សម រង្ស៊ី ៖ ការឡើងថ្លៃប្រេងឥន្ធនៈជះឥទ្ធិពលយ៉ាងខ្លាំងដល់តម្លៃទំនិញនៅលើទីផ្សារ គណបក្ស សង្គ្រោះជាតិ មានយុទ្ឌសាស្រ្តយ៉ាងច្បាស់ក្នុងការបញ្ចុះតម្លៃប្រេងឥន្ធនៈឲ្យមានតម្លៃទាប

តម្លៃប្រេងឥន្ធនៈនៅក្នុងប្រទេសកម្ពុជាសព្វថ្ងៃមានតម្លៃថ្លៃខ្ពស់កប់ពពក ដែលធ្វើឲ្យប៉ះពាល់ យ៉ាងខ្លាំងដល់ជីវភាពរស់នៅរបស់ប្រជាពលរដ្ឋ ព្រោះការឡើងថ្លៃប្រេងឥន្ធនៈនេះ គឺបានធ្វើ ឲ្យតម្លៃទំនិញនៅលើទីផ្សារគ្រប់ប្រភេទក៏ឡើងខ្ពស់ទៅតាមនោះផងដែរ រាប់ទាំងតម្លៃអគ្គីសនី ជាដើម ។

តម្លៃប្រេងម៉ាស៊ូតសព្វថ្ងៃនៅកម្ពុជាក្នុងមួយលីត្រថ្លៃ៥.១០០រៀល តម្លៃសាំងធម្មតាក្នុងមួយ​លីត្រ៥.២៥០រៀល និងសាំងស៊ុបពែក្នុងមួយលីត្រថ្លៃ៥.៤៥០រៀល ដែលតម្លៃនេះ​គឺថ្លៃជាង​ប្រ​ទេសជិតខាងរបស់យើងសម្បើមណាស់ ទាំងនេះ​ហើយគឺជាបញ្ហាដែលយើងត្រូវតែ​ធ្វើការ​ដោះស្រាយជាបន្ទាន់ និងឲ្យមានប្រសិទ្ធភាពជាទីបំផុត ។

គណបក្សកាន់អំណាចសព្វថ្ងៃ ពួកគេគ្មានឆន្ទៈក្នុងការបញ្ចុះតម្លៃប្រេងឥន្ធនៈឲ្យមានតម្លៃទាប ជាងនេះបានឡើយ ព្រោះថានេះក៏ជាឆ្នាំងបាយរបស់ពួកគេសម្រាប់ប្រពឹត្តអំពើពុករលួយដាក់ លុយចូលក្នុងហោប៉ាវរបស់ខ្លួន ដែលធ្វើឲ្យជាតិបាត់លុយមិនតិចឡើយចំពោះការប្រព្រឹត្តអំពើ​ពុករលួយលើការនាំចូលប្រេងពីក្រៅប្រទេសមកនេះ ។ ម្យ៉ាងទៀតរដ្ឋាភិបាលរបស់លោក ហ៊ុន សែន មានឆន្ទៈក្នុងការបញ្ចុះតម្លៃប្រេងឥន្ធនៈនៅពេលដែលការបោះឆ្នោតជិតមកដល់តែ ប៉ុណ្ណោះ គឺដើម្បីទាញយកសន្លឹកឆ្នោតពីប្រជាពលរដ្ឋ ក្នុងន័យឲ្យប្រជាពលរដ្ឋឃើញថាពួកគេ មានឆន្ទៈមុះមុតបំផុតក្នុងការបញ្ចុះតម្លៃប្រេងសាំងដើម្បីជួយសំរួលដល់ការរស់នៅរបស់ប្រជា ពលរដ្ឋ តែនៅបន្ទាប់ពីការបោះឆ្នោតហើយនោះ គេនឹងបន្តនយោបាយចាស់ដដែល គឺតំឡើង តម្លៃប្រេងថ្លៃខ្ពស់កប់ពពក ។

