ព័ត៌មានក្តៅ«គណបក្សប្រជាជនរំខានកម្មវិធីជួបសំណេះសំណាលជាមួយប្រជាពលរដ្ឋរបស់ថ្នាក់ដឹកនាំគណបក្សសង្គ្រោះជាតិទៀតហើយ!!!»

លោក រៀល ខេមរិន្ទ្រ ប្រធានក្រុមការងារគណបក្ស សង្គ្រោះជាតិ ខេត្តស្វាយរៀង អន្តរាគមន៏ដើម្បី បញ្ឈប់ការចាស់ធុងចាស់រំខានដល់កម្មវិធីថ្នាក់ដឹកនាំគណបក្ស សង្គ្រោះជាតិ ជូបសំណេះសំណាល ជាមួយប្រជាពលរដ្ឋ

ទិដ្ឋភាពពលរដ្ឋចូលរួមក្នុងកម្មវិធីរបស់ថា្នក់ដឹកនាំគណបក្ស សង្គ្រោះជាតិ

គណបក្សប្រជាជនខ្លាចគណបក្ស សង្គ្រោះជាតិ ខ្លាចអីក៏ខ្លាចយ៉ាងនេះ!!!! មិនដឹង​ថាទង្វើ​ដែល​ខ្លួន​បាននិងកំពុងតែធ្វើរបៀបនេះ ធ្វើឲ្យគណបក្សខ្លួនឯង​ហ្នឹងចាញ់​ផ្កាប់​មុខទេឬអី ព្រោះនេះខ្លួនបាន និងកំពុងតែបង្ហាញទង្វើអាក្រក់របស់ខ្លួន​ឲ្យពល​រដ្ឋឃើញយ៉ាងច្បាស់ដោយមិនចាំបាច់មានអ្នកណា បង្ខំ ។ គណបក្សប្រជាជន​សម្រាប់​ណាអាណត្តិនេះ ច្បាស់ណាស់និងចាញ់គណបក្ស សង្គ្រោះជាតិ យ៉ាងភ្លូកទឹក ភ្លូកដីជាក់ជាមិនខានឡើយ ។

នៅរសៀលថ្ងៃទី០២ ខែមេសា ឆ្នាំ២០១៣នេះ គណបក្ស សង្គ្រោះជាតិ ខេត្តស្វាយរៀង បាន​​រៀង​ចំកម្មវិធីជួបសំណេះសំណាលជាមួយប្រជាពលរដ្ឋនៅភូមិក្រាំលាវ ឃុំស្វាយជ្រុំ ស្រុក ស្វាយជ្រុំ ក្រោមអធិបតីភាពលោក កឹម សុខា អនុប្រធានគណបក្ស សង្គ្រោះជាតិ និងលោក គង់ គាំ សមាជិកព្រឹទ្ធសភា ។

ជាមួយគ្នានោះ គណបក្សប្រជាជន នៅបន្ទាប់ពីបានដឹងថា ថ្នាក់ដឹកនាំគណបក្ស​ សង្គ្រោះជាតិ ចុះជួបសំណេះសំណាលជាមួយប្រជាពលរដ្ឋនៅទីនោះ ពួកគេបាននាំគ្នាយកធុងបាស់មក ចាក់​រាំលេង ដោយបំពងសំឡេងខ្លាំងៗ ក្នុងចេតនារំខានដល់កម្មវិធីរបស់ថ្នាក់ដឹកនាំគណបក្ស សង្គ្រោះជាតិ ជួបសំណេះសំណាលជាមួយប្រជាពលរដ្ឋនៅទីនោះ ។

អ្វីទាំងអស់នេះគឺជាចេតនាអាក្រក់បំផុតរបស់គណបក្សប្រជាជន ដោយពួកគេបានដឹងថា សព្វ ថ្ងៃគណបក្ស សង្គ្រោះជាតិ បាននិងកំពុងតែទទួលបានការគាំទ្រយ៉ាងខ្លាំងពីសំណាក់ប្រជា​ពល​រដ្ឋខេត្តស្វាយរៀង ពិសេសគឺនៅស្រុកស្វាយជ្រុំតែម្តង ។

សូមជំរាបថា នេះមិនមែនជាលើកទី១ឡើយ ដែលគណបក្សប្រជាជន បានធ្វើសកម្មភាពរំខាន មកដល់កម្មវិធីជួបសំណេះសំណាលជាមួយប្រជាពលរដ្ឋរបស់ថ្នាក់ដឹកនាំគណបក្ស សង្គ្រោះ ជាតិបែបនេះ ដែលក្នុងនោះករណីទី១គឺពួកគេបានបង្ករឡើងនៅភូមិស្វាយជ្រុំ ឃុំស្វាយជ្រុំ ស្រុកស្វាយជ្រុំ ករណីទី២នៅភូមិកណ្តោត ឃុំអង្គតាសូ ស្រុកស្វាយជ្រុំ និងករណីទី៣​នេះ​នៅ​ភូមិក្រាំលាវ ឃុំស្វាយជ្រុំ ស្រុកស្វាយជ្រុំដដែល ៕