ឋាភិបាល បានមានប្រសាសន៍កាលពីរសៀលថ្ងៃទី២៧ ខែកក្កដា ឆ្នាំ២០១២ យ៉ាងនេះថា នៅពេលដែលលោកស្រី ហ៊ីលឡារី គ្លីនតុន រដ្ឋមន្ត្រីក្រសួងការបរទេសអាមរិក មកកម្ពុជា (ដើម្បីចូលរួមកិច្ចប្រជុំកំពូលរដ្ឋមន្ត្រីការបរទេសអាស៊ន បូកអាមេរិក កូរ៉េ ចិន សបា្តហ៍មុននោះ) គឺលោកស្រីបានប្រកាសផ្តល់ជំនួយថ្មីបន្ថែមទៀតដល់កម្ពុជា និងបានបង្កើនកិច្ចសហប្រតិបត្តិការថែមទៀតជាមួយកម្ពុជា។
លោករដ្ឋមន្ត្រីបានមានប្រសាសន៍បន្តទៀតថា "ប៉ុន្តែមិនមែនដោយសារបញ្ហាហ្នឹង ចំពោះយើងវាអត់សំខាន់ ទៅរកអ្នកណាៗមិនសំខាន់ទេ ហើយយើងអត់ត្រូវការអាមេរិក ឬចិន ឬអី មកនិយាយបញ្ហានេះទេ បើគេចង់និយាយ គឺត្រូវទៅនិយាយជាមួយតុលាការ"។
ទាក់ទងនឹងការវិលត្រឡប់របស់លោក សម រង្ស៊ី នោះដែរ លោក ទិត សុធា អ្នកនាំពាក្យអង្គភាពព័ត៌មាន និងប្រតិកម្មរហ័ស នៃទីស្តីការគណៈរដ្ឋមន្ត្រី នាពេលថ្មីៗនេះបានបញ្ជាក់ថា ប្រទេសកម្ពុជាប្រកាន់នូវការអនុវត្តន៍ច្បាប់ជាមូលដ្ឋាន ដែលជាការដើរលើមាគ៌ានីតិរដ្ឋ គោរពសិទ្ធិមនុស្ស ហើយការបោះឆ្នោតនៅឆ្នាំ២០១៣ ខាងមុខ នឹងដំណើរការទៅជាធម្មតា និងមានការចូលរួមប្រកួតប្រជែង ពីសំណាក់គណបក្សប្រឆាំងផងដែរ ដែលជាការបោះឆ្នោតសេរី ប្រជាធិបតេយ្យ និងពហុបក្ស។
ចំណែកឯលោក កែវ រ៉េមី រដ្ឋលេខាធិការទីស្តីការគណៈរដ្ឋមន្ត្រី នៅពេលថ្មីៗនេះក៏ធ្លាប់បានមានប្រសាសន៍ថា ការបោះឆ្នោតជ្រើសតាំងអ្នកតំណាងរាស្ត្រ នៅឆ្នាំ២០១៣ គឺដំណើរការទៅជាធម្មតា ដែលជាការបោះឆ្នោតសេរី ប្រជាធិបតេយ្យ។
ចំពោះករណីលោក សម រង្ស៊ី មេគណបក្សប្រឆាំងនោះដែរ លោក កែវ រ៉េមី បានបញ្ជាក់ថា អ្នកដែលមានទោសជាប់ពន្ធនាគារ គឺមិនអាចមានសិទ្ធិធ្វើនយោបាយ មិនមានសិទ្ធិឈរឈ្មោះឲ្យគេបោះឆ្នោតឲ្យទេ ហើយចំពោះការបង្កើតចលនាប្រជាធិបតេយ្យសង្គ្រោះជាតិនោះ គឺគណបក្សប្រជាជនកម្ពុជា ពុំមានការព្រួយបារម្ភទេ រាជរដ្ឋាភិបាលបានធ្វើការអភិវឌ្ឍន៍មានការរីកចម្រើន ហើយប្រជាពលរដ្ឋគាំទ្រការអភិវឌ្ឍទាំងនោះ។
លោក កែ រ៉េមី បានបញ្ជាក់ដែរថា អាមេរិកមិនបានដាកសម្ពាធណាមួយមកលើកម្ពុជាទេ ពីព្រោះកម្ពុជាជារដ្ឋអធិបតេយ្យ ឯករាជ្យ ហើយករណីលោក សម រង្ស៊ី គឺជាការប្រព្រឹត្តបទល្មើសព្រហ្មទណ្ឌ មិនមែនជាបញ្ហានយោបាយទេ។
នៅដើមខែសីហាខាងមុខនេះ លោក កឹមសុខា អនុប្រធានចលនាប្រជាធិបតេយ្យសង្គ្រោះជាតិ រួមជាមួយលោកស្រី មួរ សុខហួរ ប្រធានលេខាធិការដ្ឋាន នៃចលនាប្រជាធិបតេយ្យសង្គ្រោះជាតិ នឹងដឹកនាំមន្ត្រីគណបក្សប្រឆាំងទាំងពីរទៅប្រទេសអាមេរិក ដើម្បីសុំកិច្ចអន្តរាគមន៍ពីរដ្ឋាភិបាលអាមេរិក ជួយដាក់ការគាបសង្កត់មកលើរាជរដ្ឋាភិបាលកម្ពុជា ដើម្បីបើកច្រកឲ្យលោក សម រង្ស៊ី បានវិលត្រឡប់មកស្រុកខ្មែរវិញ ដោយមិនប្រឈមនឹងអំណាចតុលាការ។
សូមបញ្ជាក់ថា តុលាការកំពូលបានតម្កល់សាលក្រម របស់សាលាដំបូងខេត្តស្វាយរៀង ដែលផ្តន្ទាទោសលោក សម រង្ស៊ី ឲ្យជាប់ពន្ធនាគាររយៈពេល ២ឆ្នាំ និងបង្គាប់ឲ្យបង់ប្រាកពិន័យជាង ៦០ លានរៀល ពីបទដកបំផ្លាញតម្រុយបង្គោលព្រំដែនគោក ជាប់ព្រំប្រទល់ជាមួយប្រទេសវៀតណាម កាលពីចុងឆ្នាំ២០០៩ នៅស្រុកចន្ទ្រា ខេត្តស្វាយរៀង និងបទញុះញង់ឲ្យមានការរើសអើងជាតិសាសន៍ ហើយសម្តេច ហេង សំរិន ប្រធានរដ្ឋសភា ក៏បានសម្រេចលុបឈ្មោះលោក សម រង្ស៊ី ចេញពីបញ្ជីឈ្មោះសមាជិកសភាមណ្ឌលកំពង់ចាម នីតិកាលទី៤ ផងដែរ៕ K
No comments:
Post a Comment
yes