សូមស្វាគមន៏ការចូលមកកាន់គេហទំព័ររបស់យើងខ្ញុំ​!!!​Welcome to ckn-media.blogspot.com Website !!!​គេហទំព័រ ckn-media.blogspot.com ផ្តល់ព័ត៌មានពិតឥតលំអៀង រហ័សទាន់ចិត្ត ដែលលោកអ្នកជឿទុកចិត្ត / លោកអ្នកអាចទាក់ទងមកកាន់គេហទំព័ររបស់យើងខ្ញុំបានតាមរយៈ Email: cknkhmer@gmail.com សូមអរគុណ !!!

Wednesday, July 17, 2013

អាសនៈ​សភា​មិន​ផ្លាស់​ប្តូរ​ទេទោះ​ជា​ប្រជាជន​កើន​ក្តី

130717_06
អ្នកតំណាងរាស្រ្ត​ ប៉ែន បញ្ញា ក្នុង​វេទិកា​មួយ​របស់ក្លឹបអ្នកកាសែត​
បើ​ទោះ​ជា​ចំនួន​ប្រជាជន​នៅ​ក្នុង​រាជធានី​ភ្នំពេញ មាន​ការ​កើន​ឡើង​ក៏​ដោយ ក៏​ការ​បែង​ចែក​ចំនួន​អាសនៈ​ក្នុង​រដ្ឋសភា​សម្រាប់​អាណត្តិ​នេះ​ពុំ​មាន​ការ​ផ្លាស់​ប្តូរ​ដែរ គិត​ពី​ឆ្នាំ​១៩៩៨ មក។
នៅ​រាជធានី​ភ្នំពេញ ជា​មណ្ឌល​ដែល​គណបក្ស​ប្រឆាំង​ទទួល​បាន​៥​អាសនៈ​ក្នុង​ចំណោម​១២​អាសនៈ។ ប៉ុន្តែ​បច្ចុប្បន្ន​ចំនួន​ប្រជាជន​បាន​កើន​ឡើង​ពី​ចំនួន​ក្រោម ​១ ​លាន​នាក់​កាល​ពី​កន្លះ​ទសវត្សរ៍​មុន​ដល់ ​១ លាន ​៧ ​សែន​នាក់។ នេះ​បើ​តាម​ជំរឿន​ឆ្នាំ ​១៩៩៨ ​និង​ឆ្នាំ ​២០១៣ ​របស់​វិទ្យាស្ថាន​ស្ថិតិ​ជាតិ​។
ខេត្ត​កណ្តាល​ដែល​គណបក្ស​ប្រឆាំង​ទទួល​បាន​៤ ក្នុង​ចំណោម ​១១ ​អាសនៈ​ប្រជាជន​បាន​កើន​ឡើង​ចំនួន​មួយ​ភាគ​បី​រហូត​ដល់​ ១ លាន ​៤ ​សែន​នាក់​ហើយ​ក្នុង​ខេត្ត​បាត់ដំបង​ដែល​គណបក្ស​ប្រឆាំង​ទទួល​បាន​មួយ​ភាគ​បួន​នៃ​អាសនៈ​ចំនួន ​៨ ​ចំនួន​ប្រជាជន​បាន​កើន​ឡើង​ជិត​ពាក់​កណ្តាល​រហូត​ដល់​ ១១៧ ​ម៉ឺន​នាក់។

