ផ្ទៃដីបឹងទំពុនដែលត្រូវបូមដីលុប
ផ្ទៃដីបឹងទំពុនដែលត្រូវបូមដីលុប
រាជធានីភ្នំពេញ ៖ ប្រជាពលរដ្ឋក៏ដូចជាអ្នកដំណើរទូទៅ ដែលធ្វើដំណើរតាមបណ្តោយផ្លូវលេខ២៧១ និងផ្លូវលេខ៣៧១ រួមជាមួយនឹងផ្លូវជាតិលេខ១ភាគច្រើនតែងនាំគ្នាក្រឡេកមើលសកម្មភាពក្រុមឈ្មួញ និងថៅកែធំៗដែលមានងារជាឧកញ៉ា៤-៥នាក់ កំពុងសម្រុកធ្វើការបូមដីខ្សាច់ពីដងទន្លេបាសាក់កាត់តាមកំណាត់ផ្លូវជាតិលេខ១ ដើម្បីទម្លាក់លុបផ្ទៃដីបឹងទំពុនទាំងមូល ដែលមើលទៅហាក់ដូចជាដីទីទួលធម្មតាទៅហើយនាពេលនេះ ។
កោះសនិ្តភាពបានទទួលព័ត៌មានរាយការណ៍ពីមហាជនភាគច្រើន បាននាំគ្នាចោទសួរថា តើក្រុមលោកឧកញ៉ាណាខ្លះដែលទទួលបានសិទ្ធិក្នុងការអភិវឌ្ឍលើផ្ទៃដីបឹងទំពុនក្នុងពេលបច្ចុប្បន្ន ។
ប្រភពព័ត៌មានខ្លះឱ្យដឹងថា ការលុបបឹងបួខាងលើនេះអាចគ្មានច្បាប់អនុញ្ញាតឡើយ ព្រោះកន្លងមករដ្ឋបានកំណត់ថា ផ្ទៃដីបឹងបួព្រែកទន្លេ រួមជាមួយភ្នំគឺជាទ្រព្យសម្បត្តិរបស់រដ្ឋ និងសម្រាប់បម្រើផលប្រយោជន៍សាធារណៈ ។ តែបច្ចុប្បន្នផ្ទៃដីបឹងទំពុនទាំងមូលកំពុងក្លាយជាដុំពេជ្រដោយសារឈ្មួញធំៗកំពុងធ្វើការបូមដីលុបធ្វើជាកម្មសិទ្ធិ ។ តាមទិដ្ឋភាពបែបនេះ ក្រុមឈ្មួញរកស៊ីគួកជេរដីមួយចំនួនក៏ដូចជាប្រជាពលរដ្ឋភាគច្រើនដែលសម្តែងការចាប់អារម្មណ៍ជុំវិញបញ្ហាលុបផ្ទៃដីបឹងខាងលើនេះ បានធ្វើការកោតសរសើរលើក្រុមអ្នកវិនិយោគលើផ្ទៃដីបឹងថា ពូកែរត់ការសុំច្បាប់ធ្វើអាជីវកម្មលើតំបន់ផ្ទៃដីបឹងទំពុន ។
No comments:
Post a Comment
yes