លោកគង់គាំសមាជិកព្រឹទ្ធសភានិងលោកគីវណ្ណរ៉ាប្រធានក្រុមការងារគណបក្សសង្គ្រោះជាតិខេត្តកំពង់ឆ្នាំងចុះជួបពលរដ្ឋនៅស្រុករលាប្អៀរនិងស្រុកបរិបូរណ៌ចំណែកនៅខេត្តបាត់ដំបងលោកសោចាន់ដេតចុះជួបពលរដ្ឋនៅស្រុកឯភ្នំរីឯនៅខេត្តព្រះវិហារក្រុមការងារខេត្តនិងស្រុកចុះលើកស្លាកនៅតាមមូលដ្ឋាន

លោក គង់ គាំ ក្នុងពិធីជួបសំណេះសំណាលជាមួយប្រជាពលរដ្ឋនៅស្រុកស្វាយជ្រុំ

ខេត្តស្វាយរៀង កាលពីថ្ងៃទី២០ មេសា កន្លងមក

ប្រជាពលរដ្ឋខ្មែរ សម្រាប់ការបោះឆ្នោតអាណត្តិទី៥នេះ ពួកគាត់បានផ្ញើរក្តីសង្ឃឹម និង​វាស​នា​អនាគត់ជាតិ មកលើតែគណបក្ស សង្គ្រោះជាតិ មួយប៉ុណ្ណោះ ។

ការផ្ញើរក្តីសង្ឃឹម និងវាសនាអនាគតជាតិ របស់ពលរដ្ឋមកលើគណបក្ស​ សង្គ្រោះជាតិ ក៏​ដោយ​សារតែពួកគាត់បានមើលឃើញពីគោលនយោបាយល្អៗរបស់គណបក្ស សង្គ្រោះជាតិ ដែលសុតតែផ្តល់ផលប្រយោជន៏ដល់ជាតិ និងពលរដ្ឋទាំងអស់ ។ ម្យ៉ាងវិញទៀត គណបក្ស សង្គ្រោះជាតិ មេដឹកនាំក៏គ្មានប្រវត្តិជំពាក់គុណបរទេសដូចជាអ្នកកាន់អំណាចសព្វថ្ងៃនេះ​ផង​ដែរ ។

ដូច្នេះប្រទេសកម្ពុជា ដឹកនាំដោយគណបក្ស​ សង្គ្រោះជាតិ ពិតជាមានការរីកចំ​រើនពលរដ្ឋ​រស់​នៅក្នុងកំរិតជីវភាពមួយដ៏សមរម្យជាក់ជាមិនខាន ។ យ៉ាងណាម៉ិញដូចជានៅ​ពេលនេះ គណ​បក្ស សង្គ្រោះជាតិ បានដាក់ចេញនូវគោលនយោបាយអទិភាពចំនួន៧ចំណុចសំខាន់ៗ ដែល​និង​ត្រូវអនុវត្តន៏នៅពេលដែលគណបក្ស សង្គ្រោះជាតិ ជាប់ឆ្នោត ។

គួរជំរាបជូនថា ​គោលនយោបាយអទិភាពទាំង៧ចំណុចរបស់គណបក្ស សង្គ្រោះជាតិ រួម​មាន​៖ ការផ្តល់ប្រាក់ឧបត្ថមជូនចាស់ៗដែលមានអាយុចាប់ពី៦៥ឆ្នាំឡើងទៅ ផ្តល់ដល់ពួកគាត់​ក្នុង​ម្នាក់ចំនួន៤ម៉ឺនរៀលជារៀងរាល់ខែ​ ធ្វើការតំឡើងប្រាក់ខែដល់កម្មករ-កម្មការិនី ឲ្យបានយ៉ាង​តិចចំនូន៦០ម៉ឺនរៀលដែលជាប្រាក់ខែគោល ធ្វើការតំឡើងប្រាក់ខែដល់មន្រ្តីរាជការឲ្យបាន​យ៉ាងតិចចំនួន១លានរៀល ធានារកទីផ្សារជូនប្រជាកសិករ នៅពេលដែលធ្វើការបង្ករបង្កើន​ផលបាន ដែលក្នុងនោះតម្លៃស្រូវត្រូវបានធានាក្នុង១គីឡូក្រាម មិនក្រោម១ពាន់រៀល ព្យា បាល​ជំងឺជូនប្រជាពលរដ្ឋនៅគ្រប់មន្ទីរពេទ្យរបស់រដ្ឋទាំងអស់ដោយឥតបង់ប្រាក់ ផ្តល់ឱកាស ដល់យុវជនដែលជាកូនប្រជាពលរដ្ឋក្រីក្រ ឲ្យពួកគាត់អាចមានលទ្ធភាពក្នុងការសិក្សារៀន​សូត្របានខ្ពង់ខ្ពស់ដូចជាកូនអ្នកមានផងដែរ ព្រមទាំងរកការងារឲ្យប្រជាពលរដ្ឋខ្មែរបានធ្វើ​គ្រប់ៗគ្នា ពិសេសគឺយុវជន និងធ្វើការបញ្ចុះតម្លៃប្រេងសាំង ជីកសិកម្ម អគ្គីសនី ព្រមទាំងធ្វើ ការបញ្ចុះអត្រាការប្រាក់ជាដើម ។