ជាមួយគ្នានោះផងដែរលោក សម រង្ស៊ី ប្រធានគណបក្ស សង្គ្រោះជាតិ បានមានប្រសាសន៏ ទាក់ទងទៅនិងតម្លៃប្រេងឥន្ធនៈនៅក្នុងប្រទេសកម្ពុជាដែលមានតម្លៃថ្លៃនេះថា បើយើងធ្វើការ ប្រៀបធៀបតម្លៃប្រេងសាំងនៅប្រទេសសៀម ហើយនិងយួនដែលនៅជិតខាងយើងគឺនៅយួន តម្លៃប្រេងសាំងរបស់គេមានតម្លៃថោកជាងខ្មែរយើងប្រមាណជា៦០០រៀល ។ លោក សម រង្ស៊ី បានបន្តថា ក្នុងនោះលោកសូមឲ្យបងប្អូនប្រជាពលរដ្ឋធ្វើការកត់សំគាល់ផងដែរថា ​ប្រាក់​ខែរបស់បុគ្គលិក កម្មកររបស់គេក៏ទទួលបានខ្ពស់ជាងកម្ពុជាយើងឆ្ងាយណាស់ដែរ ហើយ មួយ​វិញទៀតសូម្បីតែតម្លៃទំនិញនៅក្នុងប្រទេសគេក៏មានតម្លៃទាបជាងកម្ពុជារបស់យើង ដែល​បានធ្វើឲ្យជីវភាពរស់នៅរបស់ប្រជាពលរដ្ឋគេមានជីវភាពធូរធាជាងពលរដ្ឋកម្ពុជាយើង ឆ្ងាយណាស់ ។

លោក សម រង្ស៊ី បន្តថា ការឡើងថ្លៃខ្ពស់នៃតម្លៃប្រេងសាំងបានធ្វើឲ្យប៉ះពាល់យ៉ាងខ្លាំងដល់ ការធ្វើតំណើររបស់ប្រជាពលរដ្ឋជាប្រចាំថ្ងៃ បានធ្វើឲ្យប៉ះពាល់ដល់ការដឹកជញ្ជូនទំនិញគ្រប់ ប្រភេទ ហើយក្នុងនោះប៉ះពាល់ដល់ការដឹកជញ្ជូនក៏ធ្វើឲ្យតម្លៃទំនិងញឡើងខ្ពស់តាមនោះផង ដែរ ដូចយើងបានឃើញហើយនៅកម្ពុជារបស់យើងសព្វថ្ងៃនេះ មិនតែប៉ុណ្ណោះវាក៏បានធ្វើឲ្យ អគ្គីសនីក៏ឡើងថ្លៃតាមនោះដូចគ្នា ដែលជាតម្រូវការដ៏ចាំបាច់របស់បងប្អូនប្រជាពលរដ្ឋ ដែល នៅតាមបណ្តាខេត្តខ្លះតម្លៃអគ្គីសនីឡើងរហូតដល់ទៅជិត៤.០០០រៀលក្នុងមួយគីឡូវ៉ាត់ម៉ោង ។

លោក សម រង្ស៊ី ថ្លែងទៀតថា មិនតែប៉ុណ្ណោះការឡើងថ្លៃប្រេងឥន្ធនៈនេះ ក៏បានធ្វើឲ្យជះឥទ្ធិ ពលដល់ប្រជាកសិករដផងដែរ ព្រោះពួកគាត់ត្រូវការប្រេងដើម្បីយកមកបូមទឹកបញ្ចូលស្រែ និងចំការរបស់ពួកគាត់ ។ ដូច្នេះការឡើងថ្លៃប្រេងឥន្ធនៈនេះគឺធ្វើឲ្យប៉ះពាល់ជីវភាពប្រជាពល​រដ្ឋ​ខ្មែរគ្រប់មជ្ឈដ្ឋានទាំងនៅទីក្រុង និងទាំងនៅទីជនបទ ។ យ៉ាងនេះហើយដាច់ខាតត្រូវ​តែធ្វើ​ការបញ្ចុះតម្លៃប្រេងសាំងឲ្យទាល់តែបាន ដើម្បីជួយដល់ជីវភាពរស់នៅរបស់ប្រជាពលរដ្ឋខ្មែរ ជាពិសេសប្រជាពលរដ្ឋដែលក្រីក្រ ។

