តំណាងសហគមន៍ភូមិឈូក លោក សិត សេង បានប្រាប់ថា
អភិបាលស្រុកសណ្តាន់មិនបានបញ្ឈប់សកម្មភាពរបស់ក្រុមហ៊ុនយួន CRCK ដែលឈូសឆាយរំលោភចូលដីព្រៃសហគមន៍ និងដីពលរដ្ឋនោះទេ ។
លោកបន្ទោសអភិបាលរងស្រុកសណ្តាន់ គឺលោក ទីវ ហុក
ចំពោះអ្វីដែលអភិបាលរងរូបនេះ ប្រាប់លោកតាមទូរស័ព្ទថា
ករណីនេះត្រូវដាក់ឲ្យមេឃុំជាអ្នកដោះស្រាយដោយលោកជាប់រវល់ ។
គួរជំរាបជូនផងដែរថា កាលពីថ្ងៃទី១៣ ខែកុម្ភៈ ឆ្នាំ២០១៣
ប្រជាសហគមន៍ព្រៃឡង់ ប្រមាណជា៣០០នាក់
បាននំាគ្នាទៅតវ៉ានៅមុខសាលាស្រុកសណ្តាន់ហើយក្រោយមកអាជ្ញាធរទីនោះ
បានបញ្ជាឲ្យក្រុមហ៊ុនផ្អាកសកម្មភាពឈូសឆាយរបស់ខ្លួនជាបណ្តោះអាសន្ន
និងបានសន្យាថា អាជ្ញាធរខេត្តនឹងដោះស្រាយបញ្ហាដីធ្លីជូនប្រជាសហគមន៍នៅថ្ងៃទី២១
ខែកុម្ភៈ ឆ្នាំ២០១៣។ ប៉ុន្តែតំណាងសហគមន៍បន្តថា រហូតមកដល់ពេលនេះមិនមានអាជ្ញាធរណាម្នាក់ដោះស្រាយបញ្ហានេះជូនពួកគាត់ទេ
៕
No comments:
Post a Comment
yes