ដូចគ្នានេះ នៅថ្ងៃទី៣០ ខែមេសា ឆ្នាំ២០១៣ លោក គង់ គាំ សមាជិកព្រឹទ្ធសភា និងលោក គី វណ្ណរ៉ា ប្រធានក្រុមការងារគណបក្ស សង្គ្រោះជាតិ ខេត្តកំពង់ឆ្នាំង អមតំណើរដោយក្រុមការ ងារខេត្តនិងស្រុក បានធ្វើតំណើរចុះជួបសំណេះសំណាលជាមួយប្រជាពលរដ្ឋ ដើម្បីធ្វើការ ផ្សព្វផ្សាយគោលនយោបាយរបស់គណបក្ស សង្គ្រោះជាតិ ដែលពេលព្រឹកកម្មវិធីបានប្រារព្វ ធ្វើនៅភូមិថ្មី ឃុំក្រាំងលាវ ស្រុករលាប្អៀរ និងពេលរសៀល លោក គង់ គាំ និងលោក គី វណ្ណរ៉ា រួមជាមួយសហការី បានបន្តតំណើរចុះជួបពលរដ្ឋនៅភូមិជើងខ្នា ឃុំពន្លៃ ស្រុកបរិបូរណ៌ ដែល នៅក្នុងកម្មវិធីទាំងពីរខាងលើ មានវត្តមានរបស់ប្រជាពលរដ្ឋចូលរួមជាង១ពាន់នាក់ ក្នុងមួយ កន្លែងៗ ។

ចំណែកនៅខេត្តបាត់ដំបងឯនោះវិញ លោក សោ ចាន់ដេត ក្រុមការងារគណបក្ស​​ សង្គ្រោះ​ជាតិខេត្ត និងសហការី នៅថ្ងៃទី៣០ ខែមេសា ឆ្នាំ២០១៣ បានចុះជួបសំណេះសំណាលជា​មួយ​ប្រជាពលរដ្ឋនៅភូមិបាក់ព្រា ឃុំព្រៃចាស់ ស្រុកឯកភ្នំ ។

រីឯនៅខេត្តព្រះវិហារ បើគិតមកដល់ពេលនេះ ធ្វើការលើកស្លាកថ្មីរបស់គណបក្ស សង្គ្រោះ​ជាតិ បានចំនួន៦៣ស្លាកហើយ ដែលក្នុងនោះកាលពីថ្ងៃទី២៨ ខែមេសា ឆ្នាំ២០១៣ ក្រុមការ​ងារខេត្ត និងស្រុក បានចុះលើកស្លាកថ្មីចំនួន៦ស្លាកស្ថិតនៅក្នុងឃុំ៥ ដែលមាន​ដូចជា ឃុំស្រ​អែម ឃុំកន្ទួត ឃុំជាំក្សាន្ត ឃុំរំដោះស្រែ និងឃុំទឹកក្រហម ហើយនៅថ្ងៃទី​៣០ ក្រុមការ​ងារខេត្ត និង​​ស្រុក បានចុះលើកស្លាកចំនួន២ទៀតនៅឃុំកំពង់ស្រឡៅ១ និងឃុំកំពង់​ស្រឡៅ២ រួចបន្ត​ចុះលើកស្លាកនៅតាមមូលដ្ឋានជាបន្តបន្ទាប់ទៀត ទៅតាមផែនការណ៏ដែល បានដាក់ចេញ ៕