លោកយ៉ែមបុញ្ញឬទ្ធិនិងលោកគង់បូរ៉ារៀបចំកម្មវិធីជួបពលរដ្ឋនៅស្រុកព្រះស្តេច

នៅព្រឹក ថ្ងៃទី២៩ ខែមេសា ឆ្នាំ២០១៣ គណបក្ស សង្គ្រោះជាតិ ខេត្តព្រៃវែង​បានរៀបចំ​វេទិ​កា​សំណេះសំណាលរវាងអ្នកតំណាងរាស្រ្ត និង ម្ចាស់ឆ្នោត ស្ថិតនៅភូមិអំពិល ឃុំព្រែកដាច់ ស្រុកព្រះស្តេច ក្រោមអធិបតីភាពលោក យ៉ែម បុញ្ញឫទ្ធិ និងលោក គង់ បូរ៉ា ជាអ្នកតំ​ណាង​រាស្រ្ត ដោយមានប្រជាពលរដ្ឋចូលរួមប្រមាណជា៥០០នាក់ ។

សូមជំរាបជូនថា វេទិកាសំណេះសំណាលរវាងអ្នកតំណាងរាស្រ្ត និង ម្ចាស់ឆ្នោតគឺបានផ្តោត​សំខាន់​អំពីផែនការរបស់យួន ដើម្បីលេបយកទឹកដីខ្មែរ ដោយរួមមានទាំងផែនការ​ទម្លាក់​ព្រះ​មហាវីរក្សត្រនៅថ្ងៃទី១៨ មិនា ១៩៧០ ផែនការថ្ងៃទី១៧ មេសា ឆ្នាំ១៩៧៥ ផ្សឹកព្រះសង្ឃ​ទូ​ទាំងប្រទេស វាយវត្តអារាមរាបដល់ដី និងផែនការថ្ងៃទី៧ មករា ១៩៧៩ ដែលជាផែន​ការ​បំ​ផ្លាញជាតិបង្ហើយ ដោយកងទ័ពយួនចូលឈ្លានពានប្រទេសកម្ពុជា ក្រោមស្លាករំដោះប្រ​ជា​ពលរដ្ឋពីនឹមត្រួតត្រារបស់ខ្មែរក្រហម ។ ដែលទាំងនេះ គឺជាផែនការយុទ្ធសាស្រ្តរបស់​យួន ក្នុងការលេបយកទឹកដី និងរំលាយពូជសាសន៍ខ្មែរយើង ៕