កាល​ពី​មួយ​ទសវត្សរ៍​មុន​ច្បាប់​បោះឆ្នោត​ថ្មី​ត្រូវ​អនុម័ត​ដែល​រួម​បញ្ចូល​រូបមន្ត​ដើម្បី​គណនា​ទាំង​ចំនួន​អាសនៈ​ក្នុង​សភា​និង​ការ​បែង​ចែក​អាសនៈ​តាម​ខេត្ត​។ តែ​ចាប់​តាំង​ពី​នោះ​មក​មិន​មាន​ការ​កំណត់​ការ​បែង​ចែក​អាសនៈ​ជា​ថ្មី​ទេ។
លោក​ស្រី Laura Thornton នាយក​ប្រចាំ​ប្រទេស​របស់​វិទ្យាស្ថាន​ប្រជាធិបតេយ្យ​ជាតិ​ពន្យល់​ថា ៖«​វា​មាន​រយៈ​ពេល​១០​ឆ្នាំ​ហើយ​ហើយ​វា​មាន​ការ​ផ្លាស់​ប្តូរ​យ៉ាង​ច្រើន​នៃ​ចំនួន​ប្រជាជន​តាម​ខេត្ត។ ប្រសិន​បើ​គេ​មិន​ធ្វើ​ការ​ផ្លាស់​ប្តូរ​អាសនៈ​នោះ​អ្នក​កំពុង​ធ្វើ​ឲ្យ​វា​មាន​ទម្ងន់​តិច​ជាង​ឬ​លើស​សំឡេង​ឆ្នោត»។
តាម​ច្បាប់​គណៈកម្មាធិការ​ពិសេស​មួយ​ដែល​កើត​ចេញ​ពី​តំណាង​គណបក្ស​នានា​នៅ​ក្នុង សភា​និង​ក្រសួង​មហា​ផ្ទៃ និង​វិទ្យាស្ថាន​ជាតិ​ប្រជាធិបតេយ្យ​ត្រូវ​ជួប​ប្រជុំ​គ្នា​រាល់​ប្រាំ​ឆ្នាំ​ម្តង«ដើម្បី​ធ្វើ​ការ​កែ​តម្រូវ​ចំនួន​អាសនៈ​និង​បែង​ចែក​អាសនៈ​ចំពោះ​ខេត្ត​/រាជធានី មួយៗ»។
មាត្រា​ទី៧ នៃ​ច្បាប់​ស្តីពី​ការ​បោះឆ្នោត​តំណាងរាស្ត្រ​កំណត់​ថា​៖ «ដោយ​ពិចារណា​លើ​កត្តា​ប្រជាសាស្រ្ត ភូមិសាស្រ្ត សង្គម និង​សេដ្ឋកិច្ច គណៈកម្មាធិការ​ត្រូវ​រាយការណ៍​និង​ផ្តល់​អនុសាសន៍​ទៅ​រាជ​រដ្ឋាភិបាល​ថា តើ​ដំឡើង​ចំនួន​អាសនៈ ឬ​រក្សា​ទុក​ដដែល​នូវ​ចំនួន​អាសនៈ​នេះ»។
វា​ជា​ការ​កត់​សម្គាល់​ផង​ដែរ​ថា ប្រព័ន្ធ​បោះឆ្នោត​«ត្រូវ​តែ​តំណាង​ឲ្យ​សមាមាត្រ​ជាមួយ​មណ្ឌល​ខេត្ត​/រាជធានី​»។
លោក សុន ឆ័យ តំណាងរាស្រ្ត​ម្នាក់​ក្នុង​ចំណោម​ពីរ​រូប​របស់​គណបក្ស​ប្រឆាំង​ដែល​ត្រូវ​តែង​តាំង​នៅ​ក្នុង​គណៈកម្មាធិការ​នេះ​បាន​ថ្លែង​ថា នៅ​ពេល​សមាជិក​គណៈកម្មាធិការ​បាន​ជួប​ប្រជុំ​គ្នា​កាល​ពី​ខែ​មិថុនា ឆ្នាំ​មុន «យើង​គ្រាន់​តែ​បាន​ជួប​ប្រជុំ​គ្នា​ខ្លី​មួយ​ហើយ​គណបក្ស​ប្រជាជន​កម្ពុជា​បាន​សម្រេច​ថា​មិន​មាន​ការ​ផ្លាស់​ប្តូរ​ចំនួន​អាសនៈ​ទេ។ វា​ជា​ការ​ពិភាក្សា​យ៉ាង​លឿនៗ...តែ​២៥​នាទី»។
