លោក រៀល ខេមរិន្ទ្រ ប្រធានក្រុមការងារគណបក្សសង្គ្រោះជាតិខេត្តស្វាយរៀង ចុះពិនិត្យមើលផ្ទះ របស់លោក សុខ វន សកម្មជនគណបក្សសង្គ្រោះជាតិ ដែលត្រូវជនមិនស្គាល់មុខលួចកាប់កាល ពី វេលាទាបភ្លឺថ្ងៃទី១៨ ខែឧសភា ឆ្នាំ២០១៣ស្ថិតនៅភូមិបិទទឹង ឃុំសម្បត្តិមានជ័យ ស្រុករមាសហែក
ស្លាកគណបក្សសមរង្ស៊ី ដែលគ្រោងជូសជុលជាស្លាកគណបក្សសង្គ្រោះជាតិដែលបានលើកលើដីរបស់លោក សុខ វន សកម្មជនគណបក្សសង្គ្រោះជាតិ នៅភូមិបិទទឹង ឃុំសម្បត្តិមានជ័យ ស្រុករមាសហែក ត្រូវបានសកម្មជនរបស់គណបក្សប្រជាជនកាប់បំផ្លាញ ដែលជនដៃដល់ប្តីឈ្មោះ កាយ ឡាន់ និហប្រព័ន្ធឈ្មោះប្រាក់គន្ធា
ស្លាកគណបក្ស សម រង្ស៊ី ដែលគ្រោងនិងជួសជុលជាស្លាកគណបក្ស
សង្គ្រោះជាតិ ត្រូវបានសកម្មជនរបស់គណបក្សប្រជាជនឈ្មោះ កាយ ឡាន់ និងប្រពន្ធឈ្មោះ
ប្រាក់ គន្ធា នៅភូមិបិទទឹង ឃុំសម្បត្តិមានជ័យ ស្រុករមាសហែក ខេត្តស្វាយរៀង កាប់បំផ្លាញ
។
លោក សុខ វ៉ន ដែលជាក្រុមការងារគណបក្ស សង្គ្រោះជាតិ
ឃុំសម្បត្តិមានជ័យ ស្រុករមាសហែកបានឲ្យដឹងថា
មុននិងឈានដល់ការកាប់បំផ្លាញស្លាកគណបក្ស សម រង្ស៊ី ដែលគ្រោង
និងជួសជុលទៅជាស្លាកគណបក្ស សង្គ្រោះជាតិ កាលពីថ្ងៃទី២៦ ខែមេសា ឆ្នាំ២០១៣ ជន់ដៃដល់ឈ្មោះ កាយ ឡាន់ និងប្រព័ន្ធឈ្មោះ ប្រាក់ គន្ធា
បានប្តឹងរូបលោកទៅមេឃុំសម្បត្តិមានជ័យ ពីបទរូបលោក សុខ វន
អូសទាញពួកគេឲ្យមកចូលរួមជាមួយនិងគណបក្ស សម រង្ស៊ី ក្នុងអំឡុងយុទ្ធនាការឃោសនាបោះឆ្នោតឃុំ-សង្កាត់ ឆ្នាំ២០១២ ហើយថាបានលើកស្លាកគណបក្ស សម
រង្ស៊ី នៅលើដីរបស់ពួកគេ ។
បន្ទាប់មកនៅព្រឹកថ្ងៃទី៣០ ខែមេសា ឆ្នាំ២០១៣
មេឃុំបានកោះហៅរូបលោកទៅសាលាឃុំ ដើម្បីដោះស្រាយបញ្ហានេះ ។ លោក សុខ វន
បន្តថាស្របពេលដែលការដោះស្រាយករណីនេះមិនទាន់ចប់សព្វគ្រប់ ឬចេញលទ្ធផលបែបណាផងនោះ
នៅវេលាម៉ោង៥ល្ងាច ថ្ងៃដដែល ជនដៃដល់ពីរនាក់ប្តីប្រពន្ធនេះ
បានធ្វើការកាប់បំផ្លាញស្លាកគណបក្ស សម រង្ស៊ី
ដែលគ្រោងនិងធ្វើការជួសជុលជាស្លាកគណបក្ស សង្គ្រោះជាតិ ។
លោក សុខ វន បន្តថា
ស្របពេលដែលជនដៃដល់ដែលជាសកម្មជនរបស់គណបក្សប្រជាជន បំផ្លាញស្លាកគណបក្ស សម រង្ស៊ី
បែបនេះ ប៉ូលីសប៉ុស្តិ៍ឃុំសម្បត្តិមានជ័យក៏មានវត្តមាននៅទី នោះដែរ
តែប៉ូលីសរូបនោះមិនបានធ្វើការហាមឃាត់ជនដៃដល់ពីរនាក់ប្តីប្រពន្ធនោះឲ្យបញ្ឈប់សកម្មភាពក្នុងការកាប់បំផ្លាញស្លាកគណបក្ស សម រង្ស៊ី ដែលគ្រោងជុសជុលជាស្លាកគណ បក្ស
សង្គ្រោះជាតិ ឡើយ ។
លោក សុខ វន បន្តថារឿងដែលសកម្មជនរបស់គណបក្សប្រជាជនដែលប្តីឈ្មោះកាយ ឡាន់ ប្រពន្ធឈ្មោះ ប្រាក់ គន្ធា
ចោទប្រកាន់រូបលោកថាបានអូសទាញរូបគេទាំងពីរនាក់ប្តីប្រពន្ធ
ឲ្យមកចូលរួមជាមូយនិងគណបក្ស សម រង្ស៊ី នោះគឺជារឿងមិនពិតឡើយ ។ លោកថា ដើមទង ដំបូង
ប្តីប្រពន្ធទាំងពីរនាក់នេះគឺជាសកម្មជនរបស់គណបក្សប្រជាជន តែក្នុងអំឡុងយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់ លោកបានធ្វើការចាក់Spotឃោសនា របស់គណបក្ស សម រង្ស៊ី នៅក្នុងឃុំសម្បត្តិមានជ័យ
ពីភាពអយុត្តិនានាដែលគណបក្សប្រជាជនបានធ្វើមកលើប្រជាពលរដ្ឋខ្មែរ
និងការបំផ្លាញសម្បត្តិធនធានធម្មជាតិនានាជាដើម បន្ទាប់ ពីពួកគាត់បានទស្សនាសSpot
ឃោសនារបស់គណបក្ស សម រង្ស៊ី ជាច្រើនរួចហើយ ពួកគាត់មានការឈឺចាប់
ហើយក៏បានជំរាបរូបលោកថា ពួកគាត់ទាំងពីរនាក់សុំចូលរួមជាមួយគណ បក្ស សម រង្ស៊ី
លែងគាំទ្រគណបក្សប្រជាជនទៀតហើយ ។
លោក សុខ វន បន្តថា បន្ទាប់ពីនោះមក នៅថ្ងៃទី១៥ ខែមីនា
ឆ្នាំ២០១២ រូបលោកបានលើក ស្លាកគណបក្ស សម រង្ស៊ី នៅចំណុចខាងលើដែលជាប់និងដីរបស់ជនដៃដល់ពីនាក់ប្តីប្រពន្ធ
ខាងលើ ហើយបន្ទាប់មករូបលោកបានធ្វើការដោះដូរដីនោះជាមូយនិងជនដៃដល់នេះ ជាមួយ
និងដីរបស់លោកមួយកន្លែងផ្សេងទៀត ហើយចាប់តាំងពីពេលនោះមក មិនដែលមានបញ្ហាអ្វីឡើយ ទើបតែកាលពីថ្ងៃទី៣០ ខែមេសា ឆ្នាំ២០១៣ រូបលោកបានទទួលលិខិតអញ្ជើញ ពីសំណាក់លោកមេឃុំ
ដោយឈ្មោះកាយ ឡាន់ និងប្រពន្ធឈ្មោះ ប្រាក់ គន្ធា ចោទរូបលោកពីបទអូសទាញរូបគេឲ្យចូលជាមួយនិងគណបក្សសម រង្ស៊ី និងលើកស្លាក គណបក្ស
នៅលើដីរបស់គេថែមទៀត ។
លោក សុខ វន បានសម្តែងដោយមានការងឿងឆ្ងល់ថា
ការដែលប្តីប្រពន្ធទាំងពីរនាក់រូបនេះមកចូលរួមជាមូយគណបក្ស សម រង្ស៊ី
ក៏គាត់មិនបានអូសទាញ ដោយគាត់សុខចិត្តមកចូលរួមជាមួយ ហើយទាំងពីរនាក់ប្តីប្រពន្ធនេះ
ចេញពីគណបក្ស សម រង្ស៊ី ទៅចូលរួមជាមួយនិង គណបក្សប្រជាជនវិញ
ចាប់តាំងពីរពេលណាមកក៏លោកក៏មិនដឹង បែរជាមកចោទប្រកាន់រូបលោកដូច្នេះ
ហើយថែមទាំងកាប់បំផ្លាញស្លាកគណបក្ស សម រង្ស៊ី ដែលគ្រោងជួសជុលទៅជាស្លាកគណបក្ស
សង្គ្រោះជាតិទៀត ។
ចំពោះករណីនេះ លោក សុខ វន បានឲ្យដឹងថា
លោកនិងធ្វើការពិភាក្សាជាមួយថ្នាក់លើ ដើម្បីធ្វើការប្តឹងតបតទៅកាន់ពីរនាក់ប្តីប្រពន្ធដែលជាជនដៃដល់
ព្រមទាំងធ្វើការចោទប្រកាន់លោកដោយគ្មានហេតុផលត្រឹមត្រូវ ។
នេះហើយជាទង្វើមិនល្អរបស់គណបក្សប្រជាជន ដែលខ្លាចពីប្រជាប្រិយភាពរបស់គណបក្ស
សង្គ្រោះជាតិ នៅក្នុងខេត្តស្វាយរៀងដែលបាន
និងកំពុងតែទទួលបានការគាំទ្រយ៉ាងខ្លាំងពីសំណាក់ប្រជាពលរដ្ឋនោះ ។ នេះក៏ជាករណីទី២ហើយ
ដែលសមាជិករបស់គណបក្សប្រជាជន បំផ្លាញស្លាកគណបក្សសង្គ្រោះជាតិ ក្នុងអំឡុងរយៈពេលតែ៣ថ្ងៃប៉ុណ្ណោះ
៕
ស្លាកគណបក្សសង្គ្រោះជាតិ លើកលើដីរបស់លោក សុខ វន ជំនួសស្លាកគណបក្សសមរង្ស៊ី ដែលត្រូវជនដៃដល់ជាសកម្មជនគណបក្សប្រជាជនកាប់បំផ្លាញ ។ តែពេលនេះស្លាក គណបក្ស សង្គ្រោះជាតិខាងលើ កាលពីយប់ថ្ងៃទី២២ ខែឧសភា ឆ្នាំ២០១៣ ក៏ត្រូវបានជនមិនស្គាល់មុខ កាប់ដាច់ផ្នែកខាងក្រោមរយ៉ររយ៉ៃជាថ្មីម្តងទៀត
No comments:
Post a Comment
yes