គណបក្ស​ សង្គ្រោះជាតិ បើកសម្ភោធទីស្នាក់ការកណ្តល និងលើកស្លាកហើយកាលពីថ្ងៃទី១១ ខែកញ្ញា ឆ្នាំ២០១២

គណបក្ស សង្គ្រោះជាតិ ជាញជ័យ ដែលប្រសូត្រចេញពីគណបក្ស សម រង្ស៊ី និងគណបក្ស សិទ្ធិ​ម​នុ​ស្ស បានធ្វើពីធីសម្ភោធទីស្នាក់ការកណ្តាល និងលើកស្លាកហើយកាលពីរសៀលថ្ងៃទី១១ ខែ​កញ្ញា ឆ្នាំ២០១២ ក្រោមអធិបតីភាពរបស់លោក សម រង្ស៊ី ជាប្រធាន និងលោក កឹម សុខាប្រ​ធាន​គណបក្ស សិទ្ធិមនុស្ស និងជាអនុប្រធាន​របស់គណ​បក្ស សង្គ្រោះជាតិ ថ្ងៃអនាគត់​ ក៏ដូច​ជាថ្នា​ក់​ដឹកនាំនៃគណបក្សទាំងពីក៏បានអញ្ជើញចូលរួម​ក្នុង​ពិធីនោះផងដែរ ហើយអ្វីដែល​ជាការ​ចាប់អា​រម្ភ​គឺមានប្រជាពលរដ្ឋយ៉ាងច្រើនកុះករ​បានមកចូល​រួមក្នុងពិធីសម្ភោធទី​ស្នាក់ការ​កណ្តា​ល និង​ការលើកស្លាករបស់គណបក្ស សង្គ្រោះជាតិ ។

លោក ប៉ុល ហំម អនុប្រធានគណកម្មាធិការបណ្តោះអាសន្នរបស់គណបក្ស សង្គ្រោះជាតិ បាន មានប្រសាសន៏ថា ប្រជាពលរដ្ឋដែលជាអ្នកគាំទ្រគណបក្ស សង្គ្រោះជាតិ ដែលបានចូលរួមក្នុង ពិធីសម្ភោធទីស្នាក់ការគណបក្ស សង្គ្រោះជាតិ គឺមានចំនួនរហូតទៅដល់ជិត១ពាន់នាក់ លោក បន្តថាជាមួយគ្នានោះក៏មានអ្នកនយោបាយ និងសមាជិករបស់គណបក្សផ្សេង​ក៏បានមកចូល​រូម​ជាមួយនិងគណបក្ស សង្គ្រោះជាតិ នៅពេលនេះផងដែរ ព្រោះដោយសារតែពួកគាត់​យល់ថា​មានតែគណបក្ស សង្គ្រោះជាតិ តែមួយប៉ុណ្ណោះដែលជាក្តីសង្ឃឹមចុងក្រោយរបស់ពួកគាត់ ។

ពីប្រទេសហ្វីលីពីន ស្នាមញញឹមយ៉ាងក្រឡៅ ពោពេញទៅដោយក្តីសង្ឃឹមរបស់លោក សម រង្ស៊ី តាមេយៈវីដេអូ ខនហ្រ្វរិន បានដក់ជាប់ក្នុងក្រអៅបេះដូងរបស់ប្រជាពលរដ្ឋ អ្នកស្នេហា ជាតិគ្រប់​រូបក្រោមសម្លេងហ៊ូរកញ្ជ្រៀវពីសំណាក់ប្រជាពលរដ្ឋដែលជាអ្នកគាំទ្របង្ហាញឲ្យឃើញ​ថាក្តី​សង្ឃឹម​របស់គណបក្ស សង្គ្រោះជាតិ ស្ថិតនៅនិងមុខរបស់យើងគ្រប់គ្នាហើយ ។ ការ​ដឹកនាំប្រ​ទេសតាមរបៀបផ្តាប់ការរបស់គណបក្សកាន់អំណាចសព្វថ្ងៃនិងបញ្ចប់នៅឆ្នាំ២០១៣ ខាងមុខ​នេះហើយ ។ ជាមួយគ្នានោះលោក សម រង្ស៊ី បានមានប្រសាសន៏មកកាន់ប្រជា ពករដ្ឋដែលជា​អ្នកគាំទ្រគណបក្ស សង្គ្រោះជាតិ លោកបានបញ្ជាក់ឲ្យដឹងថានៅពេលឆាប់ៗខាង មុខនេះលោក​និងមានវត្តមានពិតប្រាកដទាំងវិញ្ញាណនិងរូបកាយនៅលើទឹកដីប្រទេសកម្ពុជា ដើម្បីចូលរួមក្នុង​ការបោះឆ្នោត ក៏ដូចជាការដឹកនាំគណបក្ស សង្គ្រោះជាតិ ដោយផ្ទាល់ផងដែរ ដូចនេះសូមប្រជា​ពលរដ្ឋទាំងអស់មានសង្ឃឹមចុះលើគណបក្ស សង្គ្រោះជាតិ ចាប់ពីពេលនេះទៅ មានគណបក្ស សង្គ្រោះជាតិ និងមានអ្វីៗទាំងអស់ ដែលផ្តល់ក្តីសង្ឃឹមថ្មីដល់ប្រជាពលរដ្ឋ និងប្រទេសជាតិ​របស់​យើង ។