លោក សម រង្ស៊ី បានមានប្រសាសន៏ដោយផ្តោតយកចិត្តទុកដាក់ខ្ពស់ក្នុងការបញ្ចុះតម្លៃប្រេង សាំងថា ក្នុងឋានះរបស់លោកជាប្រធានគណបក្ស សង្គ្រោះជាតិ លោកសូមធានាថា​រដ្ឋាភិ​បាល​ថ្មីដឹកនាំដោយគណបក្ស សង្គ្រោះជាតិ និងធ្វើការបញ្ចុះថ្លៃប្រេងសាំងឲ្យទាល់តែបាន គឺ​បញ្ចុះដល់កំរិតមួយដែលធ្វើឲ្យតម្លៃប្រេងសាំងនៅក្នុងប្រទេសកម្ពុជា មិន​លើសពីតម្លៃ​ប្រេង​សាំងនៅប្រទេសជិតខាងឡើយ ។

លោក សម រង្ស៊ី បានលើកឡើងទៀតថា ប្រទេសជិតខាងយើងគេធ្វើបានហើយប្រទេស​គេ​ក៏​មិនមានអ្វីលើសពីប្រទេសយើងដែរ ជាមួយគ្នានោះយើងក៏គ្មានអ្វីចាញ់គេណាស់ណាដូចគ្នា ដូច្នេះបើប្រទេសជិតខាងរបស់យើងគេធ្វើបានយើងមិនត្រូវអន់ជាងគេឡើយ គឺប្រទេសជាតិ របស់យើងត្រូវតែមានមេដឹកនាំដែលគ្រាន់បើផងដែរ ដែលមានសមត្ថភាពក្នុងការដឹកនាំសេដ្ឋ កិច្ចជាតិឲ្យមានការរីកចំរើន និងធ្វើឲ្យប្រេងសាំងមិនឲ្យថ្លៃជាងប្រទេសជិតខាងជាដាច់ខាត ។

ជាមួយគ្នានោះលោក សម រង្ស៊ី បានធ្វើការធានាជាថ្មីម្តងទៀតជូនប្រជាពលរដ្ឋខ្មែរទាំងអស់ថា រដ្ឋាភិបាលថ្មីដឹកនាំដោយគណបក្ស សង្គ្រោះជាតិ គឺយើងនិងបញ្ចុះប្រេងសាំងឲ្យមានតម្លៃ​ទាប ដែលនៅថ្ងៃនេះប្រេងសាំងនៅប្រទេសកម្ពុជាសាំងធម្មតាតម្លៃ៥.២៥០រៀលក្នុងមួយលីត្រ យើងនិងធ្វើការបញ្ចុះឲ្យនៅត្រឹមតែតម្លៃ៤.៦០០រៀលតែប៉ុណ្ណោះ ។ លោក សម រង្ស៊ី បានបន្ត ទៀតថា ការបញ្ចុះតម្លៃប្រេងឥន្ទនៈបែបនេះគឺដោយសារតែយើងកាត់អត្រាព័ន្ធដាព្រមទាំងព័ន្ធ ផ្សេងៗទៀតគឺយើងកាត់ពាក់កណ្តាលគឺយើងមិនយកព័ន្ធដូចរដ្ឋាភិបាលសព្វថ្ងៃឡើយ ដែល គេយកព័ន្ធប្រេងក្នុងមួយលីត្រចំនួន១.២០០រៀល តែយើងរដ្ឋាភិបាលដឹកនាំដោយគណបក្ស សង្គ្រោះជាតិ យកតែ៦០០រៀលប៉ុណ្ណោះក្នុងមួយលីត្រប្រេង ដែលនិងធ្វើឲ្យប្រេងសាំងចុះចំ​នួន៦០០រៀលដែរក្នុងមួយលីត្រ ។

