ថ្នាក់ដឹកនាំចលនាប្រជាធិបតេយ្យសងង្គ្រោះជាតិចុះផ្សព្វផ្សាយគោលនយោបាយនិងបង្ហាញ ស្លាកសញ្ញាគណបក្សដល់ប្រជាពលរដ្ឋនៅតាមមូលដ្ឋានស្របពេលដែលការបោះឆ្នោតជាតិ កាន់តែខិតជិតចូលមកដល់

ថ្នាក់ដឹកនាំចលនាប្រជាធិសង្គ្រោះជាតិ មិនថាថ្នាក់ជាតិ ថ្នាក់ខេត្ត ថ្នាក់ស្រុក និងថ្នាក់ភូមិ ឃុំ ឡើយ ជារៀងរាល់ថ្ងៃបានធ្វើតំណើរចុះទៅជួបជាមួយប្រជាពលរដ្ឋ ដោយគ្មានពេលសំរាក នោះទេ ដើម្បីធ្វើការផ្សព្វផ្សាយគោលនយោបាយរបស់គណបក្ស សង្គ្រោះជាតិ ក៏ដូចជាការ បង្ហាញជូននូវស្លាកសញ្ញារបស់គណបក្សដល់ពលរដ្ឋឲ្យពួកគាត់បានស្គាល់ ដើម្បីបង្កលក្ខណៈ​ងាយស្រួលដល់ពួកគាត់នៅពេលថ្ងៃបោះឆ្នោតខាងមុខ ។

ជាមួយគ្នានេះផងដែរកាលពីថ្ងៃទី១៨ ថ្នាក់ដឹកនាំចលនាប្រជាធិបតេយ្យសង្គ្រោះជាតិខេត្តបាត់ ដំបងមួយក្រុមដឹកនាំដោយលោក នូ ពិសាខា សមាជិករដ្ឋសភា លោក ពិន រតនា លោក ឈុន សារាវន័ ព្រមជាមួយនិងក្រុមការងារខេត្តហើយនិងស្រុកមួយចំនួនទៀតបាន​ធ្វើតំណើរ​ចុះជួបពលរដ្ឋពេលព្រឹកនៅភូមិជីសាង ឃុំត្រែង ស្រុកព្រះរតនមណ្ឌល ពេលរសៀល​នៅភូមិ​ពេជ្រចង្វា ឃុំរស្មី ស្រុករតនមណ្ឌល និងមួយក្រុមទៀតដឹកនាំដោយលោក អ៊ូ ចាន់រតន៏ ពេល​ព្រឹក​នៅឃុំស្នឹង ស្រុកបាណន់ ពេលរសៀលនៅឃុំតាគ្រាម ស្រុកបាណន់ដដែល ។

រីឯនៅថ្ងៃទី១៩ ខែកុម្ភះ ឆ្នាំ២០១៣ ពេលព្រឹកមួយក្រុមដឹកនាំដោយលោក នូ ពិសាខា នៅភូមិ គ្រួសក្រហម ឃុំអូររំដួល ស្រុកភ្នំព្រឹក ពេលរសៀលនៅភូមិបួរ ឃុំបួរ ស្រុកភ្នំព្រឹកដដែល ហើយ​មួយក្រុមទៀតដឹកនាំដោយលោក ថាច់ ស៊ីថា សមាជិកព្រឹទ្ធសភា ពេលព្រឹកកម្មវិធីប្រា រព្វធ្វើឡើងនៅឃុំបវេល និងនៅពេលរសៀលនៅឃុំល្វា ហើយនិងឃុំអំពិលប្រាំដើម ស្ថិតនៅ ក្នុងស្រុកបវេល ខេត្តបាត់ដំបង ។

ដោយឡែកនៅឯខេត្តកំពង់ស្ពឺក្រោមការដឹកនាំលោក នុត រំដួល សមាជិកព្រឹទ្ធសភា និង​ជា​ប្រ​

ធានក្រុមការងារចលនាប្រជាធិបតេយ្យសង្គ្រោះជាតិ ខេត្តកំពង់ស្ពឺ ពេលព្រឹកកម្មវិធីបានប្រារព្វ ធ្វើឡើងនៅភូមិកាកាប ឃុំក្សេមក្សាន្ត ស្រុកឧត្តង ពេលរសៀលនៅភូមិចំពារ ឃុំមនោរម្យ ស្រុកថ្ពង ចំណែកឯមួយក្រុមទៀតដឹកនាំដោយលោក ប៉ែន សុវណ្ណ ពេលព្រឹកធ្វើនៅភូមិពាម ខ្វាវ ឃុំដំបូករូង ស្រុកភ្នំស្រួច និងនៅពេលរសៀលនៅភូមិទំពូង ឃុំតាហែង ស្រុកសំរោងទង។

គួរជំរាបជូនផងដែរថា គ្រប់កម្មវិធីដែលថ្នាក់ដឹកនាំចលនាប្រជាធិបតេយ្យសង្គ្រោះជាតិ ចុះទៅ ជួបជាមួយប្រជាពលរដ្ឋ គឺទទួលបានការគាំទ្រ និងស្វាគមន៏ ពីសំណាក់ប្រជាពលរដ្ឋយ៉ាង ច្រើនកុះករ ដែលទាំងនេះបង្ហាញឲ្យឃើញថាគណបក្ស សង្គ្រោះជាតិ សម្រាប់ការបោះឆ្នោត ជាតិអាណត្តិទី៥ ពិតជាទទួលបានជ័យជំនះលើការបោះឆ្នោតជាក់ជាមិនខានឡើយ ដើម្បីនាំ មកនូវការរស់នៅថ្មី និងការដឹកនាំប្រទេសថ្មី ពីសំណាក់អ្នកប្រជាធិបតេយ្យ ៕