សមត្ថកិច្ចកំពុងធ្វើអន្តរាគមន៍នៅកន្លែងកើតហេតុ
មនុស្សឆោឡោនៅកន្លែងកើតហេតុ
រថយន្តដឹកសារធាតុគីមីបើកធ្លាក់ចូលបឹង
ខេត្តកំពង់ឆ្នាំង ៖ រថយន្តយីឌុបធុនធ្ងន់មួយគ្រឿងបានក្រឡាប់ធ្លាក់ពីលើស្ពានបឹងពោធិ៍ ស្ថិតក្នុងភូមិសូវង្ស ឃុំតាដេស ស្រុកកំពង់ត្រឡាច កាលពីវេលាម៉ោង១២និង៣០នាទីរំលងអធ្រាត្រឈានចូលថ្ងៃទី២៦ កញ្ញា ២០១២ ។ អ្វីដែលចាប់អារម្មណ៍ និងផ្អើលមន្ត្រីច្រើនជំនាញស្ទុះស្ទាចុះមកពិនិត្យមើល និងរាយការណ៍បន្ទាន់ទៅក្រសួងរៀងៗខ្លួន ដោយសារតែនៅលើរថយន្តនោះមានដឹកធុងដែលមានសារធាតុពុល ឬប្រហែលជាអាស៊ីតបានបែកធ្លាយហូរចូលក្នុងទឹកប្រឡាយដែលកំពុងហូរ បណ្តាលឱ្យពុលត្រីងាប់ជាច្រើន។
មន្ត្រីនគរបាលស្រុកកំពង់ត្រឡាច បាននិយាយថា រថយន្តម៉ាកហ្វុយ ហ្សូ បើកពីជើងទៅត្បូង តាមបណ្តោយផ្លូវជាតិលេខ៥ លុះដល់ចំណុចកើតហេតុបានរេចង្កូតធ្លាក់ពីលើស្ពានបណ្តាលឱ្យបាក់បង្កាន់ដៃស្ពានក្រឡាប់ចូលប្រឡាយទឹកតែម្តង ។ ភ្លាមៗនោះអ្នកបើករថយន្ត មិនដឹងថាបម្រើការងារឱ្យក្រុមហ៊ុនណានោះទេ បានរត់គេចខ្លួនបាត់ ។
No comments:
Post a Comment
yes