លោកស្រី យីងឡាក់ នាយករដ្ឋមន្ត្រីថៃ ក្នុងបទសម្ភាសន៍ជាមួយ
BBC news (រូបថតពី Facebook លោកស្រីយីងឡាក់)
លោកស្រី យីងឡាក់ នាយករដ្ឋមន្ត្រីថៃ ត្រៀមប្រកាសពីការបោះឆ្នោតជាថ្មីឡើងវិញ ដើម្បីបញ្ចប់ការតវ៉ា នៅទីក្រុងបាងកក និងបញ្ចៀសហិង្សាផ្សេងៗ ដែលអាចកើតមានឡើងជា យថាហេតុ។
ប្រាប់សារព័ត៌មានប៊ីប៊ីស៊ីញូ នៅថ្ងៃសុក្រម្សិលមិញ លោកស្រី យីងឡាក់ ថ្លែងថា លោកស្រី ស្រលាញ់ប្រទេសរបស់លោកស្រី ហើយបានហាមមន្ត្រីក្រោមបង្គាប់មិនឲ្យប្រើហិង្សាលើបាតុករ ដែលចូលកាន់កាប់ក្រសួងរបស់រដ្ឋាភិបាលទេ។ លោកស្រីបានប្រាប់ពីគម្រោងនៃការប្រកាសឲ្យមានការបោះឆ្នោតឡើងវិញ តែលោកស្រីមិនប្រាកដថាតើបាតុករយល់ព្រម ឬអត់ទេ។
លោកស្រី យីងឡាក់ ជាប់ឆ្នោតជានាយករដ្ឋមន្ត្រីកាលពីឆ្នាំ២០១១ ដោយមានសំឡេងគាំទ្រច្រើនពីប្រជាពលរដ្ឋ ដែលក្រីក្រ ពិសេស ពលរដ្ឋនៅភាគខាងជើងនៃប្រទេស។ តែក្នុងរយៈពេលមួយសប្តាហ៍នេះ បាតុករប្រមាណ១០ម៉ឺននាក់ ដឹកនាំដោយគណបក្សប្រជាធិបតេយ្យ ជាគណបក្សប្រឆាំងបានតវ៉ានៅទីក្រុងបាងកក ដើម្បីទាមទារឲ្យ លោកស្រី យីងឡាក់ ចុះចេញពីតំណែងដោយចោទថា ការដឹកនាំមានគោលនយោបាយក្រៅប្រទេសអន់ខ្យោយ ដឹកនាំបែបបក្ខពួកពីបងប្រុស គឺលោកថាក់ ស៊ីន ដែលជាប់ពាក់ព័ន្ធនឹងការប្រព្រឹត្តអំពើពុករលួយ។
ក្នុងរយៈពេលមួយសប្តាហ៍នេះ បាតុករបានឡោមព័ទ្ធក្រសួងស្ថាប័នរដ្ឋជាបន្តបន្ទាប់ ក្នុងនោះរួមមានទាំងក្រសួងមហាផ្ទៃ និងទីបញ្ជាការកងទ័ពនៅទីក្រុងបាងកកទៀតផង៕
No comments:
Post a Comment
yes