កាលពីថ្ងៃទី១៧ កញ្ញា ប្រព័ន្ធផ្សព្វផ្សាយនានារបស់ចិនបានបញ្ជាក់ថា នាវានេសាទជាង១ពាន់គ្រឿងរបស់ប្រទេសនេះ នឹងចាកចេញទៅនេសាទនៅតំបន់ សមុទ្រប្រជុំកោះសេនកាគូ ដែលចិនហៅថាកោះដាវយូរ នៅពេលដែលភាព តានតឹងរវាងប្រទេសទាំង២កាន់តែខ្លាំង ឡើងនោះ ។ នាវានេសាទជាង១ពាន់ គ្រឿងរបស់ចិននោះ ទទួលបានការការពារ សន្ដិសុខពីនាវាចម្បាំង៦គ្រឿងរបស់ចិន ដែលបានបញ្ជូនទៅកាន់ប្រជុំកោះដែល មានវិវាទតាំងពីថ្ងៃទី១៤ កញ្ញាមកម្ល៉េះ ។
ទន្ទឹមនឹងនោះក្រុមជាតិនិយមហុងកុង មានគម្រោងធ្វើដំណើរទៅកាន់ប្រជុំកោះ សេនកាគូ នៅថ្ងៃទី១៨ កញ្ញា ដោយនាំ មកមឈូសទៅជាមួយផងដែរ ជាសកម្ម ភាពប្ដេជ្ញាពលីជីវិតការពារអធិបតេយ្យ ភាពជាតិរបស់ខ្លួន ។
នៅថ្ងៃទី១៧ កញ្ញា សារព័ត៌មានចិន បានផ្សព្វផ្សាយអត្ថបទវិភាគមួយ ដោយ បានគំរាមកំហែងជប៉ុន ប្រសិនបើមាន សកម្មភាពឌឺដង ជប៉ុនប្រាកដជារងការ ដាក់ទណ្ឌកម្មសេដ្ឋកិច្ចពីប្រទេសចិន ហើយធ្វើឱ្យសេដ្ឋកិច្ចប្រទេសនោះធ្លាក់ចុះ ក្នុងរយៈពេល២០ឆ្នាំយ៉ាងតិច ។ វិវាទ ប្រជុំកោះទាំងនោះ នឹងធ្វើឱ្យខាតបង់យ៉ាង ធំធេង ពិសេសទៅលើវិស័យទេសចរណ៍ និងឧស្សាហកម្មរបស់ជប៉ុន ។ មកទល់ ពេលនេះរដ្ឋាភិបាលទីក្រុងតូក្យូ ខាតបង់ ប៉ុនណានោះ គេនៅមិនទាន់អាចត្រួត ពិនិត្យនៅឡើយ ហើយបណ្ដាក្រុមហ៊ុន ជប៉ុនជាច្រើននៅក្នុងប្រទេសចិនក៏ត្រូវ ផ្អាកដំណើរការជាបណ្ដោះអាសន្ន ជាក់ ស្ដែងក្រុមហ៊ុនធំៗ២ គឺក្រុមហ៊ុន Canon និងក្រុមហ៊ុន Panasonic ត្រូវបិទទ្វារជា បណ្ដោះអាសន្នផងដែរ ។
ការធ្វើបាតុកម្មប្រឆាំងនឹងជប៉ុន នៅ ប្រទេសចិន បានឈានដល់ថ្ងៃទី៧ហើយ។ សារព័ត៌មាន AP បានដកស្រង់សម្ដីមន្ដ្រី ជាន់ខ្ពស់ចិនបញ្ជាក់ថា រដ្ឋាភិបាលបាន បើកភ្លើងខៀវឱ្យមានបាតុកម្មជាទ្រង់ ទ្រាយធំ ដែលបាតុកម្មនោះឈានដល់ កម្រិតមិនអាចគ្រប់គ្រងបាន ។ រដ្ឋាភិ បាលទីក្រុងប៉េកាំងក៏បានអនុម័ត ហាម ប្រាមបាតុកម្មទ្រង់ទ្រាយធំនៅតំបន់ ពាណិជ្ជកម្មទីក្រុងសៀងហៃ និងហាម ប្រាមផ្ញើសារតាមប្រព័ន្ធទូរស័ព្ទជំរុញឱ្យ មានបាតុកម្មហិង្សា ។