តាម​ការ​គណនា​របស់​លោក សុន ឆ័យ រក​ឃើញ​ថា រាជធានី​ភ្នំពេញ​នឹង​កើន​ពី​១៦​ទៅ​២០​អាសនៈ ហើយ​យ៉ាង​ហោច​ខេត្ត​ចំនួន​៥​ដែល​បច្ចុប្បន្ន​មាន​អាសនៈ​មួយ​នឹង​កើន​ឡើង​ទ្វេ​ដង។
លោក​បន្ត​ថា ៖ «ចំពោះ​ការ​សិក្សា​របស់​យើង​អាសនៈ​គួរ​តែ​មាន​ប្រមាណ​១៥០​ដោយ​យោង​ទៅ​តាម​ការ​កើន​ចំនួន​ប្រជាជន ចាប់​តាំង​ពី​ឆ្នាំ​១៩៩៨​»។
ការ​គណនា​នេះ​ទំនង​ជា​ត្រឹម​ត្រូវ។ ផ្អែក​តាម​រូបមន្ត​ច្បាប់​បោះឆ្នោត​វា​គួរ​តែ​មាន​អាសនៈ​ចំនួន​១៤៣ នៅ​ក្នុង​សភា​បើ​សិន​ទិន្នន័យ​ជំរឿន​ថ្មី​បំផុត​ត្រូវ​បាន​ប្រើ​ប្រាស់​។ ប្រសិន​តួលេខ ឆ្នាំ​២០១៣​របស់​វិទ្យាស្ថាន​ជាតិ​ប្រជាធិបតេយ្យ​ត្រូវ​បាន​ប្រើ​ចំនួន​នោះ​នឹង​ហក់ ឡើង​ដល់​១៥៥ អាសនៈ​។ ទន្ទឹម​នេះ នៅ​រាជធានី​ភ្នំពេញ​វា​គួរ​មាន​អាសនៈ​ចំនួន​១៨។
លោក សុន ឆ័យ ថ្លែង​ថា នៅ​កិច្ច​ប្រជុំ​នានា​កាល​ពី​ពេល​មុន​របស់​គណៈកម្មាធិការ​នេះ​ប្រធាន គណៈកម្មាធិការ ដែល​មក​ពី​គណបក្ស​កាន់​អំណាច​បាន​អះអាង​ថា ការ​កើន​ចំនួន​អាសនៈ​បែប​នេះ​មិន​អាច​ទៅ​រួច​ទេ ដោយ​សារ​ថា បញ្ហា​ថវិកា​មាន​កំណត់​ប៉ុន្តែ​នៅ​ក្នុង​កិច្ច​ប្រជុំ​ថ្មី​បំផុត ពួក​គេ​មិន​បាន​សំអាង​លេស​ណា​មួយ​ទេ។
លោក​ស្រី Thornton នៅ​វិទ្យាស្ថាន​ជាតិ​ប្រជាធិបតេយ្យ​បាន​កត់​សម្គាល់​ថា អាសនៈ​អាច​នឹង​បែង​ចែក​ឡើង​វិញ​បាន​ដោយ​មិន​បាច់​ដំឡើង​ចំនួន​សរុប។
លោក​ស្រី​ថ្លែង​ថា​៖ «អ្នក​អាច​រក្សា​បន្ទាត់​ក្រោម​ដដែល​ប៉ុន្តែ​ត្រូវ​តែ​ផ្លាស់​ប្តូរ​ការ​បែង​ចែក​អាសនៈ​ចំនួន​ប្រជាជន​»។ បើ​អ្នក​មិន​ធ្វើ​បែប​នោះ​ទេ «សំឡេង​ឆ្នោត​របស់​មនុស្ស​ម្នាក់​នៅ​ភ្នំពេញ​គឺ​មាន​តម្លៃ​តិច​ជាង​សំឡេង​ឆ្នោត​មនុស្ស​ម្នាក់​នៅ​ខេត្ត​មណ្ឌលគិរី​។ តាម​គោលការណ៍​ច្បាប់​វា​មិន​គួរ​អ៊ីចឹង​ទេ​។ ច្បាប់​បោះឆ្នោត​ចង់​ឲ្យ​សំឡេង​ឆ្នោត​មាន​ទម្ងន់​ស្មើ​គ្នា»។
តំណាង​រាស្រ្ត​គណបក្ស​ប្រជាជន​កម្ពុជា លោក ប៉ែន បញ្ញា ប្រធាន​គណៈកម្មាធិការ​នេះ​បាន​បដិសេធ​មិន​ធ្វើ​អត្ថាធិប្បាយ​ដោយសារ​ថា លោក​ជាប់​រវល់​ពី​ម្សិលមិញ​។ ប៉ុន្តែ​អ្នក​នាំ​ពាក្យ​សភា​លោក ឈាង វុន បាន​ទទូច​ថា ការ​សម្រេច គឺ​ផ្អែក​ទៅ​លើ​រូបមន្ត​បោះឆ្នោត។
