ប៉ូលិសចរាចរណ៍ និងកងអង្គរក្ស មមាញឹក និងបិទផ្លូវ នាំភ្ញៀវ ដើរឆ្លងផ្លូវ ចេញ-ចូល
ក្នុងពិធីពិសាស្លាភ្ជាប់ពាក្យ កូនចៅថៅកែក្រុមហ៊ុន ជីប ម៉ុង កាលពីព្រឹកថ្ងៃទី២៦ ខែធ្នូ ឆ្នាំ២០១២
នៅមុខវត្តទួលទំពូង
ភ្នំពេញ: ពិធីពិសាស្លាភ្ជាប់ពាក្យ កូនប្រុសស្រី របស់អ្នកមាន កាលពីព្រឹកថ្ងៃទី២៦ ខែធ្នូ ឆ្នាំ២០១២ ដែលបានធ្វើឡើងនៅក្រុមហ៊ុន ជីប ម៉ុង សេនធ័រ ស្ថិតនៅតាមផ្លូវម៉ៅសេទុង ទល់មុខវត្តទួលទំពូង ក្នុងខណ្ឌចំការមន រាជធានីភ្នំពេញ បានបង្កការកកស្ទះចរាចរណ៍។ មូលហេតុ មកពីប៉ូលិសចរាចរណ៍ប៉េអឹម រួមទាំងកងអង្គរក្សជាច្រើននាក់ មមាញឹក ក្នុងការបិទផ្លូវ ហើយជូនភ្ញៀវដើរឆ្លងថ្នល់ ចេញ-ចូល ឡើងឡាន និងបិទផ្លូវ ស៊ីញ៉ូឲ្យឡានទំនើបៗ បត់ចុះ បត់ឡើង។
និយាយពីឡានទំនើបៗ ដូចជា Lexus និង Land Rover ជាដើម បានចតលើទ្រូងផ្លូវ ទាំងសងខាង ព្រោះនៅក្នុងសាលារៀន និងវត្តទួលទំពូង ឡានដែលម្ចាស់មកចូលរួមពិធីភ្ជាប់ពាក្យសែស្រឡាយ ថៅកែក្រុមហ៊ុន ជីប ម៉ុង បានចតពេញអស់ទៅហើយ។
បើមានភ្ញៀវចូលរួមសាទរច្រើនម្លឹងៗ ម៉េចក៏គេមិនទៅរកហាងនៅកោះពេជ្រ ឬក៏នៅម៉ុងឌីយ៉ាល់ ដែលធំទូលាយ ដើម្បីប្រារព្ធពិធីសប្បាយលក្ខណៈឯកជនតាមបែបអ្នកមានទៅ។ មិនគួរណាមករំខានដល់អ្នកដំណើរ ដោយត្រូវកកស្ទះចរាចរណ៍ ក្នុងពេលដែលភ្នំពេញយើងសព្វថ្ងៃនៅគ្រប់ផ្លូវធំៗទាំងអស់ ត្រូវកកស្ទះ ពិសេសនៅពេលព្រឹក និងពេលល្ងាច។មួយវិញទៀត ការចតឡាននៅនឹងផ្លូវដូច្នេះ បើសិនជាមានការប៉ះពារអ្វីនោះ នឹងនាំឲ្យកើតរឿងកើតរ៉ាវជាមិនខាន។ នេះគេមិនទាន់គិតដល់ការសាងសង់រោងការ ឬរោងបុណ្យ នៅលើចិញ្ចឹមផ្លូវ ដែលជួនកាលកើតមានឧបទ្ទវហេតុ ដូចជា មានរថយន្ត បុកគ្នា ហើយជ្រុលទៅបុកចូលដល់រោងការថែមទៀត ដូចករណីនៅតាមផ្លូវជាតិលេខ១ នៅខណ្ឌមានជ័យ កាលពីពេលថ្មីៗនេះ នាំឲ្យអ្នកចូលរួមមង្គលការ រងរបួសជាច្រើននាក់៕
និយាយពីឡានទំនើបៗ ដូចជា Lexus និង Land Rover ជាដើម បានចតលើទ្រូងផ្លូវ ទាំងសងខាង ព្រោះនៅក្នុងសាលារៀន និងវត្តទួលទំពូង ឡានដែលម្ចាស់មកចូលរួមពិធីភ្ជាប់ពាក្យសែស្រឡាយ ថៅកែក្រុមហ៊ុន ជីប ម៉ុង បានចតពេញអស់ទៅហើយ។
បើមានភ្ញៀវចូលរួមសាទរច្រើនម្លឹងៗ ម៉េចក៏គេមិនទៅរកហាងនៅកោះពេជ្រ ឬក៏នៅម៉ុងឌីយ៉ាល់ ដែលធំទូលាយ ដើម្បីប្រារព្ធពិធីសប្បាយលក្ខណៈឯកជនតាមបែបអ្នកមានទៅ។ មិនគួរណាមករំខានដល់អ្នកដំណើរ ដោយត្រូវកកស្ទះចរាចរណ៍ ក្នុងពេលដែលភ្នំពេញយើងសព្វថ្ងៃនៅគ្រប់ផ្លូវធំៗទាំងអស់ ត្រូវកកស្ទះ ពិសេសនៅពេលព្រឹក និងពេលល្ងាច។មួយវិញទៀត ការចតឡាននៅនឹងផ្លូវដូច្នេះ បើសិនជាមានការប៉ះពារអ្វីនោះ នឹងនាំឲ្យកើតរឿងកើតរ៉ាវជាមិនខាន។ នេះគេមិនទាន់គិតដល់ការសាងសង់រោងការ ឬរោងបុណ្យ នៅលើចិញ្ចឹមផ្លូវ ដែលជួនកាលកើតមានឧបទ្ទវហេតុ ដូចជា មានរថយន្ត បុកគ្នា ហើយជ្រុលទៅបុកចូលដល់រោងការថែមទៀត ដូចករណីនៅតាមផ្លូវជាតិលេខ១ នៅខណ្ឌមានជ័យ កាលពីពេលថ្មីៗនេះ នាំឲ្យអ្នកចូលរួមមង្គលការ រងរបួសជាច្រើននាក់៕
No comments:
Post a Comment
yes