លោកកឹមសុខានិងលោកគង់គាំចុះជួបពលរដ្ឋនៅស្រុករមាសហែក

កាលពីព្រឹកថ្ងៃទី២ ខែឧសភា ឆ្នាំ២០១៣ គណបក្សសង្រ្គោះជាតិ ខេត្តស្វាយរៀង​បានរៀប​ចំ​វេទិកាសាធារណៈនៅភូមិសំរោង ឃុំព្រះស្រែ ស្រុករមាសហែក ដែលវេទិកានេះត្រូវបាន​អញ្ចើញចូលរួមដោយលោក កឹម សុខា ប្រធានស្តីទីគណបក្សសង្រ្គោះជាតិ លោក គង់ គាំ ប្រធានគណបក្ស សម រង្ស៊ី លោក រៀល ខេមរិន្ទ្រ ប្រធានក្រុមការងារគណបក្ស​សង្គ្រោះជាតិ​ខេត្តស្វាយរៀង ។

វេទិកានេះត្រូវបានគេសង្កេតឃើញ មានប្រជាពលរដ្ឋនៅតាមភូមិជាច្រើនរយនាក់អញ្ជើញ ចូលរួមប្រកបដោយទឹកចិត្តស្វាគមន៍ និងគាំទ្រយ៉ាងផុលផុស បន្ទាប់ពីលោក កឹម សុខា ពន្យល់រៀបរាប់នូវគោលនយោបាយចម្បងទាំង៧ចំណុចរបស់គណបក្សសង្រ្គោះជាតិ ៕