ក្នុងពេលជាមួយគ្នានោះដែរ រដ្ឋមន្ដ្រី ការពារជាតិអាមេរិក លោកឡេអន ប៉ាណាតា បានជួបពិភាក្សាជាមួយរដ្ឋ មន្ដ្រីការបរទេសជប៉ុន គូអ៊ីជីរ៉ូ ហ្គេនបា ដោយភាគីទាំង២បានឯកភាពរារាំងអំពើ ហិង្សាប្រឆាំងទៅនឹងជប៉ុននៅក្នុង ប្រទេសចិន ។ លោកឡេអន ប៉ាណាតា បានប្រកាសថា ប្រជុំកោះសេនកាគូ ឬ ដាវយូរ ស្ថិតក្នុងរង្វង់សន្ធិសញ្ញាសន្ដិសុខ អាមេរិក-ជប៉ុន ដែលអាមេរិកចាំបាច់ ត្រូវតែការពារ ក៏ប៉ុន្ដែលោកឡេអន ប៉ាណាតា ប្រកាសថា អាមេរិកនឹងមិន លម្អៀងទៅលើភាគីណាមួយនោះឡើយ ដោយអំពាវនាវឱ្យភាគីទាំង២រក្សាការ អត់ធ្មត់ ចៀសវាងហេតុការណ៍អាក្រក់ កើតឡើង ។
ជប៉ុនមិនអាចនៅស្ងៀមចំពោះនាវានេសាទទាំងនោះជប៉ុន
ជប៉ុន មិនអាចអង្គុយស្ងៀមសម្លឹង មើលនាវានេសាទជាង១ពាន់គ្រឿង សម្រុកមកនេសាទនៅតំបន់សមុទ្រ ដែលជប៉ុនអះអាងថា ក្រោមអធិបតេយ្យ ភាពរបស់ខ្លួន ដោយជប៉ុនចាត់ទុកថា នោះជាការឈ្លានពានដែលមិនអាចទទួល យកបាន ។
សកម្មភាពបញ្ជូននាវានេសាទមក ប្រជុំកោះដែលមានវិវាទ គឺជាសកម្មភាព បាតុកម្មទ្រង់ទ្រាយធំរបស់ចិនពាក់ព័ន្ធនឹង ប្រជុំកោះទាំងនោះ ក្រោយពេលជប៉ុន បានប្រកាសទិញជាផ្លូវការពីម្ចាស់កម្ម សិទ្ធិជនជាតិជប៉ុន ទៅលើកោះ៣ក្នុង ចំណោម៥នៅប្រជុំកោះនោះ ។
ក្នុងពេលជាមួយគ្នានោះដែរ រដ្ឋាភិ បាលទីក្រុងតូក្យូ បានប្រកាសឱ្យដឹងថា តាំងពីដើមមករដ្ឋាភិបាលជប៉ុនបានរក្សា ការអត់ធ្មត់ ដោយមិនមានការបកស្រាយ ពីសកម្មភាពណាមួយដែលមានការឌឺដង នោះឡើយ ។ ប៉ុន្ដែព័ត៌មានស្ដីពីចិន បញ្ជូននាវានេសាទទ្រង់ទ្រាយធំទៅកាន់ ប្រជុំកោះនោះ ជាសកម្មភាពមិនអាច ទទួលយកបាន និងធ្វើឱ្យវិវាទប្រទេស ទាំង២កាន់តែតានតឹងខ្លាំងឡើង ។
ទីប្រឹក្សាជាន់ខ្ពស់របស់នាយករដ្ឋមន្ដ្រី ជប៉ុនបានព្រមានថា រដ្ឋាភិបាលកំពុងតែ ត្រៀមវិធីសាស្ដ្រចាំបាច់សម្រាប់ទប់ទល់ ទៅនឹងនាវានេសាទទាំងនោះ ដែលមក លុកលុយឈ្លានពានអធិបតេយ្យភាព របស់ជប៉ុននោះ ។ ក្រុមអ្នកវិភាគអះអាង ថា រាល់សកម្មភាពណាមួយរបស់ជប៉ុន ដែលនឹងធ្វើទៅលើបណ្ដានាវានេសាទ ទាំងនោះរបស់ចិន ប្រាកដជាធ្វើឱ្យតំបន់ សមុទ្រប្រជុំកោះសេនកាគូ ឆេះក្ដៅពុះ កញ្ជ្រោល អាចក្លាយទៅជាសង្គ្រាមជាក់ ជាមិនខាន ៕
No comments:
Post a Comment
yes