រីឯលោក កឹម សុខា ប្រធានគណបក្ស សិទ្ធិមនុស្ស និងជាអនុប្រធាន ចលនាប្រជាធិបតេយ្យ សង្គ្រោះជាតិ និងជាអនុប្រធានគណបក្ស សង្គ្រោះជាតិ នៅពេលខាងមុខលោកបានបញ្ជាក់ជំរាប ជូនទៅប្រជាពលរដ្ឋអ្នកគាំទ្រ និងសមាជិករបស់គណបក្ស សង្គ្រោះជាតិ ថាចាប់ពីពេលនេះ​តទៅ​អ្នកប្រជាធិបតេយ្យគឺគ្មានការបែកបាក់គ្នានោះឡើយសូមឈប់ចាក់រុក និងអុចអាលប្រជាពលរដ្ឋ ទៀតទៅ ហើយលោកយល់ថាប្រជាពលរដ្ឋឥឡូវក៏លោកបានយល់ច្បាស់ផងដែរចំពោះ ការច្រ​បាច់បញ្ចូលគ្នាជាកម្លាំងតែមួយរវាងគណបក្ស សម រង្ស៊ី និងគណបក្ស សិទ្ធិមនុស្ស ហើយលោក​សូមបញ្ជាក់ថ្មីម្តងទៀតថា លោកសូមគាំទ្រលោក សម រង្ស៊ី ធ្វើជាប្រធានរបស់លោកជា​និច្ចល្មម​ដល់ពេលឈប់ឆ្កឹះឆ្គាលអុចអាលប្រជាពលរដ្ឋ និងញុះញង់ដើម្បីឲ្យអ្នកប្រជាធិបតេយ្យ បែក​បាក់​គ្នាអីព្រោះជាការអត់អំពើនោះទេ ។

ដូចនេះសូមបងប្អូនប្រជាពលរដ្ឋអ្នកស្រលាញ់ជាតិ ស្នេហាប្រជាធិបតេយ្យសូមចូលរួមជាមួយនិង គណបក្ស សង្គ្រោះជាតិ ឲ្យបានច្រើនឡើងបន្ថែមទៀតព្រោះមានតែគណបក្ស សង្គ្រោះជាតិ តែ មួយប៉ុណ្ណោះដែលអាចរំដោះប្រទេសជាតិ និងប្រជាពលរដ្ឋកម្ពុជាដ៏អភ័យពី​កណ្តាប់ដៃរបស់​គណ​​បក្សកាន់អំណាចសព្វថ្ងៃដែលដឹកនាំប្រទេសបានឈានទៅដល់មាត់ជ្រើមរណៈហើយនោះ ។ ដូច្នេះមានតែគណបក្ស សង្គ្រោះជាតិ តែមួយប៉ុណ្ណោះដែលជាក្តីសង្ឃឹមចុងក្រោយរបស់ប្រជា​ពលរដ្ឋខ្មែរ និងប្រទេសជាតិរបស់យើង ៕