លោក​ថ្លែង​ថា​៖ «កាល​ពី​ឆ្នាំ​មុន យើង​បាន​ជួប​ប្រជុំ ហើយ​សម្រេច​ថា ចំនួន​អាសនៈ​នឹង​នៅ​ដដែល​ក្នុង​ចំនួន​១២៣​ហើយ​នឹង​មិន​មាន​ការ​ផ្លាស់​ប្តូរ​ចំនួន​អាសនៈ​[សម្រាប់​ខេត្ត​នីមួយៗ​]​នោះ​ទេ ដូច្នេះ​នៅ​ក្នុង​អាណត្តិ​នេះ​គ្មាន​អ្វី​ផ្លាស់​ប្តូរ​អ្វី​ទេ»។
ប៉ុន្តែ​លោក សុន ឆ័យ លើក​ឡើង​ថា វា​ស្ទើរ​គ្មាន​អ្វី​សង្ស័យ​ដែល​ថា មន្រ្តី​រដ្ឋាភិបាល​មក​ពី​ក្រសួង​NIS​និង គ.ជ.ប បាន​ធ្វើ​តាម​គណបក្ស​កាន់​អំណាច។
លោក​បន្ត​ថា​៖ «លោក បញ្ញា គឺ​តំណាង​រាស្រ្ត​គណបក្ស​ប្រជាជន​កម្ពុជា​, ពីរ​នាក់​មក​ពី​ក្រសួង​មហា​ផ្ទៃ ពិត​ណាស់ បោះឆ្នោត​ឲ្យ​គណបក្ស​ប្រជាជន​កម្ពុជា បន្ទាប់​មក​ទៀត មាន គ.ជ.ប ដែល​ជា​គណបក្ស​ប្រជាជន​ដែរ​បន្ទាប់​ទៀត មាន​ក្រសួង​ផែនការ មក​ពី​គណបក្ស​ប្រជាជន បន្ទាប់​មាន​គណបក្ស​ហ៊្វុន​ស៊ិន​ប៉ិច ដែល​ជា​ដៃគូ​របស់​គណបក្ស​ប្រជាជន​កម្ពុជា។ ដូច្នេះ​ពួក​គេ​មាន​ដៃ​ខ្ពស់​ជាង»។
លោក​បន្ថែម​ថា​៖ «ខ្ញុំ​គិត​ថា ដោយ​សារ​ពួក​គេ​បាន​ធ្វើ​ការ​គណនា​មួយ​ចំនួន ហើយ​បាន​រក​ឃើញ​ថា ការ​ដំឡើង​អាសនៈ មាន​តែ​គណបក្ស​ប្រឆាំង​ដែល​នឹង​ទទួល​អត្ថ​ប្រយោជន៍​ដូច្នេះ​ទើប​ពួក​គេ​មិន​អើពើ»។
លោក ផៃ ស៊ីផាន អ្នក​នាំ​ពាក្យ​ទីស្តីការ​គណៈ​រដ្ឋ​មន្រ្តី ជា​ស្ថាប័ន​ទទួល​បង្កើត​គណៈកម្មាធិការ​នេះ​លើក​ឡើង​ថា ការ​អះអាង​របស់​លោក សុន ឆ័យ គឺ​ខុស​ហើយ​ថា ការ​សម្រេច​នោះ​គឺ​ធ្វើ​ឡើង​«យោង​ទៅ​តាម​លទ្ធិ​ប្រជាធិបតេយ្យ»។
លោក​ចោទ សួរ​ថា​៖ «បើ​អ្វីៗ​សុទ្ធ​តែ​គាំទ្រ​គណបក្ស​ប្រជាជន​កម្ពុជា ហេតុ​អ្វី​បក្ស​ប្រឆាំង​មាន​អាសនៈ​នៅ​ឃុំ​សង្កាត់។ អ្វី​ដែល​ពួក​គេ​ចោទ​ប្រកាន់​យើង​គឺ​គ្មាន​មូលដ្ឋាន...ការ​បែង​ចែក​អាសនៈ​គឺ​ធ្វើ​ឡើង​ទៅ​តាម​លក្ខណៈ​វិទ្យាសាស្រ្ត​និង​ប្រជាធិបតេយ្យ​»៕ 

No comments:

Post a Comment

yes