មានតែគណបក្សសង្គ្រោះជាតិតែមួយគត់ដែលជាក្តីសង្ឃឹមរបស់ជាប្រជាពលរដ្ឋក្នុងនោះ សម្រាប់ការបោះឆ្នោតជាតិអាណត្តិទី៥នេះគណបក្សសង្គ្រោះជាតិនឹងទទួលបានជ័យជំនះ លើកការបោះឆ្នោតជាក់ជាមិនខានឡើយ

សម្រាប់ការបោះឆ្នោតជាតិអាណត្តិទី៥នេះ ប្រជាពលរដ្ឋដែលជាអ្នកស្នេហាជាតិ ស្រលាញ់​លទ្ធិប្រ​ជាធិបតេយ្យ មានជំនឿយ៉ាងមុតមាំថា គណបក្ស សង្គ្រោះជាតិ និងទទួលបានជ័​យជំ​នះ​លើការបោះឆ្នោតយ៉ាងត្រចះត្រចង់ជាក់ជាមិនខានឡើយ ។

មូលហេតុទាំងអស់នេះគឺដោយសារតែគណបក្ស សង្គ្រោះជាតិ បានគិតពីផលប្រយោជន៏​របស់ជាតិ និងប្រជាពលរដ្ឋជាធំ ហើយថ្នាក់ដឹកនាំគណបក្ស សង្គ្រោះជាតិ ទាំងអស់គឺធ្វើការ​បំរើរាស្រ្ត និងជាតិ ដោយមិនខ្លាចនឿយហត់ និងទុក្ខលំបាកទេ ហើយប្រឆាំងដាច់ខាតរាល់​អំ​ពើទាំងឡាយណាដែលធ្វើឲ្យប៉ះពាល់ដល់ផលប្រយោជន៏របស់ជាតិ និងពលរដ្ឋ ។

ស្របពេលជាមួយគ្នាដែលការបោះឆ្នោតជាតិ បាននិងកំពុងតែខិតជិតចូលមក​ដល់ហើយ​នោះ ថ្នាក់ដឹកនាំចលនាប្រជាធិបតេយ្យសង្គ្រោះជាតិ និងថ្នាក់ដឹកនាំគណបក្ស សង្គ្រោះជាតិ ក៏បានធ្វើសកម្មភាពយ៉ាងសកម្មផងដែរ ក្នុងការចុះមូលដ្ឋានដើម្បីជួបជាមួយប្រជាពលរដ្ឋ សួរ​សុខទុក្ខ និងធ្វើការផ្សព្វផ្សាយគោលនយោបាយរបស់គណបក្ស សង្គ្រោះជាតិ ដល់ពួក​គាត់​ឲ្យបានដឹង ព្រោះនៅក្នុងការបោះឆ្នោតជាតិអាណត្តិទី៥នេះ គណបក្ស សង្គ្រោះជាតិ មាន​តួ​នា​ទី​យ៉ាងសំខាន់សម្រាប់ធ្វើការសង្គ្រោះប្រទេសចេញពីការគ្រប់គ្រង និងដឹកនាំដោយគណ​បក្ស​ប្រជាជន ដែលមានលោក ហ៊ុន សែន ជានាយករដ្ឋមន្រ្តី ដែលកាន់អំណាចអស់រយៈ​ពេលជាង​៣០កន្លងមកនេះ គឺមិនបានធ្វើការអភិវឌ្ឍន៏ជាតិឲ្យមានការរីកចំរើនគួរឲ្យកត់​សម្គាល់ ក្រៅតែ​ពីការជំពាក់បំណុលគេគ្រប់មជ្ឈដ្ឋាន ការបំផ្លាញជាតិឯងក្នុងការបើកដៃឲ្យ​យួនចូល​មករស់​នៅ​ក្នុងប្រទេសដោយសេរី ការដឹកនាំប្រទេសតាមរបៀបផ្តាច់ការជាដើម ។

ដូច្នេះមានតែគណបក្ស សង្គ្រោះជាតិទេ ដែលអាចធ្វើការដឹកនាំប្រទេសកម្ពុជាឲ្យមានការរីក ចំរើន ព្រោះដោយហេតុថាថ្នាក់ដឹកនាំគណបក្ស សង្គ្រោះជាតិ គឺសុតតែជាអ្នកដែលមានជំ​នាញចំណេះច្បាស់លាស់ពិតប្រាកដ ព្រមទាំងជាអ្នកប្រជាធិបតេយ្យ និងជាអ្នកស្នេហាជាតិ យ៉ាងពិតប្រាកដ ។

គួរជំរាបជូនផងដែរថា នៅថ្ងៃទី១៩ ខែកុម្ភៈ ឆ្នាំ២០១៣នេះ ថ្នាក់ដឹកនាំចលនាប្រជាធិបតេយ្យ សង្គ្រោះជាតិ ខេត្តកំពង់ឆ្នាំង បានធ្វើតំណើរចុះជួបពលរដ្ឋពេលព្រឹកនៅភូមិអូរ ឃុំពន្លៃ ស្រុក បរិបូរ និងនៅពេលរសៀលនៅភូមិសំរោង សង្កាត់ផ្សារឆ្នាំង ដែលដឹកនាំដោយលោក គី វណ្ណា រ៉ា សមាជិករដ្ឋសភា អមតំណើរដោយក្រុមការងារខេត្ត និងស្រុកមួយចំនួនទៀត ។

រីឯនៅខេត្តពោធិ៍សាត់ ថ្នាក់ដឹកនាំចលនាប្រជាធិបតេយ្យសង្គ្រោះជាតិ បានធ្វើតំណើរចុះជួប​សំណេះសំណាល សួរសុខទុក្ខ និងធ្វើការផ្សព្វផ្សាយ ព្រមទាំងបង្ហាញស្លាកសញ្ញាគណបក្ស សង្គ្រោះជាតិ ឲ្យប្រជាពលរដ្ឋបានស្គាល់ កម្មវិធីប្រារព្វធ្វើឡើង ពេលព្រឹកនៅឃុំខ្នាទទឹង ស្រុក បាកាន ដឹកនាំដោយលោក អេង ឆៃអ៊ាង សមាជិកព្រឹទ្ធសភា លោក ងឹម ញ៉េញ ប្រធានក្រុម​ការងារខេត្តពោធិ៍សាត់ រួមតំណើរដោយថ្នាក់ដឹកនាំខេត្ត និងស្រុកមួយចំនួនទៀត ចំណែកឯ ក្រុមការងារចលនាប្រជាធិបតេយ្យសង្គ្រោះជាតិមួយក្រុមទៀតដឹកនាំដោយលោក អ៊ូ ចាន់រិទ្ធ លោក ឈុំ សុវណ្ណារិទ្ធិ ព្រមទាំងក្រុមការងារខេត្ត និងស្រុកចុះជួបពលរដ្ឋនៅឃុំរំលិច ស្រុក បាកាន ។

ចំណែកនៅពេលរសៀលកម្មវិធីប្រាព្វធ្វើឡើងនៅឃុំត្រពាំងជង ស្រុកបាកាន ដឹកនាំដោយ​លោក អេង ឆៃអ៊ាង ចំណែកក្រុមការងារមួយក្រុមទៀតដែលដឹកនាំដោយលោក អ៊ូ ចាន់រិទ្ធិ ជួបពលរដ្ឋនៅឃុំបឹងខ្នា ស្រុកបាកានដូចគ្នាផងដែរ ។

ដូច្នេះដើម្បីធ្វើការផ្លាស់ប្តូរ​ឲ្យទទួលបានជោគជ័យ  សូមបងប្អូនប្រជាពលរដ្ឋទាំងអស់​ចូលរួម​ជាមួយនិងគណបក្ស សង្គ្រោះជាតិ ឲ្យបានគ្រប់ៗគ្នា ព្រោះមានតែគណកប្ស សង្គ្រោះជាតិ​​​​​

តែ​មួយប៉ុណ្ណោះដែលជាក្តីសង្ឃឹមរបស់ជាតិ និងប្រជាពលរដ្ឋ ៕