លោក សម រង្ស៊ី ចុះជួបប្រជាជនអ្នកគាំទ្រ នាពេលកន្លងមក
គណបក្សសង្គ្រោះជាតិបានធ្វើលិខិតចំហរជាភាសាអង់គ្លេសមួយ ដើម្បីបង្ហាញអំពីជំហររបស់ខ្លួនក្នុងការគាំទ្រសិទ្ធិបញ្ចេញមតិរបស់ពលរដ្ឋ។ គណបក្សសង្គ្រោះជាតិបានផ្សព្វផ្សាយលិខិតចំហរនេះឡើង ក្រោយពីរដ្ឋាភិបាលចាំផ្ទះរបស់គណបក្សប្រជាជនកម្ពុជាបានផ្ញើឯកសារស្តីអំពីការអំពាវនាវរបស់មេដឹកនាំគណបក្សសង្គ្រោះជាតិអោយប្រជាជនកម្ពុជាចូលរួមធ្វើមហាបាតុកម្ម ប្រឆាំងលទ្ធផលបោះឆ្នោត។
ក្រៅពីការតតាំងគ្នាដោយផ្ទាល់នៅទល់មុខគ្នា គណបក្សប្រជាជនកម្ពុជា និងគណបក្សសង្គ្រោះជាតិកំពុងតតាំងគ្នា ទាញយកការគាំទ្រនៅចំពោះមុខសហគមន៍អន្តរជាតិដែរ។
ភ្លាមៗក្រោយពីក្រសួងមហាផ្ទៃបានប្រកាសថា ខ្លួនបានផ្ញើឯកសារស្តីអំពីការអំពាវនាវធ្វើបាតុកម្មរបស់មេដឹកនាំ គណបក្សសង្គ្រោះជាតិ ទៅបណ្តាស្ថានទូត និងអង្គការក្រៅរដ្ឋាភិបាលជាង៥០នោះ គណបក្សសង្គ្រោះជាតិបានចេញផ្សាយសេចក្តីថ្លែងការណ៍មួយដែរ អះអាងអំពីជំហររបស់ខ្លួនក្នុងការការពារសិទ្ធិរបស់ពលរដ្ឋ និងឆន្ទៈរបស់អ្នកបោះឆ្នោតក្នុងនីតិកាលទី៥នេះ។
នៅក្នុងសេចក្តីថ្លែងការណ៍ជាភាសាអង់គ្លេស គណបក្សសង្គ្រោះជាតិសរសេរថា ខ្លួនគាំទ្រសិទ្ធិរបស់ប្រជាជនកម្ពុជាដែលត្រូវចូលរួមចំណែកជាមួយ រដ្ឋាភិបាល ដែលត្រូវកើតចេញពីការបោះឆ្នោត ដែលត្រឹមត្រូវពិតប្រាកដ គាំទ្រសិទ្ធិរបស់ប្រជាជនក្នុងការអនុវត្តន៍សិទ្ធិសេរីភាពក្នុងការ ជួបជុំដោយសន្តិភាព។
ភ្លាមៗក្រោយពីក្រសួងមហាផ្ទៃបានប្រកាសថា ខ្លួនបានផ្ញើឯកសារស្តីអំពីការអំពាវនាវធ្វើបាតុកម្មរបស់មេដឹកនាំ គណបក្សសង្គ្រោះជាតិ ទៅបណ្តាស្ថានទូត និងអង្គការក្រៅរដ្ឋាភិបាលជាង៥០នោះ គណបក្សសង្គ្រោះជាតិបានចេញផ្សាយសេចក្តីថ្លែងការណ៍មួយដែរ អះអាងអំពីជំហររបស់ខ្លួនក្នុងការការពារសិទ្ធិរបស់ពលរដ្ឋ និងឆន្ទៈរបស់អ្នកបោះឆ្នោតក្នុងនីតិកាលទី៥នេះ។