លោក សម រង្ស៊ី បានបន្ថែមទៀតថា នៅពេលដែលយើងកាត់ព័ន្ធជាពីរបញ្ចុះតម្លៃប្រេង​សាំង​ចំនួន៦០០រៀលក្នុងមួយលីត្រនេះ វាក៏មិនធ្វើឲ្យប៉ះពាល់ដល់ថវិការជាតិផងដែរ ទាំង​នេះ​គឺ​ដោយសារតែយើងបំបាត់ការរត់ព័ន្ធ ដែលរដ្ឋាភិបាលថ្មីដឹកនាំដោយគណបក្ស សង្គ្រោះជាតិ មិនអនុញ្ញាត្តិឲ្យមានអំពើពុលរលួយ និងមិនឲ្យមានការរត់ព័ន្ធ ព្រមទាំងមិនឲ្យមានការលួច ព័ន្ធ ការគិចព័ន្ធដូចជាសព្វថ្ងៃនេះជាដាច់ខាត ។ ក្នុងនោះយើងនិងធ្វើការត្រួតពិនិត្យកំពង់ផែ ឯកជននៅតាមឆ្នេរសមុទ្រ ឬមួយក៏កន្លែងដែលគេនាំប្រេងសាំងចូលមកទាំងស៊ីទែនៗ ក៏ដូច​ជានៅតាមជើងគោកផងដែរ ដែលយើងនិងចាត់វិធានការបំបាត់ការរត់ព័ន្ធ ហើយចាប់ឲ្យបង់ ព័ន្ធដូចគ្នា ស្មើរគ្នា និងគ្រប់គ្នាទាំងអស់ គឺមិនឲ្យមានអ្នកណាដើរខ្សែលើដូចជាសព្វថ្ងៃឡើយ ។

អ្វីដែលលោក​ សម រង្ស៊ី លើកយកមកធ្វើការរៀបរាប់នេះ គឺគ្រាន់តែជាផ្នែកតូចមួយប៉ុណ្ណោះ ដែល​គណបក្ស សង្គ្រោះជាតិ អាចបញ្ចុះតម្លៃប្រេងសាំងឲ្យមានតម្លៃទាប និងមិនធ្វើឲ្យ​ប៉ះ​ពាល់​ដល់ សេដ្ឋកិច្ចជាតិទៀតនោះ ព្រមទាំងទប់ស្កាត់ និងលុបបំបាត់ឲ្យ​បានការ​ប្រព្រឹត្ត​អំពើ​ពុក​រលួយ ដែលធ្វើឲ្យបាត់ថវិការជាតិអស់ជាច្រើពាន់លានដុល្លា ក្នុង​ការគេចព័ន្ធប្រេងសាំង​នេះ​ក្នុងមួយឆ្នាំៗ ក៏ដូចជាធ្វើឲ្យជីវភាពរបស់នៅរបស់ប្រជាពលរដ្ឋមាន​ភាពល្អប្រ​សើរ​ឡើង​ផងដែរ អ្វីដែលសំខាន់ជាងនេះទៅទៀតនោះ ក៏និងធ្វើឲ្យតម្លៃទំនិញនៅលើទីផ្សារចុះថ្លៃ ព្រម​ទាំងធ្វើឲ្យតម្លៃអគ្គីសនីចុះថោកទៅតាមនោះផងដែរ ។

ដូច្នេះសរុបសេចក្តីមកគោលនយោបាយរបស់គណបក្ស សង្គ្រោះជាតិ គឺដើម្បីជាប្រយោជន៏ របស់ប្រជាពលរដ្ឋទាំងអស់ មានតែគណបក្ស សង្គ្រោះជាតិ តែមួយប៉ុណ្ណោះដែលជាក្តីសង្ឃឹម របស់ប្រជាពលរដ្ឋខ្មែរ ៕