លោក អៀង សារី
លោក អាង ឧត្តម សហមេធាវីការពារក្តី លោក អៀង សារី
ភ្នំពេញ: លោក អាង ឧត្តម សហមេធាវីការពារក្តី លោក អៀង សារី បានប្រាប់អ្នកកាសែតថា សាកសពលោក អៀង សារី នឹងត្រូវយកទៅបូជា នៅម៉ាឡៃ ខេត្តបន្ទាយមានជ័យ ដែលជាអតីតតំបន់តស៊ូចុងក្រោយរបស់ខ្មែរក្រហម។ មរណភាពរបស់លោក អៀង សារី មិនត្រូវបានប្រាប់ដល់លោកស្រី អៀង ធីរិទ្ធ ឡើយ។
លោកមេធាវី អាង ឧត្តម បានឲ្យដឹងថា កូន ៤ នាក់ និងចៅរបស់លោកអៀងសារី បានមកជួបជុំ នៅក្នុងបន្ទប់មន្ទីរពេទ្យ ខណៈដែលគ្រូពេទ្យកំពុងពិនិត្យសាកសព។ ប៉ុន្តែគេមិនបានផ្តល់ដំណឹងដល់លោកស្រី អៀង ធីរិទ្ធ ភរិយារបស់លោកអៀងសារី ឡើយ ដោយខ្លាចជំងឺផ្លូវចិត្តរបស់លោកស្រី រើសឡើង។
ចាប់តាំងពីព្រឹក រហូតដល់ពេលបាយថ្ងៃត្រង់នេះ ក្រុមគ្រួសារ និងមេធាវីលោកអៀងសារី រួមទាំងមន្ត្រីសាលាក្តីខ្មែរក្រហម ស្ថិតនៅមន្ទីរពេទ្យរុស្ស៊ី ដោយមានអ្នកកាសែតជាច្រើននៅទីនោះផងដែរ។ សន្តិសុខ ត្រូវបានរឹតបន្តឹង ខណៈដែលក្រុមគ្រូពេទ្យ និងមន្ត្រីតុលាការខ្មែរក្រហម ពិនិត្យសាកសពលោកអៀងសារី មុននឹងប្រគល់ឲ្យក្រុមគ្រួសារ យកទៅធ្វើបុណ្យតាមប្រពៃណី។
អតីតរដ្ឋមន្ត្រីការបរទេសខ្មែរក្រហម លោក អៀង សារី អាយុ ៨៧ ឆ្នាំ បានស្លាប់ កាលពីម៉ោង ៨ និង ៤៥ នាទី ព្រឹកថ្ងៃទី១៤ ខែមីនា ឆ្នាំ២០១៣ នៅមន្ទីរពេទ្យមិត្តភាពខ្មែរ-សូវៀត ក្នុងរាជធានីភ្នំពេញ បន្ទាប់ពីបញ្ជូនទៅសង្គ្រោះបន្ទាន់ កាលពីថ្ងៃទី៤មីនា។ សំណុំរឿងក្តីចោទប្រកាន់លើលោកអៀងសារី ត្រូវផុតរលត់ បន្ទាប់ពីលោក បានស្លាប់៕
អតីតរដ្ឋមន្ត្រីការបរទេសខ្មែរក្រហម លោក អៀង សារី អាយុ ៨៧ ឆ្នាំ បានស្លាប់ កាលពីម៉ោង ៨ និង ៤៥ នាទី ព្រឹកថ្ងៃទី១៤ ខែមីនា ឆ្នាំ២០១៣ នៅមន្ទីរពេទ្យមិត្តភាពខ្មែរ-សូវៀត ក្នុងរាជធានីភ្នំពេញ បន្ទាប់ពីបញ្ជូនទៅសង្គ្រោះបន្ទាន់ កាលពីថ្ងៃទី៤មីនា។ សំណុំរឿងក្តីចោទប្រកាន់លើលោកអៀងសារី ត្រូវផុតរលត់ បន្ទាប់ពីលោក បានស្លាប់៕
No comments:
Post a Comment
yes