តាមលោក សុន ឆ័យ តំណាងរាស្រ្តគណបក្សសម រង្ស៊ី បានឲ្យដឹងថា សេចក្តីព្រាងច្បាប់ដើម បានដាក់ចេញនូវអត្ថប្រយោជន៍ស្នាក់នៅ ធ្វើដំណើរ និងប្រេងសាំង សម្រាប់មន្រ្តីរាជការ ក្នុងបំណងឧបត្ថម្ភលើប្រាក់ខែតិចតួចរបស់ពួកគេ ប៉ុន្តែច្បាប់ដែលអនុម័តដោយសំឡេង៨៥ លើ ៩៤ នោះ បានលុបចោលមាត្រាជាច្រើនទាំងនោះអស់វិញ។
នៅពេលគណបក្ស ប្រឆាំងតវ៉ាអំពីការផ្លាស់ប្តូរនេះ ក្នុងពេលពិភាក្សា លោក ហេង សំរិន បានបញ្ឈប់ការពិភាក្សាជាផ្លូវការភ្លាមៗ ដោយសំអាងថា តំណាងរាស្រ្តភាគច្រើនបានព្រមព្រៀងរួចហើយ ហើយថា លោក សុន ឆ័យ មិនអាច «អត្ថាធិប្បាយបន្ថែមទេ ព្រោះលោកអត្ថាធិប្បាយច្រើនក្នុងពេលពិភាក្សានេះ»។
លោក សុន ឆ័យ បញ្ជាក់ ពីម្សិលមិញថា តាមនីតិវិធីរដ្ឋសភា ភាគីទាំងពីរផ្តល់សេចក្តីសង្ខេបពីជំហររបស់ខ្លួន មុនពេលការពិភាក្សាចាប់ផ្តើម ដែលការណ៍នេះពុំបានធ្វើទេ កាលពីថ្ងៃសុក្រ។
ជាការកត់សម្គាល់ថា លោកមិនធ្លាប់ឃើញការបញ្ឈប់ការពិភាក្សាពីមុនមកទេ លោក សុន ឆ័យ បន្តថា៖ «បន្ទាប់ពីលើកឡើងពីទស្សនៈទូទៅរបស់យើង ប្រធានបានសម្រេចមិនឲ្យពិភាក្សា ហើយបោះឆ្នោតលើសេចក្តីព្រាងច្បាប់នេះ ដោយឲ្យតំណាងរាស្រ្តលើកដៃគាំទ្រ»។
លោកបន្ថែមថា សេចក្តីសម្រេចដកចេញនូវនីតិវិធីនៃអង្គនីតិប្បញ្ញត្តិនេះ ក៏ជាបញ្ហាគួរឲ្យបារម្ភផងដែរ។
លោក គល់ បញ្ញា នាយកប្រតិបតិ្តនៃអង្គការ ខុម ហ្វ្រែល បានថ្លែងថា ចំពោះគណបក្សប្រឆាំង អាណតិ្តបច្ចុប្បន្ននៃរដ្ឋសភាមានលក្ខណៈកាន់តែតឹងរ៉ឹងឡើងៗ បើធៀបនឹងអាណតិ្តមុន» ។ លោក បន្តថា៖ «អភ័យឯកសិទិ្ធតំណាងរាស្រ្តគណបក្សប្រឆាំងទាក់ទងនឹងសេរីភាព បញ្ចេញមតិមានចែងក្នុងរដ្ឋធម្មនុញ្ញ ប៉ុន្តែ បក្សប្រឆាំងពុំមានសេរីភាពទេ។ គណបក្សប្រជាជនពិតជាមិនបានគោរពសេរីភាពបញ្ចេញមតិក្នុងសភាឡើយ»។
ប៉ុន្តែ លោក ងួន ញ៉ិល អនុប្រធានទី ១រដ្ឋសភា បានការពារសេចក្តីសម្រេចរបស់លោក ហេង សំរិន ដោយថ្លែងកាលពីថ្ងៃសុក្រថា ប្រធានរដ្ឋសភាមានឆន្ទានុសិទិ្ធដឹកនាំការជជែកពិភាក្សាតាម ដែលប្រធានយល់ថា ស័ក្តិសម និងថា ការអះអាងបឋមរបស់លោក សុន ឆ័យ មានលក្ខណៈ«គ្រប់គ្រាន់»ហើយ៕
No comments:
Post a Comment
yes