នៅក្នុងសេចក្តីថ្លែងការណ៍ជាភាសាអង់គ្លេស គណបក្សសង្គ្រោះជាតិសរសេរថា ខ្លួនគាំទ្រសិទ្ធិរបស់ប្រជាជនកម្ពុជាដែលត្រូវចូលរួមចំណែកជាមួយ រដ្ឋាភិបាល ដែលត្រូវកើតចេញពីការបោះឆ្នោត ដែលត្រឹមត្រូវពិតប្រាកដ គាំទ្រសិទ្ធិរបស់ប្រជាជនក្នុងការអនុវត្តន៍សិទ្ធិសេរីភាពក្នុងការ ជួបជុំដោយសន្តិភាព។
សេចក្តីថ្លែងការណ៍ដដែលបន្តថា គណបក្សសង្គ្រោះជាតិកំពុងអនុវត្តន៍កិច្ចការទាំងនេះ ដោយយោងទៅតាមសេចក្តីសម្រេចចិត្តរបស់មហាសន្និបាតអង្គការសហប្រជាជាតិ របស់ក្រុមប្រឹក្សាសិទ្ធិមនុស្សរបស់អង្គការសហប្រជាជាតិ និងអនុសាសន៍របស់អ្នករាយការណ៍ពិសេសរបស់អង្គការសហប្រជាជាតិស្តីពី សិទ្ធិមនុស្សនៅកម្ពុជា។
យោងតាមសេចក្តីថ្លែងការណ៍នេះ គណបក្សសង្គ្រោះជាតិក៏ត្រូវការការគាំទ្រពីសហគមន៍អន្តរជាតិ ដើម្បីពង្រឹងការអនុវត្តន៍សិទ្ធិទាំងនេះ នៅ កម្ពុជាដែរ។ នៅក្នុងសេចក្តីថ្លែងការណ៍ដែលត្រូវបានផ្សាយនៅក្នុងគេហទំព័ររបស់ គណបក្សសង្គ្រោះជាតិនេះ គណបក្សសង្គ្រោះជាតិក៏បានប្រកាសប្រឆាំងការប្រើប្រាស់អំពើហិង្សា ការប្រកាន់ពូជសាសន៍ ការស្អប់ជនបរទេស និងការរើសអើង។
គួរបញ្ជាក់ឡើងវិញថា តាំងពីក្រោយថ្ងៃបោះឆ្នោត គណបក្សសង្គ្រោះជាតិបានបរិហារភាពមិនប្រក្រតីនៃការបោះឆ្នោត មុននឹងប្រកាសប្រឆាំងលទ្ធផលបណ្តោះអាសន្ននៃការបោះឆ្នោតដែលប្រកាសដោយ គណៈកម្មាធិការជាតិរៀបចំការបោះឆ្នោត។
រហូតដល់ពេលនេះ ខណៈដែលក្រុមប្រឹក្សាធម្មនុញ្ញដែលជាស្ថាប័នចុងក្រោយ កំពុងដោះស្រាយបណ្តឹងបោះឆ្នោតនោះ គណបក្សសង្គ្រោះជាតិក៏នៅតែរក្សាជំហរចុងរក្រោយ ដឹកនាំធ្វើមហាបាតុកម្មអហិង្សាប្រឆាំងលទ្ធផលបោះឆ្នោតដែរ។
រដ្ឋាភិបាលចាំផ្ទះរបស់គណបក្សប្រជាជនកម្ពុជាវិញ តាមរយៈរដ្ឋមន្ត្រីក្រសួងមហាផ្ទៃ បានទទួលជួបឯកអគ្គរាជទូត និងឯកអគ្គរដ្ឋទូតសំខាន់ៗជាច្រើន ដើម្បី រៀបរាប់អំពីស្ថានការណ៍នៅក្រោយថ្ងៃបោះឆ្នោត។ លោករដ្ឋមន្ត្រី ក្រសួងមហាផ្ទៃក៏ធ្លាប់ចេញសេចក្តីថ្លែងការណ៍ព្រមានមេគណបក្សប្រឆាំង អំពីការធ្វើបាតុកម្មដែលអាចនាំទៅរកហិង្សា និងបង្កអសន្តិសុខសង្គមផងដែរ៕
No comments:
Post a Comment
yes