តាកែវ៖ កាស៊ីណូនៅច្រកភ្នំដិនដែលមានឈ្មោះ “ថប ដាយអឺម៉ិន (TOP DIAMON)” សព្វថ្ងៃនេះ គេសង្កេតឃើញបានកំពុងតែបើកលេងយ៉ាងអាណាធិបតេយ្យ ជាពិសេសនោះ គឺមានជនជាតិខ្មែរយើងចូលលេងតាមចិត្តជារៀងរាល់ថ្ងៃ រួមទាំងពួកមន្ត្រីនៅខេត្តតាកែវមួយចំនួនក៏បានមកចូលលេងផងដែរ ហើយទង្វើនេះវាខុសពីគោលការណ៍របស់រាជរដ្ឋាភិបាលតែម្តង។
បើតាមប្រភពមួយបានឲ្យដឹងថា កាស៊ីណូថបដាយអឺម៉ិនភ្នំដិននេះ ដោយដំបូងឡើយថាមិនឲ្យជនជាតិខ្មែរចូលលេងនោះទេ ប៉ុន្តែសព្វថ្ងៃស្រាប់តែឃើញមានជនជាតិខ្មែរចូលលេងតាមចិត្ត មិនដែលឃើញខាងសន្តិសុខ ឬ ប៉ូលីសណាម្នាក់ធ្វើការហាមឃាត់នោះទេ ផ្ទុយទៅវិញមានតែបើកទ្វារឲ្យខ្មែរចូលលេងតាមចិត្តយ៉ាងគគ្រឹកគគ្រេង អញ្ចឹងបានជានៅខេត្តតាកែវ ចេះតែមានអំពើចោរលួច និងចោរប្លន់កើតឡើងជាញឹកញាប់នោះ ដោយសារមកលេងនៅកាស៊ីណូចាញ់មិនដែលឈ្នះ អស់ប្រាក់បែកគំនិតដើរលួចប្លន់របស់ទ្រព្យគេ ដើម្បីយកប្រាក់មកលេងនៅកាស៊ីណូទៀត។
បើយោងតាមប្រភពខាងលើបានបន្តឲ្យដឹងទៀតថា តើភូមិឃុំសុវត្ថិភាពសព្វថ្ងៃ មានន័យអ្វីទៅ បើល្បែងមានលេងគ្រប់ទីកន្លែង មិនថាតាមផ្ទះ ឬ នៅកាស៊ីណូទេ ប៉ុន្តែល្បែងនេះវាខុសគ្នា ព្រោះអាមួយជាល្បែងអ្នកមាន និងមួយទៀតល្បែងអ្នកក្រ។ ល្បែងលេងតាមផ្ទះជាល្បែងអាណាធិបតេយ្យ បើល្បែងលេងក្នុងកាស៊ីណូ ជាល្បែងមានច្បាប់ តែមិនថាច្បាប់នោះនិយាយពីអ្វីនោះទេ ឬមួយឲ្យតែបង់លុយតាមរបៀបក្រោមតុ គឺមានច្បាប់ទាំងអស់៕
No comments:
Post a Comment
yes