ភ្នាក់ងារសង្កេតការណ៍គណបក្ស សម រង្ស៊ី ចំនួនពីររូបក្នុងឃុំសារិកាកែវ ស្រុកល្វាឯម ខេត្តកណ្ដាល នៅថ្ងៃទី២៨ កក្កដា ត្រូវបានចាប់ខ្លួនក្រោមការចោទប្រកាន់ថា បានក្លែងឯកសាររបស់គណៈកម្មការខេត្តរៀបចំការបោះឆ្នោត ហៅកាត់ថា គ.ខ.ប។
ភ្នាក់ងារសង្កេតការណ៍គណបក្ស សម រង្ស៊ី ទាំងពីររូបនោះមានឈ្មោះ អុន ឡាក់ ភេទប្រុស អាយុ ៥៥ឆ្នាំ និងឈ្មោះ សែត ចិន ភេទប្រុស អាយុ ៧០ឆ្នាំ។
ក៏ប៉ុន្តែ ជំទប់ទី១ ឃុំសារិកា លោក ឌួង សាវ៉ន មានប្រសាសន៍ថា តាមការស្រាវជ្រាវ ឯកសារនោះត្រូវបានចេញដោយ គ.ខ.ប ហើយ គ.ខ.ប បានទទួលស្គាល់ថា ឯកសារនោះត្រូវបានចេញជូនភ្នាក់ងារសង្កេតការណ៍ទាំងពីរនាក់នោះ។
ទាក់ទងនឹងបញ្ហានេះ ប្រធានគណៈកម្មការខេត្តរៀបចំការបោះឆ្នោត ខេត្តកណ្ដាល លោក គីម ហុង មានប្រសាសន៍ថា លោកបានបញ្ជូនក្រុមការងារទៅដោះស្រាយករណីនេះរួចរាល់ហើយ។
ភ្នាក់ងារសង្កេតការណ៍គណបក្ស សម រង្ស៊ី ទាំងពីរនាក់ ត្រូវបានដោះលែងវិញហើយនៅរសៀលថ្ងៃទី២៨ កក្កដា នេះ បើតាមសម្ដីរបស់លោក ឌួង សាវ៉ន ជំទប់ទី១ ឃុំសារិកា៕
No comments:
Post a Comment
yes