មិនត្រូវលេបថ្នាំជាមួយទឹកផ្លែឈើ រឺ ទឹកក្រូចទេ (រូបភាព ៖ បរទេស)
នៅពេលអ្នកមិនស្រួលខ្លួន ឈឺថ្កាត់ដោយជំងឺអ្វីមួយ ការទទួលទានថ្នាំជាមួយទឹកសុទ្ធ (ទឹកធម្មជាតិ) ជាការប្រសើរបំផុត ដើម្បីឆាប់ជាសះស្បើយ ។
ប៉ុន្តែប្រសិនបើអ្នកមានជម្ងឺ ហើយលេបថ្នាំជាមួយទឹកផ្លែឈើនោះ នឹងអាចបង្កផលប៉ះពាល់ដល់ខ្លួនអ្នកយ៉ាងធ្ងន់ធ្ងរ ។ ក្រុមអ្នកស្រាវជ្រាវពីមហាវិទ្យាល័យរដ្ឋកាលីហ័្វរយ៉ា នោសាន់ហ្រ្វាន់ស៊ីស្កូល (Sanfrancisco ) បានលាតត្រដាងលទ្ធផលស្រាវជ្រាវមួយឲ្យបានដឹងថា ទឹកផ្លែឈើធ្វើអោយប៉ះពាល់ដល់ប្រព័ន្ធធ្វើការរបស់រាងកាយដែល ជាហេតុធ្វើឲ្យប្រសិទ្ធភាពរបស់ថ្នាំ ក្នុងការព្យាបាលរលាយអស់ ព្រោះមុនពេលដែលថ្នាំទាំងនោះជ្រាវចូលទៅក្នុងចរន្តឈាម ទឹកផ្លែឈើនឹងទប់ស្កាត់ការរជ្រូតជ្រាបរបស់ថ្នាំ ដែលប្រើនៅក្នុងការព្យាបាលជម្ងឺមហារីក លើសឈាម គាំងបេះដូង និងជំងឺប្រតិកម្មនឹងសារធាតុអាកាសផ្សេងៗ ក្នុងនោះមានរូមទាំងថ្នាំដែលប្រើជាមួយអ្នកជម្ងឺ ដែលធ្វើការបណ្តុះអវៈយវៈថ្មីផងដែរ ។
លទ្ធផលសិក្សាស្រាវជា្រវ ដែលបានលាតត្រដាងមុននេះបន្តិចបានបញ្ជាក់ឲ្យដឹងពីគ្រោះថ្នាក់នៃទឹកផ្លែឈើ ក្នុងលក្ខណៈធ្វើឲ្យមានផលប៉ះពាល់ដល់ប្រសិទ្ធភាពថ្នាំដូចគ្នា ព្រោះវាមានអានុភាពក្នុងការបំផ្លាញ់អង់ហ្ស៊ីនក្នុងរាងកាយ ដែលបំពេញមុខនាទីទប់ស្កាត់ មិនឲ្យជាតិថ្នាំជ្រាបចូលទៅក្នុងចរន្តឈាមច្រើនពេក ។ នៅពេលដែល អង់ស៊ីនរបៀបនេះ ចុះផុតធ្វើឲ្យប្រភេទខ្លះ រួមទាំងថ្នាំដែលប្រើក្នុងការព្យាបាលជម្ងឺលើសឈាម និងអង់ស៊ីន(Antihisfamines) កាន់តែមានអានុភាណពក្នុងការព្យាបាលខ្លាំងហួសកម្រិត នឹងធ្វើឲ្យប៉ះពាល់ដល់ការព្យាបាល និងរាងកាយអ្នកជម្ងឹ ។ យល់ល្អអ្នកគួរចៀសវាងទទួលទានថ្នាំជាមួយទឹកផ្លែឈើគ្រប់ប្រភេទ ហើយជ្រើសរើសទទួលទានថ្នាំជាមួយ នឹងទឹកធម្មតាជាការប្រសើរបំផុត ។
No comments:
Post a